免治牛肉蕃茄薯仔湯(內附食譜)

 

   

蕭C奶平時最愛飲有關蕃茄的湯水

因為愛它酸酸的味道

夠醒胃囉..

平時多數都會蕃茄配排骨或者紅衫魚的

不過今次轉咗口味

改用了'免治牛肉'

效果好好喎...酸中帶甜

這款湯水又平又容易整

大家不妨試吓...

免治牛肉蕃茄薯仔湯

 

材料: 免治牛肉 15元,  蕃茄(切件) 2個, 薯仔(去皮及切件)  1個

醃料: 生抽 1 1/2茶匙, 生粉 1 1/2茶匙

 

做法: (1) 免治牛肉先用生抽及生粉醃一會, 備用.

(2) 水滾後加入薯仔煲滾一會, 大約五分鐘,

然後加入蕃茄煲滾. 蓋好煮至薯仔腍身.

(3) 待薯仔腍身後, 最後加入免治牛肉, 用筷子弄散.

(4) 煮滾下適量鹽調味, 即成.