家庭飯局@上海婆婆

 

2009年7月28日(星期二)

 

琴晚去完書展, 超級攰, 好唔想返工呀

但係今日lunch時間又陪咗好友'經理'去走咗一趟

都係得個睇字, 無嘢執到囉...嘻嘻

今晚約咗老爺奶奶佢哋食飯

今次家姐擇咗屯門吉之島的 上海婆婆

上海婆婆開咗咁耐, 一次都未去過

因為無得book位, 又要限時間, 麻鬼煩啊...

每次都勁多人係鋪前等位,

人太多, 所以一直都未有機會試囉

由於蕭家姐放大假, 所以佢一早就話會早啲嚟等位

可能今日係平日啦, 都要等, 但係都好快囉...

終有得試了...

唔講唔知, 佢講明每枱係比個半鐘你,

啲菜呀....你呢頭落單, 九秒九就話咁快送到嚟

唔怪之得佢可以得比個半鐘食啦

婆婆粒粒炒飯

望落好似無咩特別, 但係食落好好味,

炒得好乾身嫁, 唔會食時覺得肥淋淋, 而且好爽身,

仲有係味道剛好, 個飯食落唔似一般炒飯,

食落有啲似糯米飯的感覺, 但又唔係糯米飯的'痴'

係平時的炒飯及糯米飯的中間....好食

四喜烤夫

烤夫呢樣嘢, 食嚟食去咁多間,

都係唯一一間到而家最好最好食的係

金鐘的紫玉蘭, 真係好好食.

紫玉蘭的烤夫真係出面的做唔到囉...

如果未食過紫玉蘭的, 上海婆婆都會係算好食嫁了,

因為之前食過幾間上海菜館,

都係唔好食囉...都唔係嗰回事...

一食過好食的, 就返唔到轉頭嫁了...嘻嘻

清炒鱔糊

家姐話有人介紹上海婆婆的鱔糊炒得唔錯

咁我哋就試叫咗呢款, 因為佢有好幾款鱔糊的

最後因為清炒鱔糊係有個 '婆' 字作為一個推介的提示

送到枱上, 都好大碟, 夠份量,

而且都真係炒得唔錯喎..

但蕭少爺就話略為咸咗少少...蕭C奶就唔覺了

都係我平時煮開勁淡口, 所以而家少爺好多時出去食飯

佢都會覺得出面的嘢咸咗少少..

鎮江肴肉

好味呀, 做得好好味, 味道剛好,

不會太淡又不會太咸, 口感好爽口

呢款菜式蕭C奶曾經都自己出去學過

不是太難整的, 等蕭C奶遲吓有時間, 整吓先...

干燒蝦球

見menu的相好靚呀, 好想食囉...

咁就叫咗, 呢碟菜式個汁一流呀,

奶奶話一定要用嚟撈飯食,

而且個汁帶點辣辣哋, 個蝦夠爽夠大隻

而且份量都好多嫁, 都只係98元

我覺得好抵食囉...

黑醋排骨

好好味, 好好味呀.....個汁酸酸哋,

而且啲排骨炸得剛好, 好juicy嫁, 

連啲洋蔥都好好食添呀....我愛呢味餸啊...

 有機會一定要試吓... 

 

咸肉津白

有蕭C奶係到, 一定唔少得要有菜,

好似叫...唔知咩咸肉津白

反而呢碟係比較耐先送到嚟,

其實平時啲上海菜館到蕭C奶係麻麻哋津白的

但係上海菜館多數都係食呢款菜, 無計, 都要食嫁

但係上海婆婆的津白又好啱我胃口喎.....好味

蒜片炒飯

唔係好記得全名, 但係呢個飯係之後加的,

因為阿哥遲嚟咗, 但係呢個飯麻麻哋,

同婆婆粒粒炒飯差好遠啊...

