淮山杞子圓肉瘦肉燉螺頭湯

淮山杞子圓肉瘦肉燉螺頭湯

秋天悄悄來了

終於等到燉湯的時候，之前買了LC 湯盅, 一直很想開光,

但未有機會喎...哈哈...而攷秋天來了..係一個好時機,

終於都可以了.

這個燉湯, 材料簡單, 相信大部份家裡都可以找到.

而且因為有圓肉(即係龍眼肉), 所以這個湯基本上非常甜的.

昨晚喝完, 十分好瞓啊....^^

好...先來看看材料吧:

螺頭(我用急凍)      2隻

瘦肉                        15元

淮山                         4塊

圓肉(龍眼肉)           10粒

杞子                         適量 (我無數呀, 隨意每盅小許啊)

陳皮                         2塊

薑片                         2片

做法:

1)     急凍螺頭, 先解凍.  再用一小鍋, 放入水, 薑, 蔥, 把螺頭出水三至五分鐘,
        出水後, 它會出一些白泡泡的, 把出水的螺頭洗淨, 切件, 除去內裡的腸部份.
        備用.

2)     杞子, 圓肉, 淮山, 陳皮洗淨, 分別用水浸軟.  薑切片, 備用.  陳皮除去囊部份.

3)     把廋肉切件, 我切咗8件,  再用小鍋, 加入水, 滾後, 加入瘦肉及浸了一會的
         淮山出水.   令到瘦肉變色就可以了.   

4)    準備兩個湯盅, 分別把薑片, 陳皮, 杞子, 圓肉, 淮山, 瘦肉, 螺頭放入湯盅肉.

5)   加入巳滾的熱水至湯口, 蓋上盅蓋.

6)    準備一個大鍋, 放入竹墊, 加入到湯盅的一半水, 放入湯盅, 先開中大火至水滾,
       轉小火, 燉三個小時, 試味, 放入少許鹽, 再燉半小時.   即成.


**  淮山可以改用鮮淮山, 更加新鮮美味.
**  若發覺中途不夠水, 就一早要煲定一煲熱水, 用來作加水用.
      一定要滾水呀, 唔好用凍水加, 咁樣會令到煲緊燉緊的降溫, 
      會影響效果的.