無奈

蕭C奶不經不覺成個幾月無自家煮

因為好攰又無mood喎

其實就好想食住家飯

因為唔多愛出街街食

而家最多就係返媽咪到食

唔駛買, 唔駛煮, 唔駛洗....

淨係等食..食完拍吓個'羅油'就bye bye了...哈

 

返咗屋企食阿哥的飯

蕭C奶和蕭少爺明顯都肥咗

因為阿哥煮的餸比我好食十倍....

點攪啊....無計...

自細同樣都係一包出前一丁

但係阿哥永遠都係煮得好食過人

可能真係隔離飯香啲

 

其實大家一家人可以住得近

的而且確方便好多

如果可以住係附近

唔駛搭車就好了

多啲人食飯又開心啲開胃啲

你哋話係咪了

 

嚟緊放三天假

蕭C奶希望可以煮番飯了

真係真係好耐無煮

攪到老公都開始投訴我

老婆大人你好耐無親自下廚啊!

 

今日一早起床

天啊....左膊頭攪咩鬼呀

好痛....今日整天都痛...

可能係瞓的姿勢唔好???

真係好痛....好痛

今晚一定要搽啲按摩霜先得

 

跟住到咗下午

又唔知攪咩鬼喎

喉嚨又無端端好似有啲嘢係到

好唔舒服呀..

死啦...好驚呀...我唔想病呀

好辛苦嫁....

都怪自己唔做運動

攪到身子好差啊...

上次病咗幾日

真係到而家都未清得哂, 未好番....

好難攪....有時真係好想放超級長大假

唔駛做, 無壓力,

我就覺得啲病一定會自然好

其實壓力係最重要

好想放假呀...但無錢!

一諗到呢點.....無奈, 無嘢講!

媽咪的決定·決志

 

蕭C奶的家裡從來都沒有宗教信仰

而蕭C奶和媽咪都沒抗拒任何的宗教

只是一直都沒有信那一派

而蕭C奶的爸爸，哥哥，老公就從來都只信自己

十分抗拒那些宗教信仰。

 

蕭C奶身邊有很多基督教的朋友

間中都會跟他們出席某些教會的活會或講座

但是蕭C奶直到現在都不為所動

我想是因為我與神還未到緣份吧

有時候自己當遇到不安事情

曾經都會自問： 你會信耶穌嗎？

當時自己會這樣回答： 其實自己真的不知道，

但是我總應為， 若神真的存在，神真的愛世人，

我相信若我未曾信神，神都應該會不計較去愛我這個人，

若我祈禱，神必都會聽見吧！

 

朋友CLARA很早以前巳經蕭C奶的家事

早前傾談時，

她問過蕭C奶一個問題：

經過這麼多事情，蕭C奶你會唔會信咗耶穌？

嗰一刻。。。係到諗。。

有時好似好想信， 但又時又唔係好想信，

係因為覺得自己做唔到一位虔誠基督徒

蕭C奶認為若要信神

就必先要諗清諗楚

自己跟本都未READY

就不要草率及麻木去信神

因為這樣會不尊重及尊敬神

蕭C奶不排除有信神的一天

且看緣份吧！

 

至於媽咪

今天約了兩位朋友出來見面

她們都是基督徒

這次見面是為媽咪祈禱

朋友問媽咪以前有沒有接觸過神？

會不會抗拒神？

媽咪答： 以前有跟朋友去過教會，而且都不抗拒神。

然後，朋友問媽咪： 咁你會唔會有興趣想決志呀，

決志的意思係，你容許打開心窗，讓神進入你的內心，

你可以向神祈禱，告訴神有關你的一切。

當時我心諗。。。媽咪可能唔會喎。。

點知：媽咪竟然答佢願意決志。

嗰一刻蕭C奶咩都無諗，係有少少噩然！！

但都唔出奇的。。因為這頭家的而且確發生了太多事。

就係咁媽咪就決志咗了。

 

ANYWAY，點都好，

呢樣係媽咪的決定

蕭C奶永遠都會支持媽咪

只要媽咪開心及安心就得了。

 

 

豬流感

 

最近有豬流感

真係煩啊.....都好怕好似之前咁

希望大家好好保重身體

多啲洗手, 注重衛生啦

咁大家都會安全啲嘛....

