2009年5月14日(星期四)
大家好呀.好耐無見呀.
因為蕭C奶病到而家都未好番
今日剛好病夠半個月(15日)
痴線嫁...半個月呀....真係好悶
最慘係而家仲係好攰同埋....咳呀...
咳係最煩啦...
而家咩都唔食得, 大家都知蕭C奶好餵食嫁啦
好鐘意食嘢嫁嘛...
好想食壽司, 好想食泰國菜, 好想食韓燒,
好想食生果, 好想食有糖水的豆腐花,
好想食好多嘢呀......
嗚嗚嗚.....幾時先唔咳呀....
31號朋友仔約咗蕭少爺及蕭C奶BBQ,
距離仲有半個月, 我當然係好想去啦...
除咗因為好想BBQ外, 亦因為好耐無見呢堆朋友仔呢
好想大家一齊聚吓囉...
其實仲有一位朋友LUK LING搬咗新居
一次都未去過, 又係約去佢到BBQ
但都因為我未病好, 無份啊...
而另一位車厘子, 又係搬咗新居,
諗住去佢到攪大食會坐吓...又係因為病無得去...
除咗病, 攪到我食唔到好嘢之外
仲要係錢都去咗啲醫生到
精神又唔好, 又無MOOD
又要無得見媽咪, 奶奶佢哋
又無得去街, 去玩,
淨係係屋企....真係好悶呀..
最慘係蕭少爺囉
連帶佢都咩都無得食, 無得玩, 無得休息
仲要照顧埋我添...又要擔心我
又要返工, 又要煮飯, 又要做家務
仲要有時受吓我啲脾氣仔添...嘻嘻
(似病賣病!)
都唔知係咪風水唔好
可能真係要搵啲辦法攪攪佢先
因為我媽咪有病,
阿哥又工傷, 而家又輪到我....
好驚呀...下個會係邊個...我都唔想囉...
蕭C奶好想快啲好番
好想煮靚餸及整CAKE呀
仲想同大家吃喝玩樂啊....
好返就可以去玩了
回覆刪除榮少體質真係好好,聽你話病咁多次都冇聽過佢被傳染到......
回覆刪除[版主回覆05/15/2009 13:20:00]證明我照顧得榮少爺好啦。。嘻嘻。。。自己就忽略咗自己。
快d好返啦.....等緊你呀......唔洗急,但最緊要快............
回覆刪除[版主回覆05/15/2009 13:21:00]你係咪玩嘢呀。。。咁似我老細的。
唔洗急。。但最緊要快 。。（呢句。。真係比你激屎）
咁即係想我點！
妳放心啦，妳一定好快好番，到時就日日有美食!現在就休息足夠，到時就可玩個夠!
回覆刪除[版主回覆05/15/2009 14:16:00]希望啦。。。急又急唔嚟，我而家盡量都好好休息LU。。
病咗咁耐真係要好好休息唔好亂食嘢呀~睇中醫調理一下睇吓會唔會好啲？！
回覆刪除[版主回覆05/15/2009 14:18:00]睇咗了，而家飲緊中藥了。好啲囉， 不過咳都係煩嫁了，希望唔好變咗支氣管炎或敏感啦。
要快d好番ar^^
回覆刪除[版主回覆05/15/2009 23:16:00]我會啦..靚媽咪
好快會好番的，等你一起BBQ呀！趁weekend好好休息下~
回覆刪除[版主回覆05/15/2009 23:54:00]我會啦...而家都好好休息lu...