哎吔,由琴日中午開始個肚就脹爆了,
脹到我晚飯都無食,淨係食咗一個橙.
到咗今日,個肚依然都係脹住脹住,
無咩想食,但係唔食又係唔得喎...
今晚阿榮老公由東莞返嚟了,
要煮嘢比佢食喎....唔...諗呀諗呀...
終於諗到整咩了....
就係.....
冬瓜粒瑤柱肉碎泡飯 (清清哋好好味嫁!)
仲有'鹽水雞翼'......我的最愛...又容易整又夠入味
剝皮前
哈哈,剝皮後.....由於我不嬲食雞翼都係唔食皮的,我都想阿榮老公唔食喎...(因為啲皮太肥了,好唔健康呀) 咁我咪每次整完之後,係食之前將啲雞翼剝哂皮先囉.....
咁阿榮老公食的時候咪方便啲囉...
剝皮後
因為聽日要陪好友GiGi去試晚裝,
所以聽日我唔可以煮飯,
咁我就整定咗啲雞翼同洗定咗啲生菜,
等阿榮老公放咗工,番嚟自己食了....
(阿榮聽晚只需要自己灼菜及一叮就食得的雞翼飯,咁就可以有晚飯食了.....)
做咩事肚脹?? 依家有無好D呀?? 個湯飯好豐富呢, 哈, 雞翼剝埋皮, 妳真係好周到呢, 去街都整定野食比老公, 好老婆呢~~
回覆刪除[版主回覆08/27/2008 23:33:00]唉,我都唔鬼知呀,總之就脹住脹住啦.....激死我啦.....
係呀,如果我要去街,通常我前一晚都會整定比老公,因為唔想佢去食飯盒呀...除非佢番奶奶到食啦...咁我就唔駛整了. 所以每次去街前一晚都要做多啲....無計啦,唔捨得老公放咗工咁攰,仲要食街外嘢呀.....(佢唔鐘意食街外嘢嫁.....)
就係咁.....我咪辛苦啲囉...
未有亞女同工人前，我都會好似你咁，出街前一晚，我會準備定野比老公食，但老公通常都話”我自己煮野食得喇”，佢話費事我做咁多野喎！你知啦！我好鍾意煲湯嘛，平日差唔多隔兩日就會一次湯，所以，平日買餸已經要拎好多野，如果要準備多ｄ野，就啫要再拎多ｄ野，所以，老公通常都會睇吓屋企有咩資源，就地取材搞掂一餐就算！而家有咗亞女同工人反而要為佢哋準備好一切，先可以放心出街！
回覆刪除[版主回覆08/28/2008 10:21:00]係呀，而家連蕉蕉都話呀，有時自己出咗去，約咗人，都好似成日擺低佐冶呀，佢都話而家終於明白我同你點解成日話平日唔想出去咁多呀。。哈哈。。。佢而家知道我哋的感受了。。。
我老公呀。。。放咗工佢咩都唔想做嫁，（好彩佢負責洗碗 ）因為返工好攰，見到咁我都唔捨得佢食街外嘢同埋要佢自己再煮啦。。。所以辛苦啲，做多啲嘢都值得的，而且阿榮老公都唔識煮啲咩的。而家好咗了，我教得佢多咗，佢都有啲識煮了。。。哈哈。。有時都係唔會咁錫住佢呀。。。等佢知道其實煮飯都唔係一件好容易的事。 你話係咪先。。。
蕭師奶~你會唔會有喜呀...2,3個月就見肚啦! 雖然冇皮姐...不過一餐9隻雞翼...都會肥掛..........
回覆刪除[版主回覆08/28/2008 23:36:00]無咗皮得好少嫁炸,你搵次試吓....得個少少肉炸.....阿榮咁大隻佢真係會唔夠飽嫁.....佢咁辛苦做嘢,唔通食好少少都唔得....咁會好殘忍喎....我就真係唔捨得了..
我就唔洗啦，點解？咪因為我老公都會搵街去羅，而亞女同工人就食住屋企的儲備先，(公仔麵)，不過一次半次就好，否則就比亞女罵的。
回覆刪除[版主回覆08/28/2008 23:38:00]你老公不嬲都會識得搵節目,咁就會好啲囉....我老公呀....唔鐘意出街嫁,淨係鐘意留係屋企嫁.....
哈哈！咁啫話我哋大家都係有責任感既人囉！ 咁好彩我老公識煮吓野食，有時我唔想煮就會由佢煮！
回覆刪除[版主回覆08/28/2008 23:34:00]係呀.....我認我真係一位超級有責任感的人....唔單只對老公,對其他事,其他人都係嫁.....
我老公係少爺嫁嫲,由細到大都無做過廚房的嘢....係識咗我之後......比我訓練吓..同埋佢都知要學吓啲啲,等我無咁辛苦,想幫輕吓我囉...阿榮老公都好好嫁....其他家務佢會做囉...(哈,好過有啲一啲都唔做.由得個老婆做哂...我唔係好欣賞囉...)
我覺得佢煮野仲好食過我呀！
回覆刪除[版主回覆08/28/2008 23:30:00]咁正,有機會要叫你老公整嚟食吓了.....
我淨係食過人地整ge去骨雞翼咋...去皮應該好難好辛苦...係你呢個24孝老婆先做到...俾我就叫佢自己Lu返出黎...你對榮少咁好...佢有咩表示? 唔係叫你唔俾佢食...食物金字塔話齋少肉,多菜同飯......所以除左3少之外...份量都好重要...
回覆刪除[版主回覆08/29/2008 09:25:00]咁佢平時對我咁好，又錫我，佢做咩都諗咗我先的，而且佢除咗對我好，佢仲對我屋企好好，又包容，又體諒，而且我愛佢，咁好自然都會對佢好啦。。。。
哈。。。我會好好再控制啲份量嫁啦。。。
加多句... 9月的韓燒buffet Bday party...你唔黎...到時成班食肉獸就失晒控啦
回覆刪除[版主回覆08/29/2008 09:27:00]咁就要靠你呢位朋友好好咁控制佢哋啦。。。。尤其係我老公呀。。。。
真係唔好意思喇！ 佢唔係咁易出手0架！ 佢話淨係煮比老婆仔女食0架咋！
回覆刪除[版主回覆08/29/2008 11:15:00]哦。。。。咁無計了，二十四考老公同老豆。。。
冇架啦...去到個度...我都打算一齊失控...(我諗我有差唔多10年冇食過buffet韓燒)
回覆刪除我覺得佢老公好幸福囉...剝埋皮喎...呵呵
回覆刪除好好味呀!你將雞翼去皮,都好高難度!好有心機呀!
回覆刪除(p.s.:另外你d公仔係邉到找呀!)
[版主回覆08/30/2008 23:21:00]我都係係人哋啲blog到copy嫁炸