 

而我都巳經叫媽咪少啲出街

因為怕佢會受到細菌傳染

最多都係叫佢落去樓下的公園行一會

同埋要多啲休息

係就係可能悶啲

但都係要小心啲好....

 

各位

保重呀....

手術後第一次覆診

 

2009年4月28日(星期二)

 

今日媽咪要返去張醫生到覆診啊

約咗三點四十分

大約差不多到四點半就可以應診了

張醫生今日為媽咪取走流血水的喉

 

今日真正見到媽咪的傷口

其實我好驚, 唔想睇到媽咪的傷口

因為我知道我見到一定個心好唔舒服

好心庝

但係....今日都係睇咗, 嗰吓個心當然唔係幾舒服啦

其實個傷口的疤痕都好長

真係有成巴尺咁長....

見到點會唔心庝...

 

其實有時係到諗

如果係當事人, 真係幾難受

尤其係沖澡時

無衣服, 一見到鏡時...

見到自己的傷口, 個心你都咪話...真係會多少都有啲唔開心

個種唔開心, 唔係你平時嗰啲唔開心

真係要個人好識諗, 要有勁多正能量,

先可以克服到

有時講就易, 但係要面對時

真係要用好大好大的勇氣

其實我個心都好驚媽咪唔開心

不過..呢啲一定要佢自己面對

我做女的, 只可以默默支持佢

 

媽咪同張醫生講

話翼下至手臂位都有啲好似 '刺痛' 的痛

張醫生話係正常的

因為淋巴切除咗, 要等佢慢慢長番及好好休息

大約過多三至四個星期

應該就會好好多, 叫媽咪不用擔心

現階段一定要好好休息及不要做任何粗重的動作或工作

咁個傷口就會快好番好多的

 

跟住張醫生話至少要個傷口休息一個月

先可以做電療

而且佢要同其他醫生開會

要等埋份開會報告

到時比我哋攞去屯門醫院到安排做電療

 

另外個腫瘤化驗報告出咗

無開題, 即係話個腫瘤無其他不好的壞細胞

媽咪身上的所有癌細胞都經巳切除哂

最後做埋電療將癌細胞殺死,或損害它們以抑制其增生

咁就真係very good了...

 

而家張醫生又約咗媽咪

下星期一, 即係5月4日返去再覆診

要再睇吓個傷口到時埋成點

報告完畢

bye bye

 

齊來焗曲奇

2009年4月13日(星期一)

復活假期的最後一天

 

呢一篇想post出嚟好耐

但因為沒有時間

直到現在才有機會post啊...

 

今日約咗暑媽, ivy及愛麗詩來我家一起做cookies

在樓下商場, 竟踫到晴晴及晴媽

咁橋...不如一齊嚟玩吓啦...

 

準備材料

開始咗了...

唧花了

ok啦....係咪先...

出爐lu...

今次等我試吓整先...

終於輪到ivy姐了

朱古力曲奇..不過唔夠味..要改良一吓

其餘相片

 

今次好多謝暑媽教我哋整曲奇啊

今次我哋用咗clara比我哋的receipt

超鬆化啊.....

好開心...可以整到咁好味的cookies.

下次我哋約好咗想一齊整pizza.

 

感恩--感激--感動

感恩

媽咪的手術終於都完成了

相信往後的一切都會好起來的

有好多說話好想同大家講

好想同大家講好多句 '多謝'

因為由媽咪發現有乳癌的一刻

在我不知所措的情況下

真的非常感恩...感謝上天聽到我的禱告

每天都會為媽咪向上天禱告

願上天保佑媽咪一切順利, 平安

天呀...感謝您...感謝您給予我一家的祝福

從來都沒有埋怨上天您為何帶給媽咪的病

因為我知道你的安排, 必有原因, 必有道理

你一定希望我們一家學會, 得到, 感受當中的用意

你的用心, 我們一家明白的.

