在家煮煮煮之苦瓜炆黑倉魚(內附食譜)

 

2009年5月26日(星期二)

 

今日無咩特別事

都係返工及放工

而蕭少爺就返咗去東莞做嘢

即日來回, 都幾攰嫁..

睇吓我哋食咩餸:

苦瓜炆黑倉魚

材料: 倉魚一條, 苦瓜2個, 蒜茸及豆豉適量

做法: (1)魚洗淨, 抺乾, 用鹽醃一會.

(2) 苦瓜洗淨, 切件備用.

(3) 將魚兩面煎一會, 備用

(4) 鑊加入油, 爆香蒜茸及豆豉, 下苦瓜炒一會, 後加入魚,

加入少許水, 炆至魚熟, 關火, 即成.

蒜茸炒小棠菜

梅子蒸排骨

這味菜是蕭C奶最愛的其中一款, 而且仲係好好味,

份量及調味方面, 唔會出食譜, 因為係蕭C奶隨意調較的.

連蕭C奶的媽媽及大廚的哥哥都食到讚口不絕...

土伏靈海竹雜豆湯

 

這款湯水為蕭C奶媽媽教煲的,

無加到豬肉煲的, 好清甜, 好好飲.