【深夜食堂煮婦同樂會第36話】炒飯 (泡菜炒飯)

【深夜食堂煮婦同樂會第36話】炒飯



由於星期六, 韓國太太MRS HORSE

親自教授一眾煮婦們做醃泡菜

巳經好心急, 好想快啲到三日...

昨天忍不住, 問MRS HORSE, 所謂三日,

係由星期六計定由星期日起呢....

MRS HORSE話由落汁計起, 咁即係星期六

咁今晚星期一啦, 即係三天.  好嘢...

個腦不停諗泡菜菜式..^^

好...反正今期功課係炒飯

咁就整一個'泡菜炒飯'啦.




材料:

白飯   兩碗

泡菜 一碗

洋蔥 半個或一個

芝麻   適量

紫菜絲   少許

雞蛋   2只 
(不過我最後無用, 因為夠餸, 無做煎蛋放在炒飯面)


醬料:

糖    少許

鹽    少許

韓國麻油     少許

韓國醬油     少許



做法:

1.  先將泡菜切成一小塊. 備用.   (但如果你想有口感, 鐘意食到泡菜就切大塊點)

2.  洋蔥切粒, 備用.

3.  燒熱鍋, 先炒香泡菜, 加入洋蔥炒勻. 然後加入白飯炒勻. 並加入醬炓炒勻.

4.  炒勻後, 跟手加入芝麻炒勻, 試味, 完成.

5.   泡菜炒飯上碟, 紫菜絲放在炒飯上面, 即成.


**  如果做埋煎蛋, 就炒飯上碟後, 立即煎蛋, 放在炒飯面, 才加上紫菜絲.
**  炒飯好彈性, 可以加入火腿粒, 肉類等等材料.




mrs horse教的泡菜, 真係好好味,

又入味, 又夠辣, 今晚除了做炒飯外,

我還做了泡菜豚肉豆腐粉絲鍋添,

好惹味, 好開胃!

有咗自家泡菜, 明天我仲打算做番泡菜炒豚肉呀.

仲有好多泡菜的菜式, 好想整

例如:  泡菜煎餅, 泡菜面, 泡菜炒年糕等等...




泡菜豚肉豆腐粉絲鍋 (內附食譜)

http://blog.yahoo.com/jobechan/articles/916336/index





泡菜夜....嘻嘻..

泡菜豚肉豆腐粉絲鍋 (內附食譜)

泡菜豚肉豆腐粉絲鍋




韓國菜呢期我like咗幾個月

成日都同少爺心思思想食韓國菜

都係果句....學咗泡菜

為了mrs horse教我哋的心意

我一定要好好利用自家泡菜啦.


今晚做了泡菜炒飯外,

一直都好想用泡菜做鍋物

yeah, 而家有機會了.


我再參考咗mrs horse的泡菜鍋食譜

自行改咗配菜的配搭

跟著食譜煮, 正呀.....辣辣哋, 食到少爺lam lam 脷





材料:

魚湯粉   一包

泡菜    一碗

泡菜汁   適量

蝦仁   八隻

日本蒟蒻   半磚

日本春雨(粉絲)     適量

日本豆腐    一盒

黑豚肉    六片

薑粒    少許

辣椒    一只


調味:

韓國醬油 少許

糖     少許

鹽     少許


預備工夫:

1.  泡菜切一小塊

2.  蝦




做法:

1.  先用一小鍋, 煮滾水, 放入魚湯粉, 煲大約五分鐘, 做一小鍋魚湯,  備用.

2.  LC鍋加熱,  先炒香泡菜一會, 隨即加入魚湯及泡菜汁.

3.  煮滾後, 加入巳用胡椒粉醃的蝦仁, 以及切件的蒟蒻, 煮滾兩至三分鐘.

4. 然後加入日本春雨(粉絲)至軟身, 再加埋切件的日本豆腐.

5.  煮滾後, 加入豚肉至剛剛熟, 加入調味料, 試味.

6.  最後加入蔥粒及辣椒粒, 熄火. 完成.








