嘩。。呢排真係好凍凍
連蕭C奶最暖的褸，上年都無出場
今年終於都可以出場了。。YEAH！
太凍了，凍到個人咩都唔想郁
只想冬眠及狂食
因為太凍的關係
就算好勤力的蕭C奶
都唔肯煮飯呀
所以呢幾日決定日日都出街食
唔駛買， 唔駛洗，唔駛做嘛
啲工夫錢都係要比人賺吓啦！
咁凍，蕭C奶諗都唔駛諗
好想打 bin bin啊
所以連續兩日都出咗去打 bin bin
勁滿足。。不過比醫師知道的話
呵呵。。。一定話鬼我呀！
咁凍的天氣
其實返工都幾好
因為有郁動的關係
所以個人都精神啲同埋暖啲
係屋企唔郁，其實越坐越凍
成個人都震吓震吓咁
好似話下星期會和暖喎
唔知係咪真的呢？
嘩!!如果買野返屋企自己煮,要洗菜果陣真係唔好攪我,D水凍到隻手赤曬,我晚晚上床隻腳冰到,我老公問我係咪係雪櫃走出黎,隻腳一定要搵老公取暖,如果唔係就唔洗訓,下年我要買個暖水袋,因為真係凍得太緊要喇!!
回覆刪除[版主回覆02/20/2010 15:40:00]吓 ....你一直都無暖水袋..咁多年點過冬天瞓覺呀..
我由細到大冬天一定要有暖袋先可以瞓到嫁, 對屎人腳, 係由入面凍到出嚟嫁喎, 無咗個暖袋, 更本係瞓唔到喎. 你好勁呀!
但係呢排咁凍, 我又唔駛暖水袋喎, 不過我就開咗個暖爐係房, 我自己都覺得好出奇, 無暖水袋都瞓到喎, 可能係個暖爐關係啦.
咁你屋企有無暖爐嫁??? 你有埋晴晴, 更加要買啦, 暖好多嫁.
C奶, 有野想問問你, & 同你傾傾呀.
回覆刪除我4月中公司有個job, 要幫個客做個kitchen display, 咁我要買一些kitchen用的不秀鋼掛牆架及鉤等, (總之就係kitchen用黎擺呢樣擺果樣果d野啦), 我只display4-5日, display完之後就冇用了), 你如果時間夾得來的話, 我可以買0既時候和你相討, 我用後平d讓比你哦)
p.s. 我只係display 幾日only, 因我個客係買pan的
你有咩意見就話我知啦 / 你有朋友有興趣都可以問問我
[版主回覆02/20/2010 15:42:00]其實我都要買kitchen用的不秀鋼掛牆架及鉤等, 我都睇咗想要邊啲款, 不過未決定. 但我哋諗住返大陸買呀, 平好多呀, 係香港要成200蚊左右一個, 我覺得好貴囉.
其實同你夾到都無問題, 問題係你買的款我like唔like啫. 咁啦, 你到時用完, 就搵我, 好唔好呀. 有平更係好嫁, 加上你又唔駛嘥咗嘛. ok.