2009年5月30日(星期六)
見到上面的ddung娃娃公仔煮緊麵嘛
即係提示我蕭C奶今晚都係煮麵食囉...
早前好友'叻叻' (即係小昭) 送來了一包日本半生麵
她於早前sogo買的
她試過後, 覺得很好吃
也買了一包送給我和蕭少爺品嚐
(叻叻就是這麼的對我好,
每次有好吃的,好用的, 美麗的, 她都會預我一番,
有這樣的一位好友, 實在幸福啊...)
今晚終於都可以品嚐了
為了不想浪費了這美味的麵
用了港式叉燒, 餃子及菜心苗襯托
唔好睇佢得一包, 好似好少咁呀,
我初時都有懷疑嫁, 不過煮咗出嚟,
又真係夠2個人的份量.
個豬骨湯底真係好香好濃好夠味.
這碗是蕭少爺的, 除了有叉燒, 菜,
還有菜餃及魚皮餃
這碗是蕭C奶的, 沒有魚皮餃的
個麵質好爽好滑, 唔腍身嫁...好味
就係呢包了 --- 五木庵麵之料理人出品的半生麵 (豬骨味)
跟據叻叻所講, 超級好買, 因為sogo一度斷貨
大家有機會都要買來試吓啊...
再次多謝 '叻叻' 送來這款美味的麵啊...
記得有好嘢, 繼續預我呀...ok
2009年5月29日(星期五)
一早就攞定今日的假期
蕭C奶就可以連續放四天假期了...嘻嘻...
至於蕭少爺原本係要返工嫁
不過佢今早一起身就頭痛了
我就叫佢唔好返工
不如當陪吓我啦...嘻嘻
瞓到11點左右, 我就陪蕭少爺睇醫生
原來蕭少爺係扁頭痛啊...
唔怪之得少爺成日無端端會頭痛啦...
之後我哋就去咗食lunch
然後我哋就去買新床 '玉' 及新被鋪及新枕頭等等
之前都講過, 想整靚間細房
請蕭C奶的媽咪閒時入嚟住呀...
好興奮呀, 買新嘢真係令到個人好鬼開心嫁啫....
洗好啲新被鋪, 等全部整好
就同媽咪講了...(佢而家唔知嫁, 想比個驚喜媽咪)
之後成個下午就係到睇吓書
做吓少少家務, 嘩咁快又到五點幾
蕭C奶及蕭少爺就出發去買餸了
少爺問今晚有咩靚餸食
我話今晚有兩樣新的菜想整囉....
就係:
七彩甜酸龍脷
材料:
1- 急凍龍利魚柳2條 (今次用咗一條), 切件
2- 蕃茄2個, 切粒
3- 罐頭菠蘿5片, 切件
4- 中型洋蔥1個, 去皮切件
5- 青椒1個, 切件
汁料: 茄汁3湯匙 , 砂糖1/2湯匙 , 菠蘿汁1湯匙, 白醋1/2湯匙
1- 先將魚抹乾, 用適量的胡椒粉和鹽攪勻醃5分鐘, 再加生粉薄薄包好,
快火落油起鑊, 將魚煎至兩面微黃, 轉中火煮至全熟, 盛起隔油備用 (圖1)
2- 快火落油(約1湯匙)起鑊, 落洋蔥和約1/2茶匙鹽炒至軟身 (圖2),
再加青椒炒勻(圖3), 再加汁料炒勻 ,
再加蕃茄和菠蘿炒勻(約2分鐘)(圖4-5),
加入魚塊(圖6),兜勻上碟即成.
貼士: 1- 蕃茄會出水, 所以汁料內不用加水
2- 魚煎至兩面微黃時, 記得轉中火, 以免把魚煎燶
tonytsang and kareny recipy
呢味餸真係又易整又好餸飯啊...酸酸甜甜, 好好味呀...
同場加映..又係蕭C奶及蕭少爺的至愛
蒜蓉豆豉蒸帶子
預備：買番黎洗乾淨，除去腸臟和其他你唔食o既部位
(但係我全部都食的)。預備蒜蓉、豆豉、蔥花
做法：先用幼鹽同胡椒粉醃一陣，
此時可預備醬料：蒜蓉 、整爛左d豆豉(呢兩樣我係用好多的)、蔥花、
油、麻油、酒、糖，撈勻, 形成一個蒜茸豆豉醬汁，
記得油要剛好到啲蒜茸豆豉面啊..
用廚房紙巾索乾帶子啲水份,
然後將啲蒜茸豆豉醬汁鋪上每隻帶子上,
蒸約4-6分鐘即可(視乎帶子的大小)
呢次我就蒸咗有6分鐘至7分鐘.