【深夜食堂煮婦同樂會第36話】炒飯 (泡菜炒飯)

請CLICK這裡欣賞:

http://blog.yahoo.com/jobechan/articles/916164/index

韓國私房聚會@深夜食堂同樂會

2013年2月23日, 星期六

期待以久的小聚會又來了, 實在超興奮又幸福!

這次小聚地點在韓國太太MRS HORSE家舉行

一直都愛韓國料理的我, 實在很開心也很榮幸

可以認識到MRS HORSE, 近水流臺,

以後問有關韓國的嘢都可以請教MRS HORSE了.


這天真的玩得痛快,

首先我們合力準備LUNCH

韓國太太MRS HORSE做了韓式紫菜卷

韓國先生MR HORSE 專誠下廚，煮了韓式炒麵給我們品嘗

還有花花做的南乳及蒜茸雞翼

以及我的客家(氣)鹹湯丸！ ^~^ 很豐富啊!

**提外話:  很喜歡偽主婦為我的家鄉客家鹹湯丸改咗做客氣鹹湯丸

客氣鹹湯丸從何來???  是因為我說負責做客家鹹湯丸時, 但
我不小心打了'客氣鹹湯丸', 當我立時知打錯字後, 我也未來得及更正,
眼明手快的偽主婦就說了一句: 我仲以為粒湯圓食之前要講「唔好意思」

跟住MRS HORSE就話: 我地食個時要講「我唔客氣啦」

真係比佢哋笑屎



煮婦們很專注拍照啊.....



吃過LUNCH後, 玩樂即刻開始了....

因為上次豪姐整了一個超鬆軟又美味的戚風蛋糕

一試難忘, 大家也很想學

所以首先豪姐教我們做戚風蛋糕

步驟不算多, 但當中當然有一點點小技巧及經驗吧...

嘩...出爐一刻, 巳經嘩聲四起了....



出爐了....超鬆軟戚風蛋糕

LUNCH都未'落格',

下午茶又嚟了.....這個戚風蛋糕順利成章成為我們的下午茶甜點啊...





哈哈....吃過了這個小甜點...

重點玩樂來了.....就是MRS HORSE教我們學做泡菜啊...

YEAH....之前蕭C奶自己試做, 結果失敗了

這次可以跟MRS HORSE學正宗的泡菜

實在興奮及開心...有實習喎, 這次學後, 一定成功吧!





MRS HORSE示範了一次後

我們就開始自己做自己那份泡菜了

哈哈....真的很似去了韓國旅行團學整泡菜....

完成後每人可以有一份泡菜回家....





做完泡菜, 煮婦們吹吹水, 談天說地,

交流入廚心得, 仲即席上網敗物添...

然後另一重點下午茶又來了....

就是豪姐花了三天時間準備了這個 '蕉糖布丁朱古力慕斯蛋糕'給我們品嚐

好吃到不得了，又香又滑！





焦糖味, 又有古古力....真的好味到呢....

現在寫BLOG中, 但係...好想食呀...

下次要請豪姐幫我整個先得...WAKAKA





嘆完TEA, 又HEA完一陣, 又玩完一陣.

講開KM的配件, 一定要買的, 當然是Pasta Roller & Cutter 啦!

我都好恨有部KM, 而且如果我買, 我都一定會第一時間買Pasta Roller & Cutter

因為我都經常煮麵, 意粉, 烏冬等等...

而且吃過自家製的意粉, 麵, 實在跟出面的一包包的意粉, 完全是兩回事啊...

就係咁...傾傾吓,即興加插了自製烏冬，超好玩

謝謝MRS HORSE and 偽主婦教授






回家即煮給少爺作宵夜，非常煙韌，真的'寧舍不同'嫁！







連烏冬都玩埋....望吓個鐘, 又係時候準備晚餐啊...

今天晚餐重點就是韓國私房菜之韓燒五花肉

這個時候我們就像到了一間由倆夫婦開的韓式私房菜館

每晚只為一枱客人服務的

我們在飯廳裡看著MR HORSE 及 MRS HORSE在開放式廚房裡團團轉

加上他們倆用韓語交談...

那刻我們真的像到了韓國呢...

