最近愛上咗煲'羅漢果水'. 功效好, 有益.
尤其對糖尿病, 高血壓, 舒紓眼睛, 排毒
大家都不妨煲來飲用啊.
做法:
一個羅漢果, 壓碎羅漢果外皮, 將種子分開,
在煲中放入兩公升水,
放入壓碎羅漢果外皮及種子.
用中火煲二十分鐘(以水滾後計算)
關火後, 放置十分鐘;
完成後可直接熱飲, 或過濾後放入冰箱冷藏,
可保存一個月.
在冰箱取出的,
可以用熱水稀釋濃度當淡茶來飲用
一般用來保健的, 可以在早上, 飯後 及口渴時飲用
每日每人攝取二至三次, 為最佳
太多的身體是吸收不了的.
今日又煲咗一大煲了,
又攞啲番去比老爺奶奶飲啊....
希望可以幫助到佢哋老人家身體好啦.
裝修進度@親眼睇鋪好的地磚啊..
2010年4月30日(星期五)
今日蕭c奶同少爺放假
一連三日假期, 要好好休息及跟進裝修啊.
嘩...難得放假梗係瞓晏啲啲啦
中午先坐車出去, 先先同少爺去攞駕駛牌先
之後就直接入新居了..
哈哈..好興奮呀, 蕭c奶終於可以親眼見到鋪咗地磚的新居啊
嘩..一入去, 好開心呀, 就咁咩都未攪
淨係見到個地, 就巳經開心到屎lu...呵呵
好光猛啊, 仲好warm添..
偏廳呢一邊....都好靚啊
哈哈...呢張相又會令你哋誤會
以為間屋好大...其實係蕭c奶的攝影了得咋...哈哈
少爺係到做咩傢伙???
咪係到check吓啲地囉..
我哋的單位向東, 好好風, 好好方向
如果向西就可以望到海景
兩邊方向都有好, 有唔好呢?
不過我而家住緊的向西, 真係唔多好,
summer真係好鬼熱, 冬天又凍到屎屎吓...
我哋向東, 係望學校景, 都好...無高樓大廈,
璄觀都唔算唔錯, 巳經好滿足
仲有小許山景囉...
不過到時朋友仔入嚟新居
就唔能夠行到嚟呢個window了
因為呢邊我哋係會變做瞓覺覺的地方啊...
參觀完新居, 我哋就出發去宜家傢俬到行吓了
咁又過咗一日lu...
明天我哋唔去新居了
後日先再去走一趟啦...
裝修day 4@鋪地磚
2010年4月29日(星期四)
咁又到咗裝修第4日了
逢星期四少爺都要返學
諗住可能去少一晚新屋
不過少爺都唔係好放心
加上少爺知道裝修師父今日開始鋪地磚
少爺話佢放咗學, 自己一個去新居到睇過先放心喎
因為少爺放成十點, 少爺叫我今晚好好休息
咁我就話我去做facial啦, 然後早啲返屋企休息等你返嚟啦.
少爺返到嚟屋企了
報告咗比我聽, 師父巳經鋪好地磚
佢自己好滿意, 同埋佢話鋪咗出嚟個效果好靚,好舒服
蕭c奶當然心急啦 好想睇啊...
少爺就影咗返嚟了...
嘩....好鐘意呀,,,我的木紋磚呀...
又真係幾靚喎...邊個擇先得嫁...嘻嘻
但係影相始終都唔及親眼見的
所以我聽日一定要上去親眼望啊...
仲有師父巳經將收細的浴室的門部份,
鋪番啲面磚了.
嗱....未動工前係咁的樣
連廚房的都鋪埋了....yeah.
師父今日就係做咗咁多嘢了
明天蕭c奶及少爺都放假一天
一連放三日, 要好好咁享受及跟一跟裝修的進度呢.
嘻....好鬼心急親眼見啲木紋地磚啊..
2010年4月27日(星期二)
放咗工,去藍田新居睇裝修進度前
先醫吓個肚先...
