2009年12月29日(星期二)
今日早上返咗去中醫到覆診
而家醫師幫我改善手腳冰冷的問題
希望有所改善啦!
老爺今日要入嚟攞嘢
所以順手叫咗老爺幫我買定啲菜
有翠玉瓜啦, 蕃茄啦, 蘋果啦, 菜心等等
嘻嘻....因為老爺嗰邊買啲菜又平又靚
加上琴晚巳諗好煮咩
只係欠菜, 搭咗老爺買, 咁我放工就唔駛專登去街市了
媽咪早前買定咗pack多春魚
所以我琴晚就諗到煎多春魚了
不過認識蕭c奶的都知
蕭c奶係唔識煎魚的
煎得唔靚, 又散哂...
但係有次媽咪教咗我
啍....一於試吓自己煎先...
終於係.....得咗!
蕭c奶成功煎到了...煎得都唔錯呀, 幾靚仔呀...
好開心呀...
灼菜心, 老爺買來的
好靚好甜
家鄉蘿蔔苗炒豬肉
少少哋餸吓飯兼且比少爺帶飯
係少爺至愛呀...
因為媽咪的事
而令到我好擔心
同事朋友知道咗
都有支持我, 問候我
好多謝你哋呀...
希望上天保佑媽咪
31號返去見醫生, 只係一場小事,
唔係啲咩大件事啦...
2009年12月28日(星期一)
嘩...天氣又凍番了
大家記得著多件衫啊...
天氣凍咗, 真係好想好想打邊爐
不過又唔可以食咁多牛肉, 羊肉, 海鮮等等
因為蕭c奶要少吃, 少爺就因為要減肥
所以如果打邊爐無以上的食物
好無癮嫁嘛
不過蕭c奶好醒的...嘻嘻(自己讚自己)
話說之前吉豬島做日本節
咁見到呢個豆乳鍋湯底做特價喎
之前又試過幾好味
就買定一個放係屋企啦...
無得打邊爐, 蕭c奶諗到不如整過鍋嘆吓啦.
嗯..個豆乳鍋整咩好呢
係百佳到見到呢pack雜菜唔買都唔得
因為咁多菜咁大pack
都係$9.9咋..勁抵呀
諗都唔諗買咗
有椰菜, 娃娃菜, 小棠菜, 金菇, 鮮冬菇, 秀珍菇及兩片甘筍
因為盡量唔食牛肉, 羊肉等等
所以預備咗少少豬肉
仲要係廋豬肉呀...
呢pack豆乳鍋湯底其實唔係太多
所以我自己再加多咗半盒無糖豆漿
呢排好like關於豆漿的食品
睇吓...奶白色, 好吸引啊...
豬肉熟咗, 我覺得真係好有日式feel
下次唔駛再買個豆乳鍋湯底
自己用無糖豆漿做湯底都得了
呢個鍋真係好好
無油, 無鹽, 無味精嫁
只需要將啲豬肉用豉油, 糖, 好少好少油醃一醃
就得嫁了....
因為要帶飯, 所以整咗個
無皮鹽水雞翼
每日要諗食咩餸
真係係蕭c奶最開心又最滿足的事
其實真係仲有勁多菜式
都仲未煮過
亦都覺得無咩時間煮呀
啲人話, 你試吓煮多兩三年
一定悶呀...
但係我而家就快接近三年了
我覺得仲好想煮
好想煮呀...
我希望以後的日子
我的家人都鐘意食
由我蕭c奶親手做的菜
而且仲係唔會食到悶的...
我會努力學好煮好我的餸!
(我會做好呢份工!)
呢一個意粉其實係早前嫁了
不過一直未有時間POST出嚟啫
有日倆公婆都飽飽哋
唔食又唔得， 食又唔想煮飯
係百佳到見到蒜茸包
就同少爺講： 不如今晚食麵包及煮個湯
返到屋企, 又見仲有半樽意粉醬
一於煮少少意粉啦...
呢個意粉份量係兩個嫁
真係好少嫁
呢個羅宋湯
當然係罐頭啦, 呢個牌子我就第一次買
因為蕭C奶好少食罐頭食物
哈...呢罐羅宋湯好正呀
足足係兩碗的份, 仲要係滿瀉咁滯
仲要好足料, 都只係買13元左右咋
好抵飲, 又放便呢
下次會再幫襯.
簡簡單單又係一餐
份量剛剛好
不多不少呢.
2009年12月27日(星期日)
今日終於都等到張餐枱送嚟了
yeah...有新餐枱用
今日為大家介紹的係新菜式
因為蕭c奶都係第一次整呢個餸
係blog友vyvy到見到呢個餸
一早就好想整嫁了
不過一直未有機會
今日終於可以試吓
vyvy用咗本菇, 但係我見屋企仲有幾個蘑菇
唔好浪費, 就將佢改咗成蘑菇囉...
蘑菇豆漿蒸蛋白
材料：蛋白4個、無糖豆漿220ml、蘑菇4-5個、蔥粒適量、海鹽少許
預備：蘑菇去頂部, 洗淨切件，然後飛水備用~
做法：
(1) 打勻4個蛋白，隔去打勻蛋白的泡泡,
然後才加入無糖豆漿攪勻，再放入已飛水的蘑菇, 加入少量海鹽.
