2009年5月21日(星期四)
今日蕭C奶偷懶啊..
因為咳到夜晚瞓得唔好
攪到呢幾日都好攰,唔想返工啊
今早鬧鐘響, 禁息咗之後
真係個頭好攰, 好唔想起身呀
所以決定唔返工了, 請假一天
好好瞓一覺, 補充番啲精神先
瞓到十一點左右
比好友'蕉蕉'的來電嘈醒咗囉....
跟住再瞓多一陣
覺得真係精神好 就起身
跟住約咗朋友仔---阿yan去咗元朗到行一陣及食吓嘢
傾吓講吓, 咁又到咗五點lu..
我就要返屋企煮飯
阿yan就出去旺角同朋友仔食飯了
而我媽咪入咗嚟
所以今晚我哋三個一齊食飯
煎紅衫魚
煎到個外皮脆卟卟啊...好好味...
蕃茄煮豬扒
係我的至愛, 因為酸酸哋囉...
節瓜冬菇煮豬肉
第一次煮, 聽媽咪教點煮, 唔錯呀, 好味, 清清哋
咁又過咗一個好寫意的一天
今日瞓得足夠
真係差好遠啊...精神真係靚好多囉...
聽日又要努力工作了
嘩好豐富的晚餐.
回覆刪除[版主回覆05/22/2009 10:40:00]OK啦，都唔係好豐富啫。。嘻嘻。有時仲正呀。
謝謝肥師奶來探訪蕭C奶啊。
休息足夠後，果然不同，又有新煮意。我都覺得煎紅衫魚很美味，今次的煮意又是吸引之作!
回覆刪除[版主回覆05/22/2009 10:39:00]無錯，嚟緊我蕭C奶應該可以開始煮飯仔了。。。
煎紅衫魚係咪伯母煎0架？
回覆刪除[版主回覆05/22/2009 10:38:00]嘻嘻。。。你咁醒的。。。我當然唔放過我媽係到時食煎魚啦。。哈
不過佢教咗我， 我諗住下次自己煎。
你個blog比左我好多煮食靈感
回覆刪除[版主回覆06/03/2009 23:12:00]真係....多多捧場啊...唔好咁講, 我都係四圍參考吓別人的blog或者睇書的....
謝謝您來探訪我blog.