今日擇咗呢間
首間日本拉麵博物館
味吉拉麵館
落order了....今日好橋, 我同少爺都唔想食熱嘢,
好想食凍凍的嘢喎..所就order咗...
本格美國牛肋肉拼凍蕎麥麵
嘩...個買相幾得咁喎....
食落仲幾好味添
夠爽口及足份量
本格美國牛肋肉
估唔到咁好味, 啲牛肋肉好鬆軟, 又夠入味
仲加了一碟共有六件的
彩紅壽司卷
好新鮮同埋啲飯好好味, 好抵食
無記錯係38蚊.
而蕭c奶點了這款
淨凍稻庭烏冬
烏冬夠彈牙及煙韌, 係我最like的質感
呢個係咩東東???
跟隨我的烏冬送來的,
員工小姐給我們作了一個介紹
原來當我吃到最後完了
可以將淨下來的汁料加入這個壺內的湯
就是這個凍稻庭烏冬最後的精華所在啊...
吃到最後, 我便把精華倒入凍烏冬汁內
當湯咁樣飲了....
其實呢個只係花樣啫
飲落無咩特別, 又唔係好飲, 亦都唔會係難飲
我覺得多此一舉!
都幾好食, 加上員工服務好
第日一定會多多幫襯啊...
裝修day 3@收細門及拆了星盆及煮食爐枱
2010年4月28日(星期三)
第三日了, 今日上到去新居
啲師父走哂了
睇吓今日的進度先
睇吓做咗啲咩先??
哦....原來係收細咗浴室門及廚房門
呢個係浴室門, 仲封埋咗上面原本係玻璃的位置
睇番之前對門先
呢個係廚房門, 同樣收細咗了
見到師父交低比第二個師父的事
幾得意..咪影低佢囉...
廰的方面, 無嘢整住, 得啲泥係到
少爺係到check緊啲手工.
至於廚房呢...巳經將啲星盆及原有的煮食爐枱面拆走了
睇吓...個廚房真係好細嫁
所以你哋唔好再叫我整呢樣, 又整果樣了
點整啫.....我哋巳經好叻叻
原本房署的設計, 係個洗衣機放係廚房
而真攪笑的係, 佢的設計, 係要將個雪櫃放係偏廰到囉
你哋話....咁梗係盡量想將呢兩樣嘢收埋嫁了
梗係唔想放係個廰到嫁了
所以最後, 我哋諗到將洗衣機搬去浴室
然後將雪櫃搬嚟廚房
安置到兩樣咁大件的電器, 都算係咁了
咁樣個廳就好用得多了
see....係要花啲頭腦度嫁
仲要出去搵定係用咩隻雪櫃及洗衣機嫁
今日的進度就咁先
又係時候返屋企了
聽日師父應該係會鋪地磚
聽晚再嚟了...
裝修day 1 及 day 2@水電工程
2010年4月26日(星期一)
今日開始我哋的裝修第一日了
放咗工, 就即刻飛去新居睇睇師父攪咗咩
上到去, 而..見到門打開咗, 燈著咗
巳經係夜晚七點幾, 師父仲未走
搞吓門...師父你好.
水電師父姓周, 好nice, 周師父見到少爺
就即刻叫少爺check一check啲電制位啱唔啱
仲慢慢係到同少爺傾添
對於我呢個咩都唔識的婦儒
真係覺得好神奇嫁...kakaka (希望各位唔好笑我)
我而家先知啲電線係點走, 又覺得非常之神奇
掘完又可以埋番好靚個wall
又而家先知原來電制位係遂個計數
仲要通常公價500蚊一個
勁貴....而家我哋就450蚊一個
都好鬼貴...仲要而家接觸裝修先知
原來一間屋平時唔多覺, 閒閒地係要二三十個電制
真係痴線嫁....
同師父傾好, 又睇完間屋之後
我地就走先了, 周師父你慢慢做了, 唔打攪你了.
明天見!
2010年4月27日(星期二)
咁又到咗第二日了, 照樣放工同少爺去新居走一趟
今日諗住唔想見到師父
少爺就話不如食咗晚飯先上去啦
ok...就去咗食嘢
食完嘢都8點幾,上到去...oh...門又係開咗, 又有光喎
原來師父仲未走.....
