這就是我公司的魚及魚缸了.
靚唔靚呢? 呢十幾條魚爸爸同魚媽媽我都養咗好耐了,每日番工,做到悶悶哋,攰攰哋,望吓佢哋游來游去,好舒服嫁.....
不過,佢哋好餵食的,如果一有人走近佢哋呢,佢哋就會顛咗咁,游來游去想人餵嘢食比佢哋囉......餵食魚....唔知飽 嫁...
佢哋好抵死嫁,如果你走埋去,只係望吓佢哋,過多一陣間,見你得個望字,又唔餵嘢食比佢哋呢,佢哋就會立刻游開,即係我哋口語化的'汕水', 唔會再咁顛,佢哋好醒嫁!
呢一缸係魚bb嚟的,不過,大咗好多了...係上面其中三條魚媽媽生的,原本有成五十條到啦,我一半係公司養,一半攞咗番屋企養囉.
佢哋初時只係一條科斗咁的,而家大條咗好多了,有啲開始條尾有色了...好開心!希望佢哋會好似佢哋的魚爸魚媽一樣咁靚啦!
我果ｄ魚仔都大咗好多喇！ 我都會成日望住佢哋0架！ 望吓果兩條魚媽媽有無大肚，大肚就分開佢，等佢生咗先，再放番埋一齊！
回覆刪除[版主回覆08/22/2008 10:15:00]我其實好開心你都同我哋一齊養魚仔呀....因為可以大家share多啲嘢囉.....
我好期待魚媽媽快d生多d魚bb,我好鍾意由d魚bb養到變大魚! 相信响呢個過程會有好大滿足感!
回覆刪除[版主回覆08/22/2008 10:58:00]係呀,當由bb變成大魚,又見到佢生埋,做咗魚媽,其實都會好似你咁,有個女,見住佢大,係真係好有滿足感的.....
我有時會同啲魚講嘢嫁..會同佢哋講今日好嗎? 係咪好想食嘢呀! 同埋會同佢哋講快啲長大囉....哈哈...
唔記得話你知,我都買咗個一呎長既魚缺,用嚟養大魚! 其實都好忙,成日要幫佢哋清理d屎!
回覆刪除[版主回覆08/22/2008 11:00:00]嘩,開始要落本錢了.......嘻嘻.....
都係嫁,其實養啲魚仔都要花啲時間同心機,真係好幫的....不過,我算係懶嫁啦,我成鬼日都成兩個星期先換水一次....啲同事呢,都知我啲魚慣咗係啲屎水到生活囉.....哈哈.......
除非真係有時間啦......先會換密啲囉.....
我淨係幫佢哋吸屎咋,咁耐都未換過水,吸完屎d水會少喎,咪加番d新水落去囉!
回覆刪除[版主回覆08/22/2008 16:47:00]再大條啲同多啲魚時,你就要開始換水了.....