打邊爐@小肥牛

 

 

2009年7月17日(星期五)

 

一早約了這堆朋友仔打邊爐

地點選了好幾個

最後大家都決定去

位於太子分店的 小肥牛

一行十二人好好哋聚吓啊...

蕭C奶當然唔少得有小手作啦

咪又係香蕉cake囉..哈哈..

琴晚焗咗一盤...不過我將兩個份量放埋一個盤到焗

下次我都係分開, 好似早幾日咁好啲

因為太厚, 除咗焗的時間要再長啲外,

我覺得個質感都差啲, 因為表面好快脆, 但內裡未必完全熟,

所焗的時間長咗, 咁就好難控制個質感了

各位要留意啊...

為了方便送給他們, 選擇了獨立包裝...

還特別的買來了有意思及漂亮的貼紙做封口啊...

希望你哋喜歡啦....我都覺得呢個無咁好食嫁.

都係一杯杯或者分開焗兩盤會好味好多

朋友仔jordy話唔夠香蕉味, 無計了, 蕭C奶盡可能都唔會加香油啊

自家製都係著重品質及材料啊....

 

 

蕭C奶同蕭少爺都係好鐘意打邊爐的人

最愛留在家中舒舒服服享受

小肥牛太子店環境都唔錯

雖然張枱夠大呀, 但是爐與位的距離太遠啊

就連少爺咁高大, 手長的嚟講都覺得真係好遠

全晚攪到少爺很不高興啊...因為太辛苦了, 吓吓都要起身之餘,

仲要將個身嗚前先可以整到嘢食呀...

呢一點小肥牛真係做得好差勁!

第二就係環境真係好嘈

...就算坐係隔離都要勁大聲先可以傾到,

對於蕭少爺同蕭C奶嚟講, 呢一點仲差...

尤其係少爺呀. 因為少爺一向都唔係好鐘意嘈雜的地方

少爺最愛清靜的環境, 亦都因為咁, 自從蕭C奶下嫁咗少爺後,

愛熱鬧的蕭C奶都跟咗少爺, 所以我哋經常都待在家中享受

真係嫁雞隨雞, 嫁狗隨狗....

成晚少爺其實係有少少面黑嫁, 只係因為咁難得可以同朋友仔一齊,

佢先比面咋...食食吓...咁橋少爺個冷氣位仲滴咗水落嚟,

攪到少爺心情仲加黑上加黑呀....

做老婆仔的唯有用手在枱底到拍拍他

希望少爺心情好啲, 唔好咁唔高興啦...

下次醒目, 原來小肥牛有房book, 再有下次,

無論去邊間都好, 都要book吓房

每次在家打邊爐, 蕭少爺都會好有心機咁

自己切哂啲蒜茸, 葸 及辣椒

就好似以下的盒咁, 係唯獨無炸過的蒜茸囉..

手切牛肉

桶蠔----大隻及新鮮

其實仲有其他嘢食, 不過無影到相啊..

因為掛住食..小肥牛的牛肉粒好好食

不過咁, 都唔夠我哋之前係佐敦食過的

牛皇海鮮火鍋小菜館咁好食

啲牛真係正好多, 不過就貴囉

 

小肥牛都幾抵食, 可能我哋多人

每人都係150元左右

都會再幫襯

 

 

好開心同朋友仔

過咗一晚開心的晚上啊...

最開心係有得打邊爐囉..嘻嘻