這是一個食材非常就手，但又很不健康的鍋物
可是往往不健康的，就很美味，是邪惡的鍋物呀！
部隊鍋其實係咩意思呢:
上網SEARCH過, 是韓國一種火鍋, 源於朝鮮戰爭時期. 由於物資短缺, 在議政府美軍基地附近的居民以剩餘的香腸, 火腿, 加入辛辣的古椒醬(一種辣的湯) 作底, 以解無肉之苦.
我六月時去過一趟韓國, 就特地親身品嘗了韓國的部隊鍋,
他們的鍋比大般的火鍋的鍋大一倍啊...十分大而淺的.
吃過後, 就很想念 (其實只是一般的材料, 但不知怎的, 又會想念啊...)
所以索性自己在家做吧....反正...反正這麼簡單.
韓國部隊鍋是韓國其中一款特式的鍋物，常見的材料有：豆腐，年糕，腸仔，午歺肉，菜，公仔麵，芝士等等
鍋汁會用牛肉湯汁，韓式辣醬，韓式辣粉等調出來的
而我就改用了韓國魚仔昆布做湯底，還把家中剩餘的食物“車”進這鍋，哈哈~~ 看，多豐富啊！
其實有部份的材料, 係清雪櫃的...哈哈.
例如: 粟米用剩咗一條, 啲菜我又係煮剩咗少少, 洋蔥又用剩咗半個,
所以呢啲我就順便'車'埋入個部隊鍋到了....
除咗以上我所講的額外材料, 正式的部隊鍋的材料如下:
豆腐, 金菇, 午餐肉, 腸仔, 年糕, 蔥段, 泡菜, 豬肉片, 茄汁豆, 芝士, 韓國的公仔面.
就是這些了. (我就當然加埋頭先所講的剩餘材料啦...嘻...)
至於湯底, 我先用韓國的昆布魚仔湯包, 滾咗一個湯先, 大約滾20分鐘, 備用.
調味醬汁: 我就用韓國辣椒粉及辣椒醬, 份量自行調較, 無特定的.
做法:
1) 鍋加入少許油預熱, 先加入洋蔥, 午餐肉, 腸仔等略煎一會
2) 再加入金菇, 蔥段, 泡菜, 粟米, 豆腐, 豬肉片等...跟手再加入昆布魚仔湯, 辣椒粉, 辣椒醬
3) 待滾後, 加入年糕呀, 芝士呀, 公仔面呀, 再加入茄汁豆
4) 等到年糕軟, 芝士溶, 面又開始軟及熟, 就可以吃了.
** 其實真係只要你喜歡材料就加進去吧
** 其實也很像我們的打邊爐的, 所以我都是用電磁爐一邊熱著, 一邊吃.
** 最後還剩餘一點湯, 用來灼菜吃...KAKA...
沒有留言:
張貼留言