水月林素菜館@觀塘

 

2011年6月15日(星期三)

 

是日放假, 跟好友玩烹飪...

夜晚我們就等少爺及愛麗詩一起食晚飯啊..

好友知我和少爺努力keep fit

所以好好, 搵素食的餐館

呢間位於觀塘與牛頭角之間的位置

不難找, 加上價錢合理

食物很清淡, 環境清雅

值得一試!

 

水月林素菜館@觀塘

 

南瓜翅

好香南瓜味呀, 加上個質感好滑,

湯的濃度適中, 味道又不淡不咸

勁like呀, 我會為咗呢個翅再幫襯囉...嘻嘻

 

有好多翅呀..嘻嘻.

香荔酥卷

用咗腐皮夾埋芋頭蓉佢炸的

因為我個人唔愛食芋頭, 所以我一定會話唔好食.

但係我都有試食咗一啖

咁佢炸得唔油, 同埋入面的芋頭蓉

真係好蓉, 如果鐘意的芋頭的人

就一定會鐘意.

竹苼紫菜浸時蔬

時蔬我們擇選了菜心, 夠正氣嘛

這個菜看似沒有特別

是真的, 只想說菜心很新鮮及爽口, good.

荷葉飯

見到十枱有八枱都要這個荷葉飯

我們又跟大家了...嘻

嘩..果然沒有叫錯

很香荷葉味, 而且飯不油, 還有是一粒粒的

加上很清淡, 食時有陣陣的荷葉味

好味好香...

招牌水月卷

以為係招牌菜, 一定會好好食...

嗯..點知....唔好食喎...

佢係全件都由 腐皮煎炸出嚟的

食落無特別, 同埋食多件都會覺得好一般

我唔鐘意芋頭的, 都覺得香荔酥卷好食好多

這個失色啊...

 

咕嚕素球

睇個名, 見埋個樣就知係扮咕嚕肉啦...

但佢特別之處

平時素菜館, 呢個餸多數會用生根呀, 面根嚟模仿

而呢間, 就用新鮮的薯蓉嚟做個

都幾好食, 不過因為佢全部都係薯仔

所以都幾滯, 我建議最好有6個人以上先好order

每人一件至兩件, 就夠了.

 

呢餐每人都係九十幾蚊

我哋仲有叫到15蚊酸齋

不過我無影相咋...個酸齋無平時出面果啲咁深橙色

食落都無平時咁重味

感覺好好....

有機會, 你哋都不妨試吓啦.

因為呢間啲味淡口, 清淡, 又唔咸, 食落無無精味

我覺得真係唔錯呀.