周師父仲係努力工作中!
好了....呢兩日都無咩睇
只係做咗啲水電先
睇吓聽日啲師父又攪咩了
明晚見!
裝修進度@MARK電制位及買面磚
2010年4月25日（星期日）
因為浴室的門比較大
由於我哋想將洗衣機放入浴室
所以少爺決定將浴室門收細， 變番平時咁大
同咗裝修師父傾過呢一部份
師父就要起番個磚牆，當然磚就裝修師父包埋
但係就唔包鋪番面的面磚
就要自己買，師父話我哋唔得閒，
佢都可以幫我哋買，不過我哋倆公婆
怕師父買錯又買咗啲唔鐘意的
所以都係親自去買好過。
早幾日巳經同少爺睇咗去邊間買
因為要買25塊8X8吋的面磚
話好重唔係，但唔重咩，都有一定的重量
所以請咗老爺幫用，今日佢倆父子就出去買
同埋攞去新居到了。
呢隻面磚好普通，係啞色白色面的，
之前搵咗幾間都要$3.5或者以上
經過我哋搵咗一間，每塊係$2.8，
嘩。。。都平咗好多嫁了。小數怕長計呀嘛。
老爺好好，幫少爺一齊攞咗去新居，
之後老爺走先，因為少爺約咗水電師父嚟MARK電制位
我哋終於都MARK位了。。。哈哈。
咁師父就可以開工囉。
而我。。就無出去新居，因為今日唔駛我出場
我就返娘家幫媽咪打掃吓屋企
我都好忙嫁， 洗浴室，地毯，掃地，洗冷氣機，
抹塵，收衫，晾衫等等。。。
之後就等埋媽咪及少爺返嚟食飯囉。
少爺返到嚟，話水電師父好好人，好NICE喎
又好傾，又無所謂。
咁我話：咁就好了。心諗，唔知有無機會見到佢呢。
今日多謝老爺幫手
亦都好高興可以遇到一位好NICE的水電師父啊。
裝修進度@地磚送貨及傢俬初形
2010年4月24日(星期六)
今日我同少爺都要返工
一放咗工, 又去新居了
因為約咗兩點半送地磚
好鬼開心, 因為諗起鐘意的地磚
就真係有啲興奮啦
地磚公司好準時, 無遲無早, 時間啱啱好,
一到兩點半, 門鐘響...叮噹叮噹....地磚送到!
之後同少爺鋪咗幾塊嚟睇吓個效果
嗯...好滿意呀, 係我最想要的木紋效果
真係好warm啊....
老實講, 之前我好鐘意的另一款木紋磚啲色,
真係再靚啲, 但係而家買咗呢隻, 我覺得都好似
平成一半喎.....呢間係公屋, 加上真係只係呢一小部份先睇到
其餘都真係比啲櫃及收納地台遮咗
諗落都係唔需要浪費咁多錢, 寧願啲錢用嚟買吓電器好過
我覺得自己好精明喎...嘻嘻
玩完lu...少爺收拾番啲木紋磚, 快快手收好,
我哋要去傢俬公司睇出圖呀.....
離開咗新居，出發去傢俬公司了
約咗4點鐘，準時到達傢俬公司，
約見黃小姐
上次講出咗我哋的要求
黃小姐經過幾日的設計
比咗啲初步的設計圖我哋睇
好鐘意呀，個款式係我好鐘意的簡約
實用，有款。。（我自己覺得囉）
TV櫃其實都算CONFIRM咗
反而係曲尺櫃，仲有少少嘢諗清楚，
所以黃小姐都要再等我哋CONFIRM先
嘻嘻， 幸好黃小姐無嫌我哋咁煩
左改右改，左諗右諗啫。。。
一傾就傾咗兩個多小時
咁就六點幾了
之後就同少爺去食晚飯了。。。。
今日都好開心呀，
收到啲地磚又開心
睇埋啲傢俬又好開心
繼續順順利利啊。。。
