越式香茅豬扒 (內附食譜)

蕭C奶最近都好勤力咁係咁做菜...

YES, 其實我一直都仲有好多好多的菜式好想做

係煮食的世界, 實在太多嘢玩了....

早前買吓了一PACK香茅, 一PACK有數枝, 廷多的

我早前做了'泰式牛肉沙律'

餘下的香茅怎麼辦好呢????

嘻....好.....一於試吓整香茅豬扒先..

平時出去食越式嘢, 香茅豬扒好好味嫁.

成日出去食, 都係到諗唔知點整嫁呢.

最後上網睇吓啦, 我自己就綜給咗幾個食譜,
 
加加減減就做咗呢個食譜出嚟了.

估唔到好容易做, 仲要好好味.

我自己覺得好味啦...WAKAKA

尤其是熱辣辣即刻食, 好惹味呀!

大家都不妨試吓啦.




越式香茅豬扒




越式香茅豬扒

材料 :
無骨/有骨豬扒     4件
香茅    2支切碎
紅葱頭     6粒切碎
蒜蓉    2茶匙
蔥花    數棵切碎
紅辣椒     2小隻切碎 (我沒有用)

醃豬扒調味 : 糖, 鹽, 生抽, , 生粉

汁料: 魚露, 糖少許





事前工夫做法 :
1. 豬扒用刀背上下拍鬆
2.  紅葱頭,  蒜頭切碎, 香茅只用白色部份, 切碎
3. 用糖, 鹽, 生抽, 生粉, 一半蒜蓉, 一半香茅碎和1/3切碎紅葱頭醃一晚,
    或至少醃兩至三小時或以上.



做法:

1. 燒熱鑊加油將豬扒煎至兩面呈金黃色, 盛起備用
2. 原鑊, 燒熱鑊加油將餘下蒜蓉, 紅葱粒及香茅碎及辣椒粒用慢火煎香
3. 把豬扒回鑊, 加入魚露, 少許糖, 把豬扒及蒜蓉, 紅葱粒及香茅碎兜勻至乾身
4.  最後加上蔥花關火, 把豬扒放在碟上, 然後把餘下汁料放在豬扒的上面, 完成.