可以做手術了....

 

2009年4月15日 (星期三)

 

不經不覺, 又到去私家醫生---張醫生到覆診了

張醫生為媽咪照咗超聲波

睇吓個腫瘤個大細先

照出嚟的結果係...

淋巴嗰粒就無咗

但係乳房的由7cm縮到4cm

因為4cm的腫瘤都有一定的大size

所以張醫生決定媽咪要做全乳房切除手術

其實我哋心裡巳經打算就算張醫生話可以做局部切除

我哋都會選擇做全切除

因為翻發機會細好多

而且我都問咗幾位專業的人

不過當我哋諗住最快會係5月頭做手術

無諗過張醫生即刻講話要下星期一同媽咪做手術

聽到時...心裡當然係有點好似好快咁的感覺囉

張醫生又即刻叫姑娘打去養和約明天下午去做pet scan (掃描)

因為佢要快....

星期五張醫生會打比我, 約我做手術的時間及準備

好彩明天我係請咗假一天假期

早上要陪媽咪到屯門醫院見醫生

所以下午要去養和醫院到照掃描了

一日做哂啲佢.....不過驚自己及媽咪比較頻樸啲囉...

 

而且我都即刻打咗幾個電話比幾位親友

亦都打定咗比ling姐

話比佢知媽咪做手術的事

及請ling姐有心理準備

下星期要嚟替我

 

好快就到lu...希望順順利利啦....

 

各住好友...記得幫我為媽咪祝福及打氣啊...

 

再有消息....遲吓再告訴大家啦....