滑滑蒸水蛋 (內附食譜)

滑滑蒸水蛋


真係講都唔信, 我成日整煮餸, BUT講到蒸水蛋了喎...

其實係...係....唔識@@

試過好多次都唔滑..

琴日買唔切餸, 就蒸咗個水蛋,

上網搵到黃淑儀的蒸水蛋食譜

真係滑到無朋友...

不過蕭C奶就對這個口感麻麻,

因為真係太太太滑, 滑到食時好似無嘢咁.

但少爺就VERY LIKE囉.

不過口感的嘢, 真係好個人的.

我都會再試多幾個食譜,

搵番一個自己啱口感的蒸水蛋先.




材料:
雞蛋 4隻，打勻，水是蛋液的1倍半，鹽小許，生抽及熟油少許

 
做法：
1) 鍋加入水，蒸架及一只吉碟（由凍煮至滾），開火。
2） 蛋液先打匀，再與水一齊打，放鹽。
3) 水滾後，將2倒在巳煮熱的碟中，蒸2分鐘，熄火後不可開蓋，再焗20分鐘。

4) 洒上生抽，赞熟油，完成。

LC kiwi黑法瑯鍋 @ sogo thankful week

這些敗物, 是上個月了....但一直沒有時間UPDATE在BLOG內...

趁著今天有空就加入BOLG中.


sogo thankful week 的小小戰利品！！

最開心可以買到這個限量，價錢平宜的LC kiwi黑法瑯鍋！

養鍋後，就可以煮啫啫雞煲，田雞煲，茄子煲etc.....

LC無水腐乳蒸雞翼 (內附食譜)

看見BLOG友鬼嫁整了這個無水腐乳蒸雞翼,

鬼嫁是用大孖的辣腐乳

剛巧星期六在大孖附近

那就乾脆買一樽回家吧...還即是買了雞翼..哈哈..

謝謝鬼嫁的食譜

這個腐乳蒸雞翼, 非常滑呀...

少爺讚不絕口呢....^^




材料:

雞翼    1磅


醬料:

大孖辣腐乳     3磚

蒜蓉    2至3粒 , 切碎

糖   1茶匙

花雕酒 /  紹與酒 1湯匙

 豆辦醬    1茶匙  (屋企沒有, 以沒有加)

 





做法:

(1)  用保鮮袋, 先加入醬料, 用手按壓醬料, 使醬料均勻.

(2)  醬料均勻後, 加入雞翼, 按摩保鮮袋, 令每一隻雞翼都沾上醬料.

(3)  醃最少30分鐘, 或者過一晚更入味.

(4)  巳調味的保鮮袋, 加人一湯水均和, 再把雞翼排放在LC淺鍋中.

(5  以中火4分鐘, 小火4分鐘, 熄火焗6分鐘, 即成.


** 如用普通鍋子，隔水蒸15分鐘或用炆焗的方法以小火炆煮12分鐘

LC 楓木湯勺

最終也忍不住敗了它們回來,

因為實在太太太需要木製的湯勺啊....WAKAKA...

(又來找一點籍口敗...)

實物真的很漂亮..

因為MRS BEAR的幫手, 我就只需安坐家中等它們到來我家.

所以怎麼可能不敗呢...

LC mixing jug

到手吖，恨左成年的LC mixing jug, 終於收到了。

跟朋友仔, 一人一個.  好大個呀, 好好用.

 謝謝靚女man man由英国带它回港，真的非常感謝您啊！好開心呀！:-D

韓式泡菜煎餅 (內附食譜)

2013年6月15日(星期六)

又來韓式理料啊...今天為大家介紹的是.....韓式泡菜煎餅.

又是跟韓國太太Mrs Horse 學做的.

比起出面韓國餐館的更好味, 而且材料充足,

不像外間的多粉少泡菜啊...

自家製永遠都不會偷工減料的....^^


這個又是第一次參加Mrs Horse的聚會時,
做給我們吃的小吃啊...

重溫CLICK 這裡...
http://blog.yahoo.com/jobechan/articles/913053/category/%E6%9C%8B%E5%8F%8B%E8%81%9A%E6%9C%83%E7%AF%87



一道又簡單又好味的煎餅, 原來做起來, 真的十份容易,

以後在家也可品嚐到韓風料理啊...^^ 

我真的十分十分喜愛韓國料理...


來...又來看看Mrs Horse的食譜分享吧!!!