謝謝您....上天!

 

感激

 

感激我身邊所有一切照顧我的親人, 朋友, 同事及blog友們

要感激的人實在太多太多

不能一一數出你們的名字啊...

但要感激的, 一定是阿姨及姨丈

沒有你們在金錢上的支持及幫助

才令我們可以無後顧之憂地為媽咪安排手術的事

 

感激我最愛的阿榮老公

由媽咪有事的一刻, 直到現在

多得有你陪伴著我, 渡過多少個難關

為我解決所有問題, 每次總有你的支持, 開解, 體諒

一句怨言也沒有

 

感激某幾位介紹我們 '張淑儀' 醫生的同事

令我們得以放心地將媽咪的病交到這麼一位好的醫生手裡

 

感激我的好友們

每當我遇到任何的難處

總有你們這堆好友們在旁

永遠都默默的支持我, 祝福我

 

感激和我素未某面的blog友們

感謝您們的一切問候, 支持, 鼓勵, 祝福

 

還有很多很多我的朋友及同事啊...

感謝同事們的一番心意

送來一個美麗的水果花藍

 

能夠得到上天及你們的所有祝福

我才能得到強大的能量

去面對所有的不安事情

亦能一一把它化解

渡過難關

 

感激我能遇到你們每一位!

 

感動

 

感動的事也實在太多

但我很感動是因為上天有這樣的安排

令到我的哥哥改變多了

他開始學會如何愛自己及愛身邊一直沒有離棄他的親人

他開始學會照顧媽咪

也開始學會如何珍惜所有的事或物

這一點是令我最為欣慰及感動的

 

亦都好感動 '超級好友' 叻叻, 蕉蕉, 經理, dada, ivy, alice, fion

你們對我的一切一切...

我想我們大家心照吧....

一切盡在不言中!

 

最後再一次向所有

愛我的人

說聲: 謝謝您們為我所付出的一切

我愛 '屎' 你哋呀!!!!!

 

害怕

 

 

在好友 '小昭' 的blog裡

最新的網誌為 '我本害怕'

得確很有意思

想和大家分享一吓啊....

我都引用了 '小昭' 的blog

有興趣的朋友們可以到小昭裡分享一吓她的文章

'小昭' 本想在你的blog裡回應

想到想和其他的朋友們分享

希望你不介意我在自己blog裡回應吧!!

 

 

'小昭' 我當然有害怕的事啦....超多添呀...你知嫁...

我都想講出我的體法:

害怕使我得到勇氣

害怕使我變得堅強

害怕使我敢於嘗試

害怕使我積極面對困局

害怕使我懂得珍惜

害怕使我變得成長

 

我本害怕失去很多東西

直到我學會了, 明白了, 體會到了只要有愛,

害怕會變成真正的正能量

為我衝破一切障礙

豐富我的快樂人生

 

後會無期

 

2009年4月23日(星期四)

 

今日係我放假最後一天

願定放埋星期五的

不過知道玲姐唔可以過嚟替我, 我老闆又發脾氣

咁我咪諗住, 見媽咪ok, 又有阿哥係到

不如早一天返工, 做吓嘢

唉....點知...我都唔多講了, 太激氣, 唔想提了

總之一句講哂: 好心著雷劈!

我都費事同啲 '垃圾膠袋' 計較呀!

 

** 備註: 垃圾膠袋 --- 垃圾基本上可以用來堆田, 代日子久了便會被化解的, 但膠袋是不可化解的物料, 用幾耐時間都唔可以化解到, 即係一無事處,

.