我通常蒸到仲有一分鐘就完成時, 我會快手打開鑊蓋,
加入蔥花, 蒸埋剩餘的一分鐘, 就關火, 即成..
還有就是湯水啊
免治牛肉蕃茄薯仔湯
好耐都無咩煮過靚餸lu..
而家病好咗, 我又開始可以煮番啲靚餸比少爺嘆了..
謝謝通少的食譜
蕭C奶平時最愛飲有關蕃茄的湯水
因為愛它酸酸的味道
夠醒胃囉..
平時多數都會蕃茄配排骨或者紅衫魚的
不過今次轉咗口味
改用了'免治牛肉'
效果好好喎...酸中帶甜
這款湯水又平又容易整
大家不妨試吓...
免治牛肉蕃茄薯仔湯
材料: 免治牛肉 15元, 蕃茄(切件) 2個, 薯仔(去皮及切件) 1個
醃料: 生抽 1 1/2茶匙, 生粉 1 1/2茶匙
做法: (1) 免治牛肉先用生抽及生粉醃一會, 備用.
(2) 水滾後加入薯仔煲滾一會, 大約五分鐘,
然後加入蕃茄煲滾. 蓋好煮至薯仔腍身.
(3) 待薯仔腍身後, 最後加入免治牛肉, 用筷子弄散.
(4) 煮滾下適量鹽調味, 即成.
一連十二集的'不能結婚的男人' 終於煲完了. 個人認為ok啦, 我就嫌劇情慢咗少少, 其實我唔知點樣去形容比大家聽. 呢一部係輕鬆及攪笑的劇. 男主角阿部寬在劇內的表情, 的確相當攪笑. 最令我驚喜是那隻狗仔, 演得好好婀...好可愛呢... 不過最後的結局, 我就覺得欠缺了點, 其實好想睇吓男主角同女主角最後可唔可以一齊共同生活或者睇吓佢哋真係戀愛時的情況囉....應該拍埋佢呀嘛..應該拍埋佢哋一齊咗之後, 大家相處時的攪笑囉....所以有啲失望. 但當中除了攪笑之外, 某啲劇情, 表現了男主角的心地一面, 還有與狗仔建立了一份感情. 這是我對本劇的欣賞. 整體而言整部片子的喜感相當十足～～～ 雖然劇情張力小了一點～～ 不過許多小地方還是相當的好笑。我想主要跟幾位主角的演技有關～～～ 蠻推薦大家去看看這部日劇的. 故事內容:
夏川結衣飾演）！夏美除了帶有與眾不同的堅強，對信介的態度更是不及不離、淡然待之。信介一邊感到困惑，一邊卻深受吸引，在不知不覺逐漸卸下自己的心防… |
而與信介相識多年的工作夥伴澤崎摩耶（高島禮子飾演）、住在信介隔壁的年輕OL田村滿（國仲涼子飾演），也陸續加入這場戀愛與婚姻的幸福爭奪戰！究竟信介的真命天女是誰？不婚熟男又真能擺脫單身生活嗎？
好睇指數:
2009年5月28日(星期四)
端午節
係到同大家講聲
端午節快樂呀
雖然今日係端午節
但係對於蕭少爺同蕭C奶嚟講
今日係瞓覺日
因為我哋倆個全日又係屋企到瞓覺呀...
今早十點左右起床
梳洗後, 無咩做,
我哋又開始煲日劇-不能結婚的男人
一邊食糉子一邊睇日劇
左邊為好友經理的手信, 為台灣的糉子
右邊為媽咪朋友包的客家糉子
台灣的糉子都ok啦, 不過啲糯米好似同我哋香港的唔同,
我都係覺得香港的好食啲.
至於媽咪朋友包的客家糉子非常好味,
由於媽咪唔方便包, 所以今年諗住無客家糉子食,
點知媽咪朋友知我媽咪不方便包,
所以今年特意送了幾隻給我們啊...
多謝龍門居的阿姨!
琴晚巳經食咗糉子嫁了
就係以下呢三隻了, 分別都係朋友及同事所贈
多謝大家啊....
睇吓睇吓日劇
蕭C奶唔覺唔覺就係梳化到瞓著咗
瞓到唔知幾時
就入咗房繼續瞓
唔知幾時攪到連蕭少爺都入埋嚟一齊瞓
真係唔知點解呀...
好眼瞓呀.
就係咁瞓到老爺打電話嚟
我哋就起身了
然後就返去老爺奶奶到做節食飯
所以今日係我哋的瞓覺日了
