病後首次自家煮

2009年4月4日 (星期六)

清明節及兒童節

 

病咗幾日, 都無好好咁煮過靚餸

攪到自己及老公都無啖好食咁呢

無計啦...鬼叫蕭C奶唔舒服咩...

今日只係瞓到九點半

阿榮老公早過我起身喎...

我見瞓夠了...不如早啲落去嘆個早餐先

好耐都無同老公嘆早餐了...

食完早餐...見個頭有少少暈暈哋,

我都唔敢係條街到行咁耐...

老公就拖我番屋企休息吓了...

 

番到屋企我就瞓係張sofa到休息吓

跟住阿榮老公就開咗日劇嚟睇

今次我哋睇的係叫做

交涉人

交涉人即係談判專家

由米倉涼子做女主角

好好睇, 好刺激

所以我哋用咗一日時間

就睇哂全套lu....

朋友仔, 有機會都睇吓啦....

又一好劇介紹

 

今日煮咗兩個我從來都未煮過的餸

就係

瑤柱節瓜甫

及

蒜茸蒸茄子

食譜稍後補上

 

瑤柱節瓜甫

 

蒜茸蒸茄子

今次我好滿意個瑤柱節瓜甫的獻汁,

我自己覺得好靚同埋個味道剛剛好.