 

唔提佢了...講番我阿媽先..嘻嘻

今日一早起床, 晾好衫, 拖埋地, 摺衫等等家頭細務

跟住就叫老公起身返工

到咗十二點, 我就打比晴晴媽了

因為琴晚約實咗晴晴及晴媽一齊嚟探我媽咪

先同佢哋倆母食咗lunch先

跟住就坐車去我媽咪到了

去到媽咪家, 哦, 原來叔公叔婆嚟咗探媽咪

開頭晴晴好驚嫁...只係要晴媽

不過跟住一輪熱身之後...就好好玩了...

 

叔公叔婆坐咗一陣, 夠鐘要湊孫仔放學, 所以要走了

跟住就淨番我哋幾個了

呢個晴晴呀....係咁將啲生果攞嚟攞去

不過好得意囉....個個細路仔都係咁的...哈哈..

傾咗一輪之後..晴晴媽都要買餸了

而我都係要準備今晚的晚餐

所以送咗佢哋上車之後, 我就去街市買餸了

 

媽咪好好胃口呀...

面色其實ok, 不過都睇得出係差少少的

不過唔緊要啦...慢慢調理番

而且仲有一關---電療

過埋呢關..咁就可以話係同呢個病say goodbye了

呀..唔好話goodbye, 咁咪即係再見

都係唔好再見了...

後會無期先啱...

 

終於趕走癌細胞

媽咪一世永無憂!

出院了.....

 

2009年4月22日(星期三)

 

琴晚無留係養和到過夜

都係瞓到九點左右起床

因為幾日都無好好執吓自己的屋企

而且想打掃一吓後

便要買定今晚的餸

在家hea咗一陣....

收到Anita的來電, 問候媽咪的情況,

她和 Stella佢哋很有心啊. 原來想送花藍給媽咪

以表一番心意...

我說不用客氣及破費了

但她說是她們的心意, 咁我都無謂咁老土了

講咗地址比佢哋知.

同Anita收線不夠五分鐘, 我又準備出去買餸時

收到阿哥打來, 說張醫生剛來看過媽咪

為媽咪作傷口檢查, 說可以出院了...

吓....咁快....都好的...我都話啦..

張醫生見阿媽咪鬼咁精神...一定可以比佢早啲出院的...

唔好諗咁多...先先立刻打給Anita先

告訴她真的不用送了..因為媽咪可以出院了...

跟住我就順便多口問Anita有無相熟的的士司機呀

咁佢話...梗係有啦....佢就比咗佢大伯個電話我

原來佢大伯係做的士司機的

ok, 謝謝, 咁我就唔駛再四圍搵的士司機

慳番啲時間呀嘛...

勁快出門口, 即刻坐車去養和醫院接媽咪走

跟住攪埋手續, 執好行李, 同媽咪換好衫之後

護士待我們在病房等多一會

因為要比啲藥媽咪及要等埋單清數啊...

呢一刻...係到諗...唔知條數係幾多呢???

好彩係我哋預的數目之內

清完數, 跟住就搭的士直接返媽咪屋企了

夜晚伯娘收工, 來了探媽咪, 傾吓講吓

坐咗一陣, 都夜了, 伯娘都未食飯, 真係唔好意思呢..

伯娘教我哋要煲啲咩, 煮啲咩比媽咪食

又叮囑我哋要咩係唔可以比媽咪食

因為伯娘係好有經驗煲湯同煮嘢食的人

佢知道做完手術後的飲食方法

全部我同阿哥都一一記住.

yeah...媽咪可以出院...實在太好了...

係自己屋休息點都好過係醫院啦..

起碼地方大好多, 而且仲靜啲呢.

 

出院的時候影的...睇吓媽咪真係好精神嫁...笑容又甜...

面色都好好嫁...

返到屋企就拆開咗...好靚呀, 原來個花係有個盆嫁...

拆開啲水果...好多呀, 都有一藍呀...媽咪又排食啊..

同事寫給媽咪的心意咭...再次多謝您們的一番心意.

媽咪好開心亦都好感謝大家一直以來的問候

相信大家見到媽咪的樣

都會開心及放心....

因為媽咪真係好掂呀....