很喜觀聽他們談話, 雖然我唔知嘰哩咕嚕講咩,

但我實在愛聽啊...






話明是韓式, 一定不能少得韓式前菜啦..

MRS HORSE為我們準備了幾款前菜:

有芽菜, 魚片, 魷魚, 紫菜

當然唔少得泡菜(KIMCHI)啦.

好好味呀....每一款也很喜愛, YEAH....遲吓逐樣請教MRS HORSE教我整先.




晚餐主角:五花肉

這個韓燒五花肉, 配上生菜及醬包著來吃

好味啊...那個醬, 超好味.  下次我也會買來試試.












大家也吃得很滿足啊...



一路吃著韓燒五花肉

MRS HORSE 及 MR HORSE又走入去廚房到準備另一款

韓國出名的: 韓式海鮮煎餅及泡菜煎餅

好味呀...味道剛好, 之前在尖沙咀街吃的泡菜煎餅

一點也不好吃, 沒有泡菜味, 又乾爭爭

MRS HORSE做的口感及味道

是我喜歡的.  正!!!!








還有我第一次飲的: 韓式大醬湯

用韓國豆醬來煲的湯, 內裡有翠玉瓜粒, 豆腐粒

好好飲, 好香滑!  有機會我也試試做給少爺品嚐!





吃飽飽後, 細心的MRS HORSE還準備了一款甜品給我們解一解韓燒的熱氣感

這個甜品, 實在很欣賞, 飲時很清甜, 很潤喉, 實在很適合燒烤完後飲啊...

這個甜品叫做:  甜米露







這個甜米露, 看似沒有甚麼,

但也頗花時間及工夫才可以煮到呢...

十分感謝MRS HORSE啊...

這個匙內的大家估估是甚麼????


其實是...........米來的啊....





十分滿足又圓滿的一天

有嘢食, 有嘢玩, 有嘢學, 又有嘢拎走添...

感謝煮婦們帶給我開心的一整天啊...

期待下一次的聚會!!!



大家可以看看其他煮婦們的記載:



OL醉愛廚房

http://blog.yahoo.com/olkitchen/articles/1028565

偽主婦

上集

http://blog.yahoo.com/kikidaydreaming/articles/1048033/index

下集

http://blog.yahoo.com/kikidaydreaming/articles/1048170

莎莉豪

http://blog.yahoo.com/_ZYGHPATAVRYNT4ZUCXHCLTQBTY/articles/1082314

廣島蠔意大利飯 Oyster Risotto (內附食譜)

好耐都無煮過意大利飯, 屋企有盒意大利米放咗係到好耐.

成日個心好想整, 不過又提唔起勁喎...咪一路都無再煮囉..

之前好耐係鬼嫁個BLOG到, 見到佢煮意大利飯,

咁睇到又令我心思思, 加上鬼嫁做的係我同少爺好愛吃的廣島蠔

廣島蠔配意大利飯.....嘩...聽到都流哂口水啦...點忍...

所以早前第一次試煮啦..點知...

好食就好好食, 但係點解鬼嫁煮的係白雪雪,

而我就煮到金黃色..

雖則食水的嘢, 睇你點睇啦, 金黃色有金黃色的特別

白雪雪有白雪雪的好看

但係....但係.....我都係唔甘心, 所以當然要請教鬼嫁啦.

鬼嫁就教我煮洋蔥時, 一定不要煮到佢變啡色,

如果唔係就一定會煮唔到白雪雪

鬼嫁就話一係火大咗, 加上佢見我用LC鍋, 佢就知LC傳熱度高又快

所以叫我下次要用超超超細火來慢慢炒

煮過一次, 熟咗個鍋

初八好友來我家, 之前講咗話會煮意大利飯比佢哋品嚐

吸收了上次的經驗

好嘢, 好開心, 今次終於可以做到一鍋日雪雪靚靚的廣島蠔意大利飯了

真係多謝鬼嫁教路!!


