堔圳美食購物一天遊

 

2009年4月12日 (星期日)

復活節假期第三天

 

由於昨天行山的關係

攪到我倆公婆都攰到屎吓屎吓咁

我哋當然又係瞓到........其實都唔係好晏的

十一點之嘛....

起身梳洗吓, 我哋要出發了...

今日我哋打算去堔圳食嘢及購物啊...

過咗關, 我哋坐堔圳地鐵到少年宮站

一出站就到書城嫁了. 超方便

我哋先去味千拉麵到食個lunch先....

都好多人等位, 不過好彩都係等咗十分鐘到就有位了

 

豬軟骨拉麵

同香港的味道一樣, 真係有保證喎...

老公....上面個青蛙仔同你的笑容一樣嫁....原來你都係個'笨笨'喎..

無端端叫我擺一副'嬲'樣.....別惹我呀.....

什錦壽司

堔圳的味千有好多嘢食嫁....啲壽司都ok喎, 當然不及正中的壽司店啦,

但係都食得過喎...好似係48元.

燒青花魚

呢條魚超攪笑囉...我覺得好似條咸魚多啲囉....細條咗啲啲,

呢條唔似我哋平時係香港食開嗰啲....不過算啦....都ok的

起碼唔難食先啦...好似係18元

吃過午餐, 我哋就開始入去書城了

大家各自各行了....

行吓行吓...望吓個鐘....oh...四點了

仲未去老街購物喎.....要快閃人先得

最後我哋每人都有收鑊....嚟到點都要番一至兩本書先得的...

跟住我哋就坐地鐵去到老街站

哈哈....頭先書城就係老公的目標

而家仲唔輪到我...

呢到就係我的天堂.....哈哈.

我好開心呀 因為我買咗六個新頭'咕'...

都係百幾蚊...行吓講吓價, 咁就巳經係晚上六點半lu..

我哋仲要趕住去樂園路到食海鮮呀

上次係clara帶我哋去的

當時又唔記得攞咭片, 唔知地址

點知早幾日比我上網無意中搵到喎....

老公影低咗地圖, 一於試吓搵吓去唔去到

原來係好易行去的, 下次約埋成堆friend嚟大飲大食lu...

我哋原本想去'寶發'嫁

但係太多人, 無位, 唔想等位啊...

所以我哋決定改去第二間

呢間係'湛江', 其實成條樂園路都係食海鮮小菜嫁

間間都係咁多人, 所以我哋諗都係差不多的

不過下次一定要再早啲嚟...我要去寶發啊...

 

 

花螺

太細隻了...如果可以大隻啲就very good了

白灼基圍蝦

呢個好抵食啊....8蚊斤

蒸鮑魚仔

唔算大隻, 但係只需要4元一隻, 你哋話抵唔抵了

蒜茸焗生蠔

枱枱都叫的, 起碼都要半打, 我哋又唔執輸, 3元一隻咋....

肉蟹

呢個就貴啲了...要成38蚊一斤, 呢隻斤幾喎...

但係唔算多肉囉....

客家豆腐

老公無端端叫咗呢個.....老公話好有豆味喎....

我就覺得好滑....食完都好似啲皮膚滑咗...

 

嘩...老公食到個樣咁的...咩事啊...

原來佢用緊力去整開個蟹拑...

睇吓....整到之後個樣....笑笑口, 咀咪咪

好得意啊....

老公仲好有耐性咁慢慢食...而我....收咗手lu...

哈哈...

..影吓我堆蝦殼先.....小山丘.

咁就過咗我哋的堔圳一天遊了

食完飯, 我哋行番去地鐵站時

我哋見到有仙踪林喎

老公就話不如坐低飲杯嘢

坐吓, 傾吓, 先番香港啦....yeah

我哋都好耐無去到咁夜番lu...

跟住返到屋企就係十一點左右

沖過涼..要瞓了..因為明天約咗ivy, 愛麗詩及暑媽呀..

生活趣事

 

話說我哋去到老街一商鋪

蕭C奶睇中咗個耳環架, 好靚嫁喎

問個妹妹仔幾多錢啦, 佢話45蚊

點都好, 係堔圳當然一定要係有講唔係都要講價嫁啦

我專登同老公講, 要45蚊呀....

你哋知唔知我呢位蕭少爺點講呢....

佢就好大聲咁講...

45蚊好平呀...

我心諗...你無嘢呀嘛???

我真係今次比老公吹到啤啤聲...

你哋知唔知我當時係咩應呢...

就係.....個頭轉向老公, 用一對好兇狠的眼光啤啤住我老公...

哈哈...跟住佢就...(好似下面的圖咁囉....逃走)

跟住我唔買住....走去老公到

我就話...真係比你激死我呀...

你唔出聲好過出聲呀..

邊有人會係堔圳到一開口就話平呀

oh no....

真係唔知好嬲定係好笑lu....