2009年7月31日星期五

夢見

一個月前某日, 發夢...

夢見爸爸...夢見爸爸認錯, 回頭.....

夢很真實....

醒來..發現原來是夢...真傻...

很少記得夢的情景...但這次很深刻, 到現在還沒有忘記

自從這夢後..

令我常常都想起爸爸

是上天給我此夢, 給我指引, 給我一點啟示, 還是.....?????

不知道....

心亂如麻...真像情侶啊...

昨天晚上, 終於鼓起勇氣

打了一通電話給爸爸....

其實是很想聽到他的聲音...

很久沒有聽過爸爸的聲音了....

打通了.....電話響了很久, 都沒有人接聽...

心想....難道真的沒有緣份....

對上幾次, 不是沒有勇氣, 就是打不通

或者沒有人接聽....

這此如是....

但是我這此沒有掛線....由它繼續響....dododododo聲

終於....終於.....

聽到對方電話筒傳來了..一位熟悉的聲音...

喂...喂...喂.... (是爸的聲音啊)

而我緊緊的握著電話筒, 珍惜的聽到這把久違了的聲音

爸爸見沒有人出聲, 喂了三聲, 掛線了

電話筒又變回了dododo聲....

我也隨之掛線好了...

心又再緊緊的痛....

眼又再次濕濕的...

但咀是微微的笑..

因為聽到爸爸的響大聲線

這証明爸爸身體應該沒有問題吧..

這次能夠有勇氣打了一通電話

希望自己能夠有更大的勇氣面對他吧!

願上天能給予我更大的勇氣

能給予我更多的時間

也能給予我常常告訴您我的所需

使我可以化解這次的重大的家庭問題!

它來自北京!

好友 '叻叻' 於7月份時

到北京training兩個星期

進行了她的北京煲冬瓜之行

終於學成歸來

回來了. 還送來了蕭少奶

一份既實用又有意義的環保袋.

實用不用多說

有意義????

是因為此環保袋是為了四川籌款的.

相當有意義呢!

很喜歡很喜歡

這個熊貓環保袋啊....很可愛

打開後.....

更加喜歡它...因為袋抽位是短的...

很適合蕭少奶個子不高的身形啊...

背面是這樣子的...

還寫上: 中國加油!

蕭少奶都要加油啊....

不用它時, 放在這個熊貓小袋內, 很方便啊...

美中不足是....白色

蕭少奶要小心小心....

叻叻...謝謝您啊...

每次無論短/長的遠行

總會帶給少奶一份貼心又喜歡的手信

謝謝您!

(這個環保袋真的有錢都未必買得到啊..

因為它來自北京!)

你今日換咗未??

你哋換咗未呀...

蕭C奶好耐都無試過好想換紀念品啊...

尤其係麥當勞

今次麥當勞與可口可樂推出的杯

蕭C奶好鐘意呀....

一定要換咗佢返嚟...

第時攪派對時, 可以用嚟招呼朋友啊...

今日蕭C奶換咗4隻了...

我諗呢個星期內可以換齊一套...

yeah.

麥當勞 (McDonald's)與「可口可樂」(Coca Cola)合作推出的精美紀念品，一向受大眾歡迎。早前「可口可樂經典弧形玻璃杯」在日本推出時更掀起搶購潮，令「可口可樂經典弧形玻璃杯」火速售罄。

各位「可口可樂」迷不用焦急！香港麥當勞今夏將與「可口可樂」再度合作，推出一套六款限量版「可口可樂經典弧形玻璃杯」。這套弧形杯的設計揉合了30年代傳統鐘型可口可樂瓶的形狀及可口可樂玻璃瓶的經典坑紋，更是「可口可樂」公司首個申請專利權的玻璃杯，極具收藏價值。

「可口可樂經典弧形玻璃杯」一套六款，包括粉紅色、綠色、藍色、青檸色、炭灰色及紫色，每種顏色代表不同個性和喜好，與麥當勞多款超值套餐組成完美配搭。

供應期：

由7月30日至8月19日，一連三星期，凡於麥當勞惠顧任何超值套餐，加港幣$3轉加大薯條及大汽水即可免費獲贈一隻「可口可樂經典弧形玻璃杯」，6款顏色以供選擇。數量有限，換完即止。

McDonald's x Coca Cola 限量版經典弧形玻璃杯，一套六款。

小聚會

2009年7月30日(星期四)

琴日蕭C奶放咗一天假

為了今天與朋友仔的lunch gathering

大家識咗十年有多

真係好難得....

難得在於我哋都不分彼此

呢次的小小聚會

無叫到 '叻叻'

因為佢係金鐘啊...所以唔方便叫佢上嚟呢

叻叻...唔好嬲呀...唔係有心唔叫你嫁

相信你會明白的, right?

睇吓今日我哋的gathering有咩食先?

蕭C奶自家製麵包

一個有芝士, 一個淨包, 用嚟點咖喱伴食

天氣咁熱, 最好就係食啲凍凍地又開胃的沙律啦

made by: 經理

上次見dada整過咖喱, 好想食呀....