廣島蠔意大利飯




食譜來至鬼嫁

材料 （二人份）：

急凍廣島蠔     10-12隻
生粉 4湯匙   (洗蠔用)  
牛油     1.5湯匙
洋蔥     半個
意大利米(Arboria Rice) 1/2 cup
清雞湯     1 1/2 cup
Parmesan Cheese 3湯匙
Mozzarella Cheese     1湯匙
白酒 2湯匙
Parsley    少許, 伴碟用
鹽及黑胡椒   少許, 適量
 

 

做法：

1）洗蠔：蠔放大碗中，下2湯匙生粉，用手輕輕攪拌，
  蠔邊的黑色污物便會掉下，以清水洗淨瀝乾水備用
    （一般以生粉洗兩次便成）

2）雞湯加熱備用 （可用微波爐或用在另外一個爐頭加熱後以小火溫著）

3）洋蔥切粒，平底鍋預熱，中火下1湯匙牛油炒洋蔥，
  記著不要令其變金黃色，約3分鐘

4）下意大利米與洋蔥拌勻，下白酒，讓酒精全部蒸發

5）轉中小火，加4湯匙雞湯，一直攪拌，讓米吸收雞湯，約2﹣3分鐘

6）再加4湯匙雞湯， 一直攪拌至雞湯被米吸收

7）重覆以上步驟至雞湯剩下約3湯匙，大約15分鐘

8）加入蠔肉及剩下的雞湯，輕輕攪拌至蠔全熟，約5﹣8分鐘

9）熄火，加入芝士及剩下的牛油拌勻

10）以鹽及胡椒調味，上碟加Parsley作裝飾便成 

鬼嫁小貼士：

• 以上的烹煮時間是Al Dente口感，如喜愛軟腍的可把米多煮5分鐘才放生蠔

• 蠔比較易爛，處理時要小心輕力

• 雞湯要保持是熱的

• 一般的食譜只用 Parmesan Cheese， 加一點 Mozzarella Cheese，
  會令飯黏黏的，口感更好

• 如蠔的份量不多，可加切片的白磨菇，味道會濃厚些

日式蟹籽蟹柳青瓜沙律

日式蟹籽蟹柳青瓜沙律





平時去食日本嘢, 都好鐘意呢款沙律,

其實真係超容易自己整

材料簡單, 隨時想食都好快做到

初八, 朋友來, 所以買了一PACK有4條的小青瓜

用2條巳經可以做到一大碟了

這個沙律也是一款又快手又容易準備的PARTY FOOD




材料:

小青瓜      2條

蟹柳     4-6條 (我用了兩款蟹柳)

蟹籽         適量 

BB沙律醬 適量

做法: 

 1.  先將小青瓜洗淨, 切頭尾, 及磨一磨青瓜頭尾, 去苦.

2.   然後把小青瓜刨絲在碟上, 並用廚房紙吸乾青瓜的水份

3.  把蟹柳拆成絲, 直接放在青瓜絲上.

4.  唧適量的沙律醬在蟹柳絲上面.

5.  最後加上蟹籽, 完成.  食時才把所有材料撈勻, 享用.

睇完之後, 係咪覺得非常容易呢!!!

所以你哋不紡都試吓做做啊...
 

相聚. 拜年. 過初八

嘩咁快就到初八了,  好友一早約好了來我家拜年聚聚

仲定了由午餐開始玩到晚餐

ok...樂意奉陪!!  嘻....

我們先來個lunch先:

今天為好友準備了三款午餐

蟹子蟹柳青瓜沙律+拿波里意大利麵+廣島蠔意大利飯~~




吃过午餐，我們便一起做曲奇及muffin吖！ 我地就整左牛油曲奇，朱古力脆曲奇及朱古力muffin呀! 好開心朋友喜歡這三款甜點.玩左半曰.















完成了，又準備晚餐吖，由朝食到晚，連原本的雞翼是用作下午茶也没空没肚吃了，便留來作晚餐，然後簡單的灼了菜及整了雲耳金針滑雞煲仔飯, 當然還有蕃茄薯仔排骨湯~~ 大滿足！！






謝謝好友們送的賀年礼品！





下次我哋又再聚聚....

下次希望攪手作小聚

因為過完年後, 我都要開始pick up番手作仔呀.