其實我想講
去旅行係咪真係好緊要嫁呢
泰國曼谷咁亂
泰國機場又咁亂，咁危險
香港政府都出咗黑色謷示啦
啲人都仲要搵條命去博
有時啲嘢。。。政府唔出聲
你哋又話政府無出聲
好啦。。。而家政府咪知好危險囉
發出咗黑色警示
都叫啲市民唔好去啦
但係。。啲人咪又唔聽
又話唔驚唔怕，小心啲咪得囉
大佬呀。。點小心呀。。咁叻咁醒，咁唔驚你唔好落機囉
你咪又係曼谷機場到落機
機場都話有啲紅衫軍係到
諗都諗到，遲早會亂啦， 仲夠膽去
老實講啦， 係咁堅的，到時有事，就唔好CALL番嚟
叫政府救你了，有本事就自己攪掂佢了
有時真係好唔明啲人諗咩
無事咪好囉，有事又係到嘈圈巴閉
仲有呀，唔該叫啲屋企人唔好到時又話政府唔幫你呀
自己事自己負責囉
邊個叫你明知咁危險都照去
唔可以改期，改地方
命緊要啲，定係玩緊要啲
咁大個人都唔識諗
唉。。。無氣講了。。。
次次都係咁。。。其實原本都唔想打出嚟
但係見到新聞訪問啲市民
佢哋真係唔知人哋係好擔心你哋的安危囉
我唔識你哋呀， 都會擔心啦
可况係你哋的家人或朋友
唉。。都唔係我黑心呀， 我會祝福你哋平安無事返嚟
但若果有不幸。。。咁你哋就自己負責了，唔好怪人呀。
以上為個人感受，若有得罪他人，請見諒！
總知自己承受責任就得了,到時就唔好再話政府呀!
回覆刪除[版主回覆04/13/2010 17:24:00]咪就係囉。。。。
D人係咁架,比左手$$又唔想蝕,所以都照去,因為自由行果D未必比佢改期,到時有事又係搵政府包機,一陣又話政府太遲,一陣有事又"賴"政府,而家D香港人真係好似大Q曬咁~~
回覆刪除[版主回覆04/13/2010 17:24:00]有啲仲帶埋細路去。。真係搵命嚟攪。到時後悔都無話可說了。
好欣賞你咁敢言!!!亦好認同你講既嘢, 本來我都係事不關己既人, 但有時睇到D訪問, 香港人係咁架啦, 大Q哂, 政府係你老豆咩,咩都依賴哂佢, 好既就應份, 做得唔好既就第一時間企出黎扮專家鬧, 有次喺火車到聽到個睇落冇咩讀過書既阿叔(唔係歧視, 只係佢係咁講粗口), 喺度講政治, 救命, 如果佢咁能幹就做咗官啦, 點解大家唔可以為人哋諗多D, 個個都take it for granted呢個世界點會平衡..........不平的人上
回覆刪除[版主回覆04/14/2010 16:04:00]咁係呀嘛...啲人都唔用腦嫁. 其實有時例如,打風時, 橫風橫雨時,仲去滑咩鬼浪, 好心啦, 最慘係佢有事,唔知比啲浪浪咗去邊, 到時又要啲救生員呀消防員呀去救佢哋喎. 最慘係好多時,都係啲消防員為咗救人而無咗條命. 我真係好憎呢啲人嫁,唔諗吓人, 人哋都有家人有朋友嫁, 就係為咗你哋要玩而出咗事, 為咗市命而去無咗人哋的命. 你自己要玩,就自己負責囉. 我真係成咁諗.
其實有時咁, 我巳經好想用文字紓發呢種不知所謂,不負責的感想, 不過平時懶. 到咗今次, 泰國事件, 我真係忍唔到囉. 咪寫出嚟囉.
其實我只係想果啲人, 好好咁反省吓啫. 亦都教吓佢哋做嘢要有分寸及顧及身邊的人的感受.