為了配合dada的咖喱, 除咗有包包配之外,

經理仲煲咗啲健康的雜錦米比我哋配咖喱汁啊...

真夠細心呢.

上篇都解釋咗..原本係整銀針粉的....

但係唔知咩原因啦...就攪到蕭C奶變咗

錯有錯着, 改咗個新名叫做銀針粉棵條....

都ok的, 煙煙韌韌, 幾有趣呀..

由於蕉蕉及ivy姐唔會整嘢食嫁了...

所以佢哋就負責買coffee比我哋飲啦...

買一送一, 好抵呀...

今日整啲相時, 覺得成日都係就咁齋相,

好鬼悶囉...一於咪畫吓啲公仔咁囉...

不過蕭C奶一向都無藝術細胞...哈哈...

最好笑係ivy姐....其實我係想畫佢有頸鍊嫁...

不過.......!!!!!

蕉蕉+蕭C奶+經理

逢星期二及四蕭C奶都要返灣仔office

好開心嫁, 因為可以見到灣仔office的同事

而且因為蕉蕉, dada, 經理及ivy姐都係返灣仔

而且仲要大家都係隔離, 所以可以一齊成日食lunch相聚啊..

攪咗第一次小小lunch gathering,

之後我哋都可以成日攪啊....

下一次要睇吓叻叻過唔過到嚟先....

咁就完美了.

dada的blog內都有記載到我們的聚會啊:

http://hk.myblog.yahoo.com/amanda_chan118/article?mid=7652&prev=7397&next=7616

由於蕭C奶最近要keep fit

所以lunch及dinner, 只可二選一

今日lunch同咗佢哋食

dinner就無得食了

唯有煮個麵比蕭少爺食啦....

都咪話呀....一邊煮出前一丁, 一邊就好想食呀!!!!

最後...蕭C奶當然係忍唔住

要蕭少爺比我食番一啖啦....

嘩...真係好耐無煮過呢啲咁唔負責任的晚餐比少爺食呀....

雙蛋出前一丁.....盛惠18蚊, 唔包飲品.

2009年7月29日星期三

錯有錯着之自家製銀針粉棵條

2009年7月29日(星期三)

今日蕭C奶放假一天

目的是預備明天lunch的小食聚會

答應了好友們

自製面包及銀針粉給她們品嚐啊...

另外, 經理及dada都會做食物帶來

而且蕭C奶最近太攰了

所以要好好休息吓

今早原本無咁早起身的

比ada姐的電話嘈醒呀...比佢激屎....

算啦, 都嘈醒咗了,

因為有好多日都未update個blog呀

所以趁今日有時間

即刻post番幾日的出嚟比大家睇...

琴晚臨瞓前, 攪好焗面包的材料先

因為要18個鐘的發酵時間

我預好今天晚上焗啊....

到咗下午三點, 開始整銀針粉了

起攪笑呀....蕭C奶又唔係第一次整喎..

但係失敗咗喎...

其實都唔算失敗的...

當蕭C奶整緊個銀針粉時,

加水入去啲粉類時, 做唔到個粉團喎,

係變鬼咗好似好滑的cream咁囉...

睇吓呢張相....唔知以為我係到整蛋糕囉...

再睇清楚啲...真係好似cream呀...

跟住蕭C奶即刻打比好友 '經理' 啦, 講比佢聽,

我哋一齊研究咗一陣間, 無理由嫁,

材料, 做法都一樣, 點解會咁嫁????

不過咁, 經理就話橫掂都整咗,

就叫我唔好理, '筆'少少照樣蒸咗佢,

睇吓得唔得先....

蒸咗了, 都可以變透明喎...又實正嫁喎...

咁我唔理了, 淨番嗰啲, 我全部照樣蒸鬼咗佢,

不過就唔係一條條蒸囉, 係一餅餅囉...哈哈...

然後咪將成餅嘢, 切一條條.囉...

睇吓...咪切成咁囉...變咗好似啲棵條咁...

都好透明嫁, 不過就好鬼煙韌...

準備咗西芹, 腸仔, 牛丸及魚蛋做材料

先先炒咗啲料先...炒炒吓...蕭C奶覺得都好似一碟餸

下次都可以咁樣炒, 就做咗一碟雜錦拼西芹.....

一路炒一路都好香啊...蕭C奶當然有偷食啦....哈

嘩...咁快就炒好了...睇吓都唔差喎...

只係唔係銀針粉咁的樣啫...但味道係一樣的...

又多咗一份新意添...

蕭C奶試食咗, 比起銀針粉煙韌咗啲,

好鬼彈....都ok嫁喎...

真係錯有錯著...

煮餸就係咁...只要轉一轉頭腦

就可以做到另一種味道啦...

就係因為咁...

改咗佢為: 錯有錯着之自家製銀針粉棵條

聽日就攪笑了...無端端變咗個新菜色...

希望佢哋唔介意啦...

下次一定會整番個真正的銀針粉比你哋試嫁.

真正的

自製銀針粉(食譜)

http://hk.myblog.yahoo.com/jobechan0911/article?mid=6393