連好友'蕉蕉' 都封咗我媽為偶像喎....

佢話又咩理由一啲都唔似病人

一啲痛都無, 一啲唔舒服都無啊...

佢話真係好難相信....

蕉蕉話媽咪真係好堅強好樂觀.

 

無錯....只要有信心..咩都可以衝破的.

手術後的第一天

2009年4月21日(星期二)

 

今天醫院的阿叔又是一大清早叫醒我

呵呵呵...可是我今天很鬼馬啊...

當聽唔見阿叔叫我.囉...係都唔肯起身

同媽咪用眼神交流.....媽咪都係到咋瞓...嘻嘻...

不過....過多十五分鐘啦...阿叔又叫了...

無奈都係要起床了....

由於媽咪剛做完手術

所以由琴日下午到而家都唔可以落地行啊

不過媽咪的精神的確不錯

真係無唔舒服, 無頭痛, 無頭暈, 無嘔

阿媽你真係勁呀....

都係以前啲人啲身體底子勁呀....

自己流洗後, 都為媽咪抺吓面仔及頸及四週圍的部份

比啲水佢飲吓, 洗好啲提子比佢食吓

跟住我就出去外面買早餐返嚟同媽咪食了

今日買咗琴日同阿哥出去食的餐廳

'昌記'...佢啲嘢真係好食又平又足份量呀...

今日要咗兩個通粉, 仲有埋多士及茶

都係48元....仲要好鬼好味...嘻嘻

係喎講時講都唔記得琴日post埋我同阿哥食的嘢添...

遲吓啦...因為都好想介紹比大家啊...

 

 

 

 

'昌記' 好出名的魚片, 咁我當然想買嚟比媽咪試吓啦

因為琴日我巳經同阿哥試食咗, 連大廚都話ok....咁就真係幾ok嫁

佢啲通粉好鬼大粒嫁, 連護士見到都八卦問我哋, 點解你哋啲通粉咁大粒的..

我就話比佢知係邊到買...護士就話...哦...'昌記' 我都有食啊

不過就未食過通粉, 原來咁大粒嫁.

如果個粉唔要雙拼, 就要跟一份多士...仲有得擇要薄定厚添呀

我做過research, '昌記'的厚多士係有2吋咁厚的

睇嚟我同媽咪都唔會食得哂, 所以我係要咗薄多士

叫咗要多啲醬...真係多啲嫁...好有成意囉...因為有時第二間叫咗都無多到呀.

而且佢仲要問你要 '看'底定 普通底嫁...勁好囉...

返到去病房, 就餵媽咪食通粉lu...

同媽咪分甘同味..一人一半多士

媽咪話都幾好味喎...

跟住佢食魚片啦....佢話好彈同和香口喎...

我話係呀, 琴日同阿哥試食咗

呢間嘢又平好味...所以今日咪專登去呢到買比你試吓囉...

不過真係好大碗...明天要買一個早餐兩份先得了..

因為到最後, 我媽咪的通粉真係仲剩咗一半

我個碗呀. 都真係格硬食埋佢嫁...真係好飽呀

呢間'昌記'最啱啲大食朋友呀..

媽咪好叻好好胃口, 都食咗兩碗仔.

 

吃過早餐....媽咪睇吓電視....或者小睡吓, 閉目養神...

沒多久....到十一點左右...張醫生出現了

張醫生問我哋食咗早餐未, 食過啲咩,

護士立即記錄下來

然後張醫生見到媽咪面色咁靚, 又無嘔又無唔舒服

又有胃口, 咁佢就話可以唔要'釣鹽水'嗰個,

一間叫護士幫你拆咗佢, 試吓落地行唔行到

睇吓傷口有無痛或者行的時候唔舒服

張醫生話未知幾時可以出院

要睇埋明天

我問張醫生個傷口有幾多針呀

張醫生話因為唔係好似平時嗰啲咁

係內針嚟的, 所以係睇唔到幾多針

咁張醫生話無需要拆線的

咁講多幾句之後

張醫生就要走了....佢話明天再見!