(2) 鋪上微波保鮮紙，放上蒸架上蒸約12-15分鐘.
(3) 蒸好後，灑上蔥粒，淋上滾油、蒸魚豉油即可.
**其實可以淋滾油，不過我無做，因為唔想咁肥，所以無落滾油及豉油
可以係請客時先落, 落左賣相就靚d**
**仲有唔用蘑菇可以改用本菇都得嫁**
個樣蒸得唔靚仔, 點解???
咪因為初時以為蒸10分鐘都夠啦
咪打開個鑊睇吓囉...
點知一打開, 個保鮮紙就貼咗落去個蛋白到喎
咪攪到蒸到個樣唔靚仔囉...
不過咁, 食落又好滑溜又好香豆漿味
大家可以試吓嫁
真係唔錯呀...
西蘭花秀珍菇炒肉片
嘩, 今日係百佳到見到勁靚勁平的西蘭花
一於唔駛諗, 六個六就有三個西蘭花喎
即刻知道今晚煮咩
真係好呀...唔駛諗.
自家種蕃薯湯水
又係自家種....
今次係舅母的媽咪出品的
係紫芯嫁, 自家種的確係甜好多啊...
多謝舅母.
咁又放咗三日聖誕假期
天氣突然又轉冷
大家要好好保重身體
記得著多件衫呀
唔好冷親啊...
2009年12月26日(星期六)
Boxing Day
今年聖誕節並沒有甚麼特別節目
只想靜靜地跟少爺及家人渡過
昨天跟媽咪回了探望婆婆
我和少爺即日來回
而媽咪就留在婆婆裡住多十日八日
今早起過床, 執拾家務
等到少爺起床
便煮lunch了
食咩好呢????
早幾日少爺買咗一打好似
乒乓波咁大粒的雲吞
又見雪櫃仲有幾片螺片
係時候煮第二次的
低溫熟成乾燥麵了
今次擇咗'札幌'風味
嘩...正呀...個湯底勁正呀
好濃的麵豉味咁
乒乓波雲吞@低溫熟成乾燥麵
真係乒乓波咁大粒的雲吞
好大粒, 好夠料, 好大粒蝦, 又夠爽
yummy yummy!
唔知大家又有咩節目呢
蕭c奶同少爺就係屋企到
追番啲日劇先
哈哈...經過半日的時間
終於睇完成套
'Bloody Monday'
不過個結局就麻麻哋囉...
嗯...終於可以睇第二套劇了
不過未知睇邊套好...
要同少爺慢慢擇吓先...
2009年12月23日(星期三)
今日一早約好咗幾位啱咀型兼好玩得的同事
一齊開個聖誕派對啦
原定係六個人的..可惜好友gigi唔舒服, 放咗病假
所以今日只得我哋五個人
等阿慶同我哋女仔影番張合照先
每人都要預備一份聖誕禮物
呢份咪係蕭c奶的
今日仲帶咗ddung一齊嚟開派對添
仲有呀慶及朱美的, 兩份的size差好遠喎????
嘩...呢份咁大的, 一睇就係朱古力嚟的....
肥shirley一定係買食嫁啦...哈哈
肥儀...包到份禮物唔錯喎, 仲有條金線添.
蕭c奶較早前同少爺係citysuper到
試飲過呢支有汽果汁, 無酒精嫁
又唔貴, 只買39元一大支
好好味, 所以買咗一支嚟同大家一齊飲杯.
肥shirley買咗呢盒蛋糕送比我地一齊食
唔駛講....開餐了...
乾杯....Merry Christmas....
每一預備一樣聖誕美食
左髀(蕭c奶) ---- 蕃茄腸仔蘑菇意粉
阿慶 ----- 沙嗲雜丸
肥儀 ---- 鹵水雞翼
肥shirley --- 雲吞及鮻魚肉
朱美 ---- 菜心及生菜
開始抽獎了...
經過一輪又興奮又刺激的抽獎之後
結果就係..
左髀 抽到 肥儀
肥儀 抽到 朱美
朱美 抽到 左髀
光頭慶 抽到 肥SHIRLEY
肥SHIRELY 抽番 光頭慶
拆禮物了...
左髀 --- BODY SHOP的PRODUCT
肥儀 --- 美麗日記的MASK
肥SHIRLEY -- HAND CREAM
朱美 --- 馬莎的兩樣意粉醬+一個美麗聖誕鹿袋仔
光頭慶 --- 一盒朱古力
因為食得好飽了, 所以有兩樣甜品
都要留到4點半先一齊食呀
好似好美味咁喎....不過食落覺得太甜了
點都好, 多謝肥shirley呀....
而蕭c奶就帶來了這盒Family Biscuits
今年個盒好靚呀...一定要留起佢嚟, 比少爺先
食前唔記得影低, 都比人攞走咗啲了....
一盒有兩層的, 我今日就做咗聖誕小姐
攞住嚟盒餅送比啲好同事一齊分享啊..
祝大家, 聖誕快樂!
呢張相, 其實阿慶個樣好得意嫁...嘻
可惜你哋睇唔到了, 打咗格仔...
好開心呀, 今日巳經好有HOLIDAY MOOD 了
唔想做嘢囉...嘻嘻
朋友們, 今日好開心呀
同你哋開聖誕派對
下次等埋GIGI, 我吔一月份再攪過派對啦...
