深夜食堂煮婦同樂會第5話- 拿波里意大利面

深夜食堂煮婦同樂會第5話- 拿波里意大利面


好高興, 可以係BLOG到識到鬼嫁, 開始睇咗鬼嫁的BLOG, 發現佢哋有'深夜食堂煮婦同樂會',

當時心想很羡慕啊...心思思好想參加.   最後, 我都JOIN咗了...

WOW....咁樣我就可以有動力煮煮煮.....寫番BLOG了...

多謝哂各位比機會我JOIN呀!!! 




其實我都遲咗LU.. 各BLOG友巳經一早交咗功課.

但係我又好想整喎...所以...唔理...我都照煮咗呢個意粉...嘻...

各人都有各人的方法...而我參考咗鬼嫁少少...

材料方面, 我用咗: 火腿, 雜椒, 洋蔥及蘑菇

汁料, 我用咗茄汁及LEMON汁

同埋都加咗少少CHEESE, 仲有梗係鬼嫁教路, 加咗牛油啦....^^





超級容易又美味的一款意大利面

真係除時都可以整到

大家不妨試吓啦....



材料:

意粉  半包
火腿   2片 (切條)
洋蔥  1個 (切絲)
雜椒  各一個(切條)
蘑菇   5至六隻 (切件)

汁料:
茄汁   (自行調配)
LEMON 汁 (三分一個)
水/雞湯   (少許)

其他:
牛油, 碎芝士, 乾香草, 黑胡椒

做法:

(1)  先把意粉用滾水煮至10分鐘, 盛起備用.

(2)  燒熱鍋, 加入牛油, 先爆香洋蔥至軟身, 加入雜椒炒至軟身,
    再加入蘑菇炒片刻, 再加入火腿炒片刻.

(3)  跟手加入茄汁, 少許水或者雞湯及LEMON汁少許, 炒呀炒...

(4)  跟住炒至汁及意粉均勻, 隨手加入芝士及牛油, 及灑少許黑胡椒炒勻

(5)  喜歡的加入少許乾香草, 炒勻, 完成.