過多一會, 護士入嚟同媽咪拆走釣鹽水嗰包嘢之後

我就陪媽咪嘗試落地行吓了

我係咁不繼問媽咪....行唔行到嫁??

痛唔痛嫁??   有無唔舒服呀??

傷口痛唔痛嫁??  攰唔攰呀??  真係ok嗎??

一連串係咁轟炸我媽.......

跟住媽咪就好輕描淡瀉咁回答我:  唔痛, 無唔舒服, ok, 唔攰, 行得好好.

只係媽咪話個傷口有啲啲...佢好著重咁講, 係好啲啲好少好少痛.

話....再一次講....阿媽你真係好好好勁呀...

真係好似咩事都無咁喎!!!  勁!

而家行得就方便好多了....而且都無咁悶囉...

行吓行吓....阿哥送飯嚟了

不過因為我哋頭先真係食得好飽呀

所以我哋唔食午飯住, 飲咗一碗湯先

跟住傾吓傾吓....好舒服呀

因為我哋三個人大家傾吓好開心

跟住肚餓lu...咪又同媽咪開餐囉...

嘩...不過都仲剩好多餸喎同湯喎

咁我就話....留番今晚我同媽咪及老公食啦

之後叫咗阿哥早啲返入去

我今晚就唔留係到過夜

我就同媽咪食埋晚飯先返屋企

因為媽咪精神又好, 又行得, 咁阿媽話唔好留係到了

咁我就同阿哥大家商量好

早更就阿哥, 佢負責午飯,

我就負責晚飯, 早餐我就買定面包比媽咪.

大家分工合作.....咁就無咁辛苦囉...

又到差不多六點左右

好友'叻叻' 又來探訪媽咪了...

沒多久堂妹阿姍放工後, 又來到探訪媽咪

大家傾談一會, 都夜了,阿姍先走,

沒多久收到一籃很美麗的花及水果啊...

原來是我的一班地院的同事送來的

謝謝您們啊....這麼有心

唔怪之得我媽咪咁快好啦...因為一直有你們的祝福及支持

時候不早了, 叻叻都係時候回家吃晚飯了....

我便送叻叻搭車

多謝佢兩日都嚟睇媽咪啊...

雖然話佢住得近啫..但都要用時間來探病....

超級多謝叻叻的心意啊...

返到病房, 橫掂無咩做,

咪同媽咪影吓相...因為要交差呀...

嘻嘻....要比番啲同事睇吓嫁嘛....

   

睇吓媽咪笑到幾甜...

阿媽仲係到扮玩電腦, 擺post添呀....

媽咪話啲花好新鮮好靚...啲生果都好靚咁喎...

等到阿榮老公嚟了

開餐lu....食飽飽, 我就執定自己的日用品攞番去屋企先

然後安頓好媽咪後

我哋就走了...媽咪話佢都要休息了

咁好啦,...你要自己小心呀...

我同阿哥聽日再嚟了...

 

手術非常成功及順利

 

2009年4月20日(星期一)

 

早上六點給醫院阿叔叫醒

點解會係阿叔叫醒我呢.....

因為係養和醫院加床過夜

是由每晚九點開始開床

但是要每日早上七點前收床啊...

所以你想瞓晏啲....都唔得呀...

晨運咁早起床

都唔知有咩做

唯有同媽咪傾吓,睇吓電視

間中啲護士會為媽咪量血壓及探熱

十點左右, 護士給了三粒藥丸媽咪於手術前食

是胃藥, 止嘔及止痛藥

然後護士還為媽咪穿上 '防止靜脈曲長' 的 壓力襪

再換上醫院的衣服

護士便叫我們在病房內等

一會兒護士及工作人員便推手術床來

我便跟護士一起到手術室

來到手術室門口

護士便跟我說 : 你就只可以送到這裡了, 你返病房等啦,

待媽咪完成手術, 我哋會來找你的.

