豆鼓魚鬆煮秋葵 (內附食譜)

豆鼓魚鬆煮秋葵

鯪魚肉一向都很愛吃, 一來有益, 二來又唔會好似吃肉咁, 好似好多肉.

鯪魚肉煎咗後, 切開一條條, 就會叫做魚鬆.

我以前都唔知嫁...:P  好大個先知咩叫魚鬆.

平時魚鬆, 我都會配四季豆或瓜類.

亦都只會配蒜茸來炒.

今日突然有新意念, 唔知點解想食秋葵

仲要諗到用豆鼓來炒

我都有一秒諗過用豆鼓會唔會好怪呢..

點知又唔會喎, 仲要幾夾吓, 仲好香添.




材料:

鯪魚肉    15元
蔥   適量 (一半做蔥粒, 用作加入鯪魚肉, 另一半做蔥段, 完成後加入去的)
秋葵    一PACK
洋蔥    半個 (切絲)
蒜茸    數粒
豆豉    一湯匙
辣椒    一隻 (我無用)



醃鯪魚肉料:

胡椒粉 適量
麻油     適量 (如怕熱量高, 可以不加)





做法:

1.  先將鯪魚肉沖沖水, 洗淨, 加入蔥粒, 胡椒粉, 麻油拌勻.

2.  秋葵洗淨, 批去頭部少許, 備用

3.  豆豉洗淨, 壓破.  辣椒洗淨, 切粒. 蒜頭變蒜茸.

4.  燒熱鍋, 加少許油, 將鯪魚肉至平煎熟, 上碟, 切成一條條, 成魚條狀.

5.  跟手原鑊, 燒熱, 加入少許油, 炒柏蒜茸, 豆椒, 辣椒炒一會

6.  跟手加入洋蔥炒軟身, 加入 秋葵炒至軟身及八成熟, 再加入巳煎的魚條炒熟.

7.  加入蔥段兜幾吓, 關火. 上碟, 即成.





**  注意, 全程不用加入鹽, 我總是認為, 巳經有豆豉, 洋蔥, 蒜茸等等,
 
所以吃回原材料的味道巳經可以了.

要吃得健康啊...^^