蒜蓉牛油煎帶子
材料:
帶子 6只
胡椒粉 少量
蒜蓉 適量
牛油 適量
做法:
1. 先把帶子解凍, 將胡椒粉灑在帶子兩面,備用.
2. 起鑊, 加入牛油及蒜蓉一會, 再加入帶子,
煎至兩面金黃色.
3. 上碟, 淋上餘下的牛油蒜蓉汁在帶子面上, 完成.
** 要趁熱進食, 會好味啲呀.
2008年12月13日 星期六
蒜茸粉絲蒸象拔蚌仔
蒜茸粉絲蒸象拔蚌仔
材料：
象拔蚌仔6只
蒜蓉
鹽
辣椒 兩只
糖少許(可以不加)
雞粉少量(可以不加)
粉絲
蔥一條(今次無加)
做法：
1、把象拔蚌開邊洗淨，瀝干水，備用。
2、將蒜頭先拍扁，去衣，剁成蒜茸備用。
3、粉絲用水浸開，發開後瀝干水備用
(記得要剪短D)。
4、將蒜茸、辣椒加入鹽、雞粉及糖，
再加油(浸正面頭)，用匙或筷子搞勻，備用。
5、將象拔蚌平放在大平底碟，排好；
將粉絲續份放在象拔蚌上，
最後加上已整好既蒜茸醬
(每只象拔蚌一小茶匙)。
6、開火燒鑊，加水。
7、至水滾，將整碟象拔蚌放入鑊中，上蓋。
8、蒸煮時間大約8分鐘
9、蒸好後，加蔥花——續只蚌加上一些，
然後淋滾油，最後加豉油，完成！
2008年12月10日 星期三
好友gigi的婚宴相
2008年12月10日 (星期三)
見到個logo, 以為我今日去飲宴.
no呀, 唔係今日, 係上個星期六,
好友gigi的婚宴.
今日同事燒咗隻碟比我, 所以可以upload gigi的靚相了.
2008年12月9日 星期二
媽咪越來越精神啊...
2008年12月9日(星期二)
今日終於都返去灣仔的地方法院工作,
好耐都無見呢邊的同事了,
大家都好關心咁問候媽咪的情況,
謝謝他們啊.
由於好耐都無見啲朋友,
我知道今日返灣仔, 所以一早約咗幾位好友食lunch,
傾吓傾吓又要返下午lu..
返到去, 超驚喜囉,
我的枱上放了一張紙條,
寫住: jobe, 我買啲有機菜比你媽咪, 我放咗係雪櫃到. florence
嘩.....你話我係咪眼花,
我老細買咗有機菜比我媽咪, 好貴嫁喎...
咁我都好多謝佢的心意,
佢仲買咗三種咁多添.
放工立刻返到去,
媽咪開門比我, 佢好精神呀,
嘉豪仲話: 嫲嫲而家好鬼識嘆, 諗住有人服待,
想食咩就食咩, 好巴閉呀!
跟住媽咪就笑笑口了.
見到媽咪咁, 我就開心哂lu....
媽咪..你係得的!
**希望下星期可以陪媽咪行一陣公園啦!
2008年12月8日 星期一
媽咪感謝大家的支持及關懷
2008年12月8日(星期一)
今日如常上班工作, 心情超靚啊...
可能是媽咪的原故吧.
到了下午兩點半左右, 電話響起,
啊.....一把溫柔而響亮的聲音,
原來是媽咪打來的...我心很甜.
媽咪告訴我她今天好胃口, 而且還很精神呢?
講了幾句, 把電話掛起, 由心笑出來.
到了五點, 要去收發處收發文件了,
收到一個公文袋, 寫上我的名字,
打開看看.....太好了, 太感動了,
原來是clara送來了三對保暖襪,
很可愛啊.....襪底還有一些防滑膠粒啊...
我想因為較早前,
clara聽過我說我想買這些保暖襪給媽咪,
所以她便記在心中,
太好了, 很感謝她啊..
因為我實在沒有時間去買,
現在我不用花時間去買了,
clara謝謝您.
放工回家, 原來靜歡姨來了探望媽咪,
原來靜歡姨親手織了一頂冷帽送給媽咪,
她因為很心急, 很想早點送給媽咪,
所以一織好便急不及待立即送來,
非常感謝靜歡姨的心意,
平時巳經常常買東買西的送來, 真的非常感動.
吃飯時間到了, 今日阿哥做了幾款靚餸,
全都都媽咪要求的..
現在我哥哥每天都要聽從媽咪的吩咐,
才可以去買菜啊.....哈哈..
(而家仲唔輪到媽咪點你做嘢.....)
呢頂就係靜歡姨織的冷帽了, 好靚啊....
呢三對就係clara所送的保暖襪
兩婆孫一齊試吓著喎...睇吓好唔好著先
好可愛啊....
大家放心, 睇吓, 媽咪都好精神, 你哋唔駛擔心呀...
媽咪收到咁多朋友送來的禮物,
她很感動又開心,
她很想在此多謝大家一直對她的支持, 關懷.
謝謝大家啊...
訂閱：
文章 (Atom)