聽到護士這樣說, 我便跟媽咪說了幾句, 我便返上病房等消息.

當媽咪推入手術室時

我便望望鐘....差五分鐘便到十一點

然後我便返回病房等....

剛好阿哥來到..我說媽巳推入手術室了

我叫他出外走走或者出外坐坐

我叮囑他兩點前回來啊...

 

張醫生原定約好今天十一點

真的很準時

回到病房, 可能太早起床吧

真的有點攰...

我便 '瀑'在病床上睡一會

正當睡得好冧之時

護士入內叫我, 說: 你媽咪的手術完咗了,

跟我嚟, 我帶你到手術室, 張醫生要見你啊...

當時我還睡眼惺鬆...急急忙忙的便跟著護士

望吓幾點....還差五分鐘便到下午兩點正

然後我便打給阿哥, 叫他快點回來到2樓的手術室

等了一會, 看見張醫生

張醫生告訴我們手術很成功及順利

不用擔心, 全部腫瘤都巳經切除了

叮囑我們如何照料媽咪

我們跟張醫生道謝後

我們又要在外繼續等候

因為醫生一定要病人留在復甦室

等病人各方面都無問題

才可以推回病房的

等了大約半個鐘左右吧

護士便推著媽咪出來,

上前看看....媽咪好精神, 好清醒

還跟我們揮手及笑著叫我們呢?

真是謝天謝地啊....

剛好媽咪完成手術

阿榮老公到步

無遲無早, 剛剛好呢

一齊回到病房

問媽咪感覺如何?

有無唔舒服...她說沒有, 只是有點點攰

但是媽咪跟我們傾了很久啊...

後來都想媽咪休息...我們三人便出外坐

期間我們三人都一齊咁樣講:

嘩...阿媽一啲都唔似係做完手術的人啊...好精神. 真係好呀

(我想是因為媽咪的底子好吧....又或者是媽咪很堅強)

只是間中我便走進去看看她

護士吩咐做完手術要一至兩個鐘後才可以飲水

還要少少咁飲, 不可以太大量

要過四至五鐘後才可以進食

以上兩樣都是防止媽咪會嘔吐及反胃

後來媽咪休息了兩個鐘左右

我便給她飲少少水及竹庶水

我見媽咪精神咁好

我便叫阿哥早點回去

因為回家還真很遠呢...

反正在這裡也沒有甚麼好做

而且我會在這裡過夜, 有我照顧都OK

而且明天阿哥還要一太清早準備湯水及飯餸給媽咪

他也攰了....讓他早點休息

望吓個鐘都不經不覺都五點了

坐了一會...阿姨和表弟來探媽咪

阿姨見到媽咪好精神

個心安定了很多

傾到六點左右,

好友'叻叻'出現了..

叻叻見到媽咪咁精神, 面色咁好

大家又一齊傾吓笑吓..

咁又到咗成差不多七點了

夜了...她們都要走了...

我便送她們坐車

然後我和阿榮便外出吃飯

順帶買了一碗粥給媽咪做晚飯

跟阿榮老公吃過飯後

都夜了...我便叫老公早點回家

我便留在醫院裡過夜及照顧媽咪

就好像媽咪照顧BB一樣啊...

餵她食粥仔, 飲水等等...

安頓好媽咪後

我便沖涼及好好的睡覺LU...

半夜當然有護士會來為媽咪探熱及量血壓

所以都唔會瞓得好冧...

不過到咗半夜就好好瞓了

因為好靜....

不過半夜護士來探熱時

媽咪有少少發燒.....三十七度五

少少啦...護士話其實係正常的

叫我哋放心, 不過都叮囑我哋

如果突然好舒服或者有不妥便要立即通知佢哋

今日終於都鬆一口氣啊...

還要多謝阿姨和表弟來探媽咪

及好友'叻叻'的探望及送來的水果啊...

更加要感謝張醫生及護士

媽咪的手術這麼成功順利

真的是感謝上天的眷顧及大家的祝福!