裝修day 3@收細門及拆了星盆及煮食爐枱
2010年4月28日(星期三)
第三日了, 今日上到去新居
啲師父走哂了
睇吓今日的進度先
睇吓做咗啲咩先??
哦....原來係收細咗浴室門及廚房門
呢個係浴室門, 仲封埋咗上面原本係玻璃的位置
睇番之前對門先
呢個係廚房門, 同樣收細咗了
見到師父交低比第二個師父的事
幾得意..咪影低佢囉...
廰的方面, 無嘢整住, 得啲泥係到
少爺係到check緊啲手工.
至於廚房呢...巳經將啲星盆及原有的煮食爐枱面拆走了
睇吓...個廚房真係好細嫁
所以你哋唔好再叫我整呢樣, 又整果樣了
點整啫.....我哋巳經好叻叻
原本房署的設計, 係個洗衣機放係廚房
而真攪笑的係, 佢的設計, 係要將個雪櫃放係偏廰到囉
你哋話....咁梗係盡量想將呢兩樣嘢收埋嫁了
梗係唔想放係個廰到嫁了
所以最後, 我哋諗到將洗衣機搬去浴室
然後將雪櫃搬嚟廚房
安置到兩樣咁大件的電器, 都算係咁了
咁樣個廳就好用得多了
see....係要花啲頭腦度嫁
仲要出去搵定係用咩隻雪櫃及洗衣機嫁
今日的進度就咁先
又係時候返屋企了
聽日師父應該係會鋪地磚
聽晚再嚟了...
你個廚房仲唔見使過我果個，起碼我可以將雪櫃同洗衣機放入去呀！設計Ｄ人都唔知有無諗過人哋擺唔擺到野0架！
回覆刪除[版主回覆05/03/2010 13:56:00]係呀，嗰斑條仔，個腦係放係個屁屁到嫁。設計果啲人，跟本就無諗過用家的感受及真正的擺法，只係私自，為咗自己係建築上方便。其實真係好心人性。我都好想去投訴呀。講真，細唔緊要，但你都要諗吓我哋啲市民點用先得嫁。一切都唔係為我哋啲民生著想。
你哋第日嚟到，就一切明白嫁了。所以我無計，需然話公屋最好唔好拆佢啲嘢，第日唔會幫你維修，但係真係無辦法呀。屋巳經細，如果個廳仲放埋雪櫃，我就真係都唔知我啲衫點好囉。所以唯有照改洗衣機喉呀。咁先可以將個雪櫃放入去廚房咋。不過我個超細廚房真係細到。。。
因為你果度係是是正正嘛。其實我哋都OK，只係廚房就無咁好，細囉。同埋偏廳有個總電制，不過都解決咗偏廳的問題。