2010年2月6日(星期六)
因為屋企的事
又令到我好煩燥
好唔開心
每次聽到一啲好唔想聽到的嘢
都係好唔開心
唉....我幾時先會有安寧的日子
有時真係係到諗
做人真係好煩好煩
今晚返到屋企
少爺係攰到係地下瞓著咗
我去沖涼
不其然個心好唔開心
終於都忍唔住
喊咗出嚟....
係咁喊...係咁喊....
就係咁又大喊咗一場
喊到眼都腫埋
都好的....喊咗個人係比較舒服
到咗兩公婆一齊瞓覺
我先話比少爺知
我頭先喊咗一場
少爺只係緊緊咁攬住我
細細聲係我耳邊到講
最緊要你發生任何事都要同我講
然後輕輕咁鍚咗我一啖面豬仔
果一刻, 一切盡在不言中!
有時我都會諗點解做人咁辛苦架,但當過左之後,雨過天青又有另一種體會,所以只要唔好放棄就得架喇,最緊要蕭生又咁好,又咁SWEET,咩都抵番曬呀!!
回覆刪除[版主回覆02/08/2010 00:35:00]咪係囉.....通常唔開心過後, 又再為自己打氣, 又再積極番, 再望吓隔離的傻佬, 個心又自然開心番. 我真係無咗少爺唔得, 我太倚賴佢了. 而且佢真係對我太好, 太錫我了.
有阿榮鍚番便好了，我其實都遇到些相似的東西，唔諗起由自可，一諗起，想到自己的無力感，想到那些自己努力過也控制不到的事情，真的好唔開心，只可以叫自己盡量不要想。有許多事情我們遇到，解決不了，伴侶的心慰係好重要！想一想，阿榮不就是和你一起嗎？世上有這麼多事情我們控制不了，我們學習的就是要取捨和珍惜。
回覆刪除哭過以後，又再做番開心果啦~
[版主回覆02/08/2010 00:38:00]無錯呀, 每次都係, 真係有好多嘢我哋控制唔到, 為有學會珍惜, 感恩. 我都每次係咁諗, 只要自己的愛人係身邊, 我咩都唔驚, 咩都可以克服到的. 真係...伴侶真係好重要.
你都好丫~ 仲有少爺撐住你!
回覆刪除有時, 當我好攰0既時間, 我都好想身邊有個人可以和我分擔一下; 晚上天寒地凍0既時候, 都想身邊有個人可以取暖........
你已經好幸運了~.~
[版主回覆02/13/2010 00:08:00]我都知我係好幸運的, 我成日都感恩, 可以比我遇到少爺, 佢真係好好, 愛屋及烏, 係而家呢個時候, 實在好難搵. 所以有時屋企事唔開心, 望住少爺, 就覺得咩都唔怕, 因為有佢係我身邊, 幾難過的事, 我咩都唔驚.
見你呢個回應, 我覺得你真係好幸福喔~
回覆刪除希望你們能恩愛到老