材料:

韓國煎餅粉    1/2杯

中筋粉    2 tbsp  (如沒有中筋粉, 用1 tbsp 低筋粉及 1 tbsp 的高筋粉)

清水 1/2 杯

泡菜 1 Cup

蔥段   適量


粉漿調味料:

糖, 鹽, 油    各適量






做法:

(1)  先將泡菜切粒, 備用.

(2)  煎餅粉加入中筋粉, 糖, 鹽, 油及水攪勻.

(3)  加人泡菜及蔥段攪勻

(4) 燒熱煎PAN, 加入油, 將泡菜粉漿倒入, 盡量將餅壓平, 會容易做出脆口餅邊.

(5)  把兩面煎至金黃色, 粉漿熟透, 就可以了. 

(6)  上碟, 完成.


**  Mrs. Horse建議, 粉漿較稀的話, 煎餅會相對薄身,
但餅邊會容易煎至脆口**



 Mrs. Horse上之還做了另外的口味--  韓式海鮮煎餅及韓式南瓜煎餅

下次我也會試試的,  試完再跟大家分享!!



還是大感謝 Mrs. Horse的食譜分享!!

素湯 x LC

2013年6月15日(星期六)

難得在家休息, 有足夠時間做自己的事,

其中一個要爭取做的, 一定係煲啖湯飲吓先.

素湯是蕭C奶首選啊...因為無肉的湯, 無咁漏,

可以飲好多碗, 好清甜, 可以當水飲.

尤其係SUMMER, 這種又熱又悶的天氣, 非常選合飲用.

蕭C奶煲素湯, 沒有規則嫁.

鐘意咩, 屋企有咩, 就係咁'車'落去...

不過通常煲素湯, 豆類係個'膽',

不過因為我同少爺都尿酸高, 所以都唔可以成日加咁多豆類去煲

隔住煲囉...



今天我就用咗以下材料煲咗, 好清甜的,

仲有我而家煲湯, 多數都唔會落鹽添.

鹽都係唔好吸收太多係身體啊...無益.


紅蘿蔔，粟米，合掌瓜，蜜棗，花生，腰果，茨實，

薏米，南北杏，紅豆，扁豆

豆類會部要先行浸半小時至一小時以上,

煲滾水, 先加入豆類及蜜棗, 煲半小時,

再加入紅蘿蔔，粟米，合掌瓜

煲個半至2小時, 即可飲用.


**材料多少, 可自行隨意啊...多人飲咪買多少少紅蘿蔔, 粟米咁囉....**

韓式紫菜卷 (內附食譜)

2013年6月14日(星期五)





二月份去咗韓國太太Mrs. Horse 家聚會,

當時Mrs. Horse 做了這個"韓式紫菜卷"給我們品嚐.

(可以CLICK以下的LINK重溫啊..)

韓國私房聚會@深夜食堂同樂會

http://blog.yahoo.com/jobechan/articles/913053/category/%E6%9C%8B%E5%8F%8B%E8%81%9A%E6%9C%83%E7%AF%87


吃過後, 很想學做啊...因為好好好味啊...

今晚的起心肝就动手試做了，卷的方法还有待改善呢！

至於味道我自己覺得很好啊，尤其是跟韓国太太的醃料來醃牛肉，非常好味!


實在感謝Mrs.Horse 把她的韓式COOKING分享給大家!

就來看看如何做吧....

先看看材料....我沒有跟足Mrs Horse,

有少少我自行變了其他材料




** 這個份量, 可以做到4條紫菜卷的...**

材料:

韓國珍珠米    2 嘜

紫菜飯用的紫菜     1包  (有10塊)

醃漬蘿蔔    1盒   (內有佷多條, 但其實只需要用幾條)

肥牛   1杯

甘筍    1條

醃漬牛蒡 1盒   (內有佷多條, 但其實只需要用幾條)

雞蛋    2隻  

芝麻    少許


牛肉醃料:

豉油 1/2 Tbsp  

糖 1/2 tsp

梅子汁   少許  (如沒有可以把糖份相對加至 1 tsp)

梨汁   1/4 個

蒜蓉   1/2 tsp

胡椒粉   少許 



做法:

(1)  牛肉片加入醃料醃半小時.

(2)   先要預備珍珠米飯.

(3)  飯好後, 加入芝麻油和鹽充分拌勻啊...再加入芝麻拌勻, 備用.

(4)  甘荀去皮, 切成幼條備用.

