2009年4月18日（星期六）
今日論到我要返工
今日約咗老公去牛頭角行吓，趁阿榮老公仲未放工
先先出呢個BLOG先
今早大約十一點左右，
收到姑娘的來電
CONFIRM咗媽咪明天晚上八點正入院
姑娘好耐心又詳細咁
千叮萬囑我需要帶啲咩入院
姑娘話明天食完晚飯食飽飽先陪媽咪入院
然後叮囑我買定少少乾糧
因為做手術前8個鐘唔可以飲水及進食
（餓死媽咪了。。）
姑娘話約實咗4月20日上午十一點做手術
不過姑娘有提及過
有可能到時會變， 又或者會遲咗都唔定
而且有朋友都同我講過
話通常張醫生約你幾點鐘
到時可能要等多幾個鐘
要視乎到時的環境啦
呢一點我明白的
今晚要好好執拾一吓少少行李及日用品比媽咪先
而且我都打算加床，陪媽咪過夜
大家都明白啦
一個病人，將會做手術
無論個手術係大定小
都會有一定的危險性
係病人立場嚟睇
佢內心一定有千萬個擔心及害怕
口講話唔擔心啫
佢都只係唔想身邊的人為自己擔心
多數都係強裝震定，扮無事咁
仲有。。多數前一晚媽咪可能會瞓唔著嫁嘛
加上星期一早上就做手術，
我住咁遠，坐車好頻樸，
所以我諗到咁
決定過夜留係到養好精神
兼且可以陪吓媽咪
到咗半夜佢想傾吓， 都有我係到呀嘛。
寫吓寫吓。。好似開始有啲緊張添。。
一定要放鬆啲， 唔好咁緊張先得。。
另外。。好多謝好友‘叻叻‘在她的BLOG裡
為我們打氣啊。。
http://hk.myblog.yahoo.com/jetaime918/article?mid=196
Thank you so so so much!
妳好嗎?其實我們是不認識，但因我認識Candy，所以看到妳的Blog。在此我衷心祝福妳的媽媽一切順利,我相信她有你們一家人的支持一定會順利過關。繼續努力呀!我們個個都會全力支持伯有，伯有一定會很快好番!
回覆刪除[版主回覆04/18/2009 19:09:00]第一先謝謝您的祝福. 第二謝謝您到訪我的blog啊....
你好有心呀, 我哋唔認識...但係而家我認識咗你lu....朋友都係咁樣識番嚟嫁啫...係咪先. 有時間大家一切交流呀啦.
再次多謝您啊....
左髀, 祝你媽媽手術順順利利,早日康復。
回覆刪除你好, 我係路過ga, 因為我媽咪早排都做過手術, 我絕對明白你和你媽咪的感受, 你真係好孝順阿, 加埋床陪媽咪.....!不過, 如果醫生許可的話, 你可以煲定d"竹蔗芧根水"俾佢可以飲番水果陣飲, 因為原來做完手術之後, 個口會好苦, 苦到連水都唔想飲, 但呢d竹蔗水甜甜地, 佢地飲左又唔會反胃, 又可以濕吓個口, 真係幾好ga! 呢樣野係我朋友教的, 我媽咪做完手術後俾佢飲, 佢話個口真係會舒服好多ga! 另外, 你媽咪未醒時, 記得間唔中用濕毛巾幫佢濕吓個咀, 咁樣佢就唔會咁乾ga喇, 另外, 人地話"唔好"好似坊間咁,俾檸檬佢聞阿, 因為咁樣不但無助個病人快d醒, 反而仲會攪到佢作嘔添ga....!
回覆刪除以上都係我ge小小提議, 希望你會用得着喇! 祝伯母早日康復!!
[版主回覆04/19/2009 10:31:00]嘩..謝謝您啊...咁而家你媽咪ok了, 是嗎? 祝福你及你媽咪.
超級多謝您, 咁我星期一就叫阿哥煲定啲 "竹蔗芧根水"先, 同埋我會記住到時濕吓媽咪個咀. 真係好多謝您呀. 如果唔係我咩都唔識. 我淨係諗住到時, 問定姑娘及醫生 媽咪做完手術, 可以食咩及飲咩, 到時即刻叫阿哥煲定,然後攞嚟比媽咪咋.
而且我諗都係要等媽咪個胃口點啦, 我朋友之前做咗, 我打咗電話比佢, 問佢, 佢話佢當時做完之後, 係好幾日都唔想食嘢, 無胃口之餘, 仲要係佢話個幾日都唔知肚餓喎.
真係一啲啲人的反應唔同. 但點都好, 都一定要煲定啲嘢比媽咪嫁啦...
米雪之家...謝謝您啊.
你放鬆心情
回覆刪除祝願伯母早日康復
祝你媽媽一切順利, 健康快樂
回覆刪除放心啦﹗一切會順順利利架﹗
回覆刪除唔駛客氣喇, 都係我朋友教我, 我先至識ga咋!
回覆刪除我媽咪而家已經無乜野, 你有心喇!
祝福伯有早日康復，健健康康啊~
回覆刪除