逛逛牛頭角

2009年4月18日(星期六)

 

今日輪到我要返星期六了

琴晚同阿榮老公約定

不如放咗工, 去牛頭角到行一圈啦

因為就快拆了

雖然我唔係住係牛頭角

又無咩親友住係到

牛頭角對於我同老公嚟講

唔係有咩特別的回憶及意思

只係身為香港人...我都無去過

佢又拆了...不如去行吓, 影吓相

都叫做到此一遊啦

第日唔知幾多年後, 都有個回憶

咁橋奶奶同家姐都得閒, 唔駛返工

咁一於一齊去行吓囉...

點知..天氣真係唔好啊....落雨呢..

影低佢...留念吓先...

牛頭角邨

睇吓....濕哂了...其實都幾大雨嫁...

奶奶同家姐..係咁行係咁行...因為想週圍睇吓

見到好友暑媽介紹的士多啤梨環保袋

呢一間好多人係到排隊, 不過我哋無食呀....落雨好煩啊...

你哋睇吓地下....好濕呀...越落越大添呀....

呢啲咪就係早排新聞講的..假面包...

牛頭角啲地方都幾得意, 以前第一層就巳經係住的地方lu....

同埋佢哋左穿右插, 細個係到住的小朋友 , 都幾得意呀

就圍跑...都唔錯呀

同奶奶家姐都影番張先....留吓念都好呀

行吓行吓...聞到好香的嗅豆腐味, 奶奶話好想食喎,

就買咗兩件試吓...7元一件..都幾貴

但係味道就......唔係好好食.

見到隔離有檔買牛雜, 咪又試吓囉....

開餐lu...奶奶好想一大啖食咗佢....

我要試牛雜啊....好可惜係....唔好食, 真係唔好食...好咸

所以家姐都要係到影番張....no good相啊...朋友...唔好食呀...

真係超咸呀, 一啲牛雜味都無, 好失望囉...

臨走前....阿榮老公影的...影得都唔錯呀...

好耐都無見老公影相咁有心機lu...

  行咗一陣, 又咁大雨, 真係無feel啊...

所以我哋行完, 又咩地方好行

咁我哋就各自各返屋企了....因為都想早啲返屋企

準備執吓入院的嘢同早啲休息囉...

 

   

 
返到天水圍,落咗車, 先去街市買啲菜
 
我真係好耐無煮飯了
好想食住家飯呀, 由病開始, 至到琴日
係病的時, 就自己煲粥, 之後呀...
日日都因為好攰, 唔想煮, 又無心機
日日都出去食或者買外賣
好想飲湯啊....好想好想
所以唔理了...今日點都要自己煮
簡簡單單, 炒菜, 蒸魚及滾個湯都好呀