(5)  雞蛋發勻, 加入少許油, 糖, 鹽及韓國豉油拌勻.

(6)  燒熱鍋, 先把甘荀條放入鍋中略為炒至軟身, 盛起備用.

(7)  燒熱鍋, 加入油, 把雞蛋煎好, 切條, 備用.

(8) 燒熱鍋, 加入少許油, 把牛肉片炒熟, 盛起, 備用.

(9)  先預備一碗清水, 因為米飯會黏手, 可以手先沾水後才鋪上米飯.

(10)  將米飯平鋪在紫菜上, 將材料放在飯的正中.

(11)  將竹墊捲起, 用手輕輕壓實, HOLD住一會, 避免鬆開

(12) 把竹墊打開, 於飯卷上薄薄掃上一層芝麻油

(13)  將紫菜飯切開一件件, 排放好後, 可以灑上少許芝麻及裝飾草, 完成.  享用.






這個真的很容易做啊...

只是要預備多少少的材料...

但這個紫菜卷, 材料上有很多變化啊..

例如: 你可以用蟹柳, 青瓜, 火腿, 油浸/水浸吞拿魚, 菠菜等等

總之跟隨個人喜好就可以了




這一款美食, 相信又是一道用來宴客, 開PARTY的很好選擇啊..

尤其是SUMMER這種又熱又悶的天氣

醃漬蘿蔔酸酸的....再加埋牛肉的甜甜的...

其實很開胃啊...

忌廉白酒煮青口 (內附食譜)

早一個月左右, 同朋友行CC叔婆的時,

見到有這包活青口買, 難得見到活青口,

我又未試過, 一於買咗佢返屋企先.

最後直至到前幾日才有時間試整.

活青口我都係第一次煮,

啲肉都幾嬾, 不過呢包啲青口唔多肉

今次因為倒白酒時, 見剩番啲啲,

咪倒埋入去囉..

費事到剩番啲, 都唔知做咩好..

點知點知...出事囉...

攪到個SOURCE偏苦呀><><><

激死...=='

各位, 參考咗我, 就唔好學我咁了...






食譜: 我係參考咗BLOG友-  玻璃朱


材料:

藍青口 1 PACK

洋蔥     1 個 (切碎)

蒜頭     2-3粒 (切碎)

蕃茜 PARSLEY   4棵 (切碎)


調味:

白酒    約1/2杯

忌廉    約1杯

牛油    少許

黑胡椒    少許

鹽   少許






做法:

(1)  燒熱鍋, 牛油炒香洋蔥及蒜蓉

(2)  加入青口炒幾吓, 加入白酒, 蓋上蓋煮一至兩分鐘至青口輕微開口.

(3) 加入Parsley拌勻, 熄火, 再下忌廉, 再落鹽, 黑胡椒粒, 即成.



做法非常簡單, 又快捷.  所以用來宴客都幾方便嫁.

益力多芝士蛋糕 (內附食譜)

夏天好炎熱, 有時想食啲凍凍哋又酸酸哋的嘢,

因為咁樣先有胃口嘛...

今次特別介紹我N年前做過的一款好美味的芝士蛋糕...

益力多就大人細路都飲過,

但係將佢夾埋芝士, 做成一個CAKE

又唔知大家試過未呢...

好清新嫁......

希望大家喜歡啦...





材料： 

消化餅底:

消化餅…………………………………5 塊

淡牛油………………………………30g


芝士餡料:

忌廉芝士……………………………………………250g

糖……………………………………………………70g

淡忌廉………………………………………………………200g

魚膠粉…………………………………………………7 g

水……………………………………………………2 湯匙

益力多……………………………………2-3支 (我用左2支)



餅面:

益力多……………………………………………1支

魚膠粉…………………………………………………4 g

水……………………………………………………2g



做法：

(1) 將消化餅壓碎，加入牛油溶液拌勻，壓實於蛋糕模內雪凍備用。

(2) 淡忌廉6 分打發備用。

(3) 忌廉芝士加糖打滑至糖溶解，加入益力多拌勻。

(4) 魚膠粉加水，隔熱溶解，加進芝士餡內，再加入已打起的淡忌廉攪勻，

倒入消化餅底內，放入雪櫃凝固。

(5) 芝士餡凝固後，可以取出做餅面，把魚膠粉加水座溶，再加入益力多攪勻，倒入芝士餡面，然後再放回雪櫃凝固。

（6）脫模後可食用。

READY GO

開始要為我們的泡菜國之旅準備了.....