裝修@我喜愛的木紋地磚

 

一攪裝修新居，自不然會好快咁諗

用咩地磚，間屋以咩色為主好呢？

因為屋細，深色一定唔會用，

想光猛又可以令到空間感大的，

一定係擇淺色或白色啦

我唔LIKE拋光磚，原來少爺都唔LIKE

咁就好了。。。

少爺問我鐘意咩色及咩磚？

咁我就話，其實我一直都好鐘意地板，

尤其係淺色的杝板，不過我哋藍田咁潮濕，

一定唔可以做地板啊。

之後我哋就去建材街到睇地磚

哈原來而家有好多款嫁喎

有好多型狀，長條型，正方型，長方型等等

仲有勁多款色。。。

 遂間遂間睇，歸納咗知道我哋大約鐘意邊啲色

都係鐘情啲似木紋的淺色系列啊

間間睇吓，啲員工會介紹啲磚有咩分別

我話其實好LIKE地板

後來先知，原來有木紋磚，係仿效地板的

嘩。。。我知道後，勁開心

我就專注搵木紋磚系列了。

 

以下係我哋睇啱的地磚

不過都梗係爭啲囉

因為蕭c奶始終情愛木紋....

以下幾款都有考慮過

但最後...

 

 

而。。。搵到啲似地板的木紋磚喎。不過啲色都係差咁啲，

梗係搵唔到我心目中想要的色。

唔係太過淺, 又太過深.

睇吓攞咗幾多磚的SAMPLE，都咪話，每次出去攞幾塊，

個袋都真係幾重嫁。 不過我真係唔知可以問佢攞，

我哋都係見到人哋問，我哋咪有樣學樣，

攞咗番屋企， 可以慢慢諗清楚要咩色。

（村姑出城，係咁上下。。。）

後來行到一間，勁大叫呀，因為搵到價錢合理，

但又係我想要的木紋效果，

好鐘意好鐿意，連少爺都好鐘意

心目中都決定咗九成會買呢款

33蚊一塊，如果跟據我哋間屋的尺寸

加埋地腳線，都要成接近六千

其實都幾貴，不過真係好鐘意。

越睇越LIKE，但係我個心就覺得好貴呀

加上我個床及廰,其實巳經做咗個收納地台

鋪咗呢啲咁靚的磚, 根本就欣賞唔到

我再詳細啲解釋, 我哋分咗三部份, 係偏廰, 客廰及睡房

而當中客廰及睡房兩部份, 都會鋪地磚, 但地磚上面會有

一個收納地台, 咁即是話....鋪咗的地磚, 係全部遮哂

只有偏廰會見啲地磚, 仲要個偏廰會有個曲尺櫃

咁又即是話...只係好小部份會見到啲地磚

所以我諗諗吓...六千蚊喎, 淨係睇到個小小

好唔抵囉...

後來我哋再行多幾間

好想搵吓仲有無啲再平啲, 但又係咁靚的木紋磚

(好大諗頭....)

最後皇天不負有心人, 竟然比我哋搵到一間有

又平又靚, 隻色我哋又like, 每件係14.8元

嘩足足平一半喎...可惜....無哂貨...oh...勁失望囉

但係但係...都話上天對我哋好好啦

比我哋係另外一間到見喎...

即刻問....今次呢間有貨呀....

仲比咗小小discount我哋添

而家全間屋鋪唔駛六千蚊咁貴

係三千蚊都唔駛呀....咁又可以慳番啲嚟買電器了

 

嘻嘻...就係以下呢隻了....

好鐘意好鐘意...

最緊要係我哋倆公婆都鐘意就得了....

終於都可以擁有木紋的效果...哈哈....

其實問心, 當然係上面33蚊個款個質地及色係最完美

但係真係要好好衡量, 講真若果真係好大地方,

可以見到啲磚的面積多啲, 我一定會買貴果隻呀...

而家見光的面積咁細, 都係用隻平啲先

放心, 我一定會第日有大屋, 買嚟返嚟嫁...kakaka

好warm呀, 好warm呀...

kakakaka..