清淡

 

最近蕭c奶成個大肚婆咁

唔知係咪因為呢排啲天氣

又濕又乾

無咩胃口

攪到媽咪每日問煮咩餸

都諗唔到, 因為咩都唔想食咁

尤其係肉類

只想食菜

媽咪每次問煮咩??

蕭c奶都答: 菜囉.

媽咪又問: 除咗菜呢???

蕭c奶再答: 都係菜囉!

攪到媽咪好無奈!!!!!

睇吓呢排蕭c奶又咩食

蒜茸豆鼓煮南瓜

媽咪教煮南瓜咩嘢配菜都唔駛

只需要蒜茸及豆豉炒埋一齊就巳經好好味

早前同媽咪去旺角時買的

呢到就係一個份量嚟嫁了

 

魚蓉炒黃芽百

清清哋, 唔錯呀

雜錦素小炒

哈哈...呢碟餸個名堂係咪好好聽呢!

係因為當日媽咪又問, 今晚食咩餸,

我就諗到, 叫媽咪買啲豆卜, 芽菜,

然後浸幾隻冬菇及木耳

將以上材料炒埋一碟

咁就可以清清哋啦

 

煎大眼雞

最近有報導指, 有幾類魚都不適合患有乳癌的人士食

大眼雞原來其中之一種啊!

真係唔知....而家知道咗

即刻講咗比媽咪聽, 叫佢唔好再食

小心為上!

鮮腐竹炒西蘭花

鮮腐竹真係好味, 平時炒西蘭花我哋多數

炒肉片或者鮮尤的

不過媽咪知蕭c奶唔想食肉,

加上少爺又唔可以食鮮尤

所以媽咪諗到加鮮腐竹

媽咪好諗頭呀!

鮮茄炒蛋

鮮茄係同事cc的自家種

真係勁鮮甜啊

 

蒜茸豆豉蒸秋刀魚

又諗唔到秋刀魚蒸都咁好味喎

平時多數煎的, 香口啲

原來蒸又有另一番口味!

 

最近因為大多數媽咪都係蕭c奶呢邊

所以蕭c奶都趁媽咪係到

咁我就唔駛趕放工返屋企煮飯

呢幾日都多數開多一陣OT

因為實在有太多嘢都未完成

手頭上的工作真係好多

好想盡力做快啲

希望係二月份完成到心目中預計的工作

 

感謝媽咪的照顧

等我每日都可以安心工作