呢個飯其實係橙色的, 有少少辣辣哋,

但係我覺得炒得比較冧咗啲, 而且唔好味啦...

因為有比較.....

螺肉冷麵

見到menu有一版係寫住---手造麵,

咁當然想試食吓啦, 天氣熱我哋要咗冷麵,

嗯...普通啦, 又唔係話好好食, 亦都唔會話唔好食,

但係佢個醬汁就唔錯喎, 初時見啲麵以為會好咸,

哈...食落去又唔會喎...又剛好喎...

而且啲螺肉又爽口, 清清哋, 係一個炎熱的選擇

小籠包

一般啦, 無咩特別, 不過咁, 佢都比出面有啲

上海菜館做得算好嫁了, 因為個皮都做得好薄,

但夾起時又唔會穿, 咁入面都多汁嫁,

不過個味道就唔夠出.

食過翡翠拉麵小籠包(灣仔大有商場分店)

真係好好食, 肉質鮮嬾, 多汁, 皮薄

但朋友仔話只限灣仔分店好食,

銅鑼灣及尖沙咀分店都麻麻...

食食吓....影吓啲家庭相先...

阿哥同家姐話老爺奶奶今晚反常喎....

因為今晚好sweet sweet喎.

..嘻嘻....

今晚老細係.....蕭家姐......yeah...

蕭C奶, 蕭少爺及蕭大哥啊.....

蕭少爺及蕭大哥

影完合照....待應又送菜嚟...

蒜泥白肉粉皮

見到呢碟冷盤, 蕭C奶才恍然大悟, 自己都曾經在家做過

蕭少爺一食就話....都唔凍的, 人哋係要凍啲先好食嫁嘛....

蕭C奶一試....都係嗰句...紫玉蘭除咗烤夫之外,

蒜泥白肉又係另一好好味的冷盤

而蕭C奶自己做的當然都無紫玉蘭咁好食啦,

但自己做的, 一定會加番啲分囉...係咪先.

請看蕭C奶做的蒜泥白肉(家庭版)

http://hk.myblog.yahoo.com/jobechan0911/article?mid=1269

而上海婆婆, 都係嗰句, 比起出面好多所謂的上海菜館,

做得真係唔錯, 我亦都食過出面的, 連個樣都巳經唔係果回事了,

仲何況食的時候...大家可想而知...

上海婆婆係夾係中間的水準囉...唔會好好, 唔會好差.

手切牛肉煎包

見到menu有相, 好靚好多汁, 以為好掂啦...

老實講, 呢一個係全晚最失望又失敗的食物,

之前嗰啲最多咪唔係好特別好食, 但都ok嘛

但係呢個蕭C奶會比唔合格囉...點解...

第一: 個包唔夠大, 人哋出面嗰啲比較大隻嫁...

第二: 最重要佢衰係.....睇吓下面張相...唔夠汁囉....又唔夠料囉

好食的煎包, 係要入口多汁, 多料呀嘛..

佢完全做唔到, 所以呢個唔合格呀.....backlist佢.

椒鹽小黃花

menu係個有三條的, 落單時, 待應講咗話而家比較大條,

所以係得兩條, 當然無問題啦...

個樣好似麻麻哋...但係食落勁好味..

炸得剛好, 皮脆肉滑. 不太咸也不太淡,

老爺連番勁讚...老爺全晚食得最多, 竟然係呢碟啊..

連奶奶都出聲話真係好好食.

蕭C奶都認為下次會再叫啊....嘻嘻..

嘩...食吓食吓...原來蕭家都叫咗13味餸...

好飽呀...原本同家姐夾好要食糖水

而家食唔落lu......等下次先啦....

食咗咁多碟....都係七百幾蚊

都好抵食呀....下次會再嚟過!

 

埋單的時候, 蕭C奶先睇到, 原來上海婆婆的裝修,

四圍都係掛咗啲bb的相啊...好得意呢...

多謝蕭家姐請客啊.....