2012年10月21日(星期日)
【深夜食堂煮婦同樂會第20話】調味醬炒麵
(相片用上Fleeting mode, 唔知点解覺得這款炒麵，有懷舊的感覺！！)
呢排依然係咁忙, 忙到無時間煮飯
我又要補交功課呀
今日少爺跟老爺返中山鄉吓
得番我一個人, 終於可以好好咁享受吓一個人的空間
上期19話的功課都未整
咁快又到20話鳥...
yeah, 難得放假, 又沒事做, 一於今日瞓醒就做這個
調味醬炒麵作為我的一人下午茶
又可以順便交到功課...
其實這個調味醬炒麵
以前蕭c奶都間唔時會煮
因為又容易又好味
配料自由度高
鐘意配咩都得
其實只要你雪櫃有咩係用剩少少
放入去炒埋一齊, 就可以成為好豐富的麵食
材料:
豬肉片 約30g
高麗菜絲/椰菜 隨意
紅蘿蔔絲 隨意
豆芽菜 少許 (我沒有用, 因為我不太愛芽菜)
袋裝日式炒麵 1個
蛋 1隻
青海苔(紫菜碎) 少許
紅薑 隨意 (我沒有加, 因為我一向都不吃薑的)
調味料:
料理酒
黑胡椒碎/胡椒粉
做法:
1. 依序放入紅蘿蔔絲, 高麗菜絲/椰菜, 豆芽菜炒軟, 以鹽, 黑胡椒碎/胡椒粉調味後,
盛起備用.
2. 鍋加入少許油, 放入豬肉片以中火炒至變色後放入麵條, 炒時可加少許水,
比較容易把麵炒開.
3. 放入先炒好的青菜後, 先放少許酒再加入調味醬拌炒勻.
4. 最後盛盤, 放上另煎好的半熟荷包蛋, 青海苔及紅薑, 完成.
在深夜食堂書中, 提及到:
袋裝炒麵為何是三包一組?
簡單在此講吓, 炒麵在很久前巳是三包一組. 定位客層是父母和小孩的三至四人家庭. 但因為四這個數字實在不太吉利, 所以就一直是保持住三包一組了.
實在太太太好了....
下個月香港sogo有得買粉紅系列啊...
原本十月台灣有得買, 巳hold了機票飛去台北
可惜最後因為老爺那邊屋企有事
所以取消了
剛剛收到其他blog友的post
得知香港有啊....wow...可以用原本旅費的一半來買嗎? 哈哈...
看看blog友的詳細資料啦..:
http://blog.yahoo.com/atrencherman/articles/702358
謝謝blog 友 Daphne 的分享.
2012年10月16日(星期二)
其實蕭c奶一直都好想學整麵包
只係沒有時間, 又沒有好的工具
而且一直都好想學做歐式的麵包
聽好多blog友講
levain bakery 好出名咁喎...
最近有團購, $338二人價錢
就約咗三位好朋友仔一齊去玩吓囉
(另一位不願意跟我們出鏡喎.... ==)
今次會做兩款包包 -
天然酵母鄉村麵包 及 天然酵母鄉村合桃提子麵包
其實都係一個麵包啫, 只係一個係原味, 一個係加入合桃及提子 ^^
由7點到10點
導師開始講吓天然酵母點做!!
oh...都幾麻煩, 又要用時間, 又要分幾個階段,
蕭c奶真係實在覺得出去買, 都真係唔貴
無化學成份的...原來真係要付出時間心機
睇怕到我唔駛做先啦
經過一輪搓麵團
出盡九牛二虎之力
終於都出爐了....哈哈....
即時食真係好脆好軟
返到屋企, 諗住快手點切件先....
嘻…用菜刀切歐陸式包包 (crossover)，好型吓囉！：p
— 查實係因為我沒有正規的麵包刀：)
最近因為工作超忙
所以今晚難得可以跟好友們一超見見面
一起笑吓咁去學嘢
輕鬆咗一晚都唔錯呀...
感謝好友們陪我一起玩啊...
2012年10月14日(星期日)
【深夜食堂煮婦同樂會第18話】玉子燒又係時候要追趕一下功課了
依然係每天工作九點到晚上八九點左右
所以簡直係攰到嘔, 真係攰到無咩時間煮飯仔
日做夜做, 本來以為這個玉子燒可以早幾天追番
今天可以做19話的課題
只可惜星期六日也有節目
我也是趁今天出街前, 做了這個玉子燒咋
如果唔係...邊有得交呀.
但係我的19話課題..............又要等吓....
假日午餐：玉子燒配素xo醬烏冬 ：)
今天午餐就來個清淡一點吧!!!
素xo醬是我做義工的中心自家製的
超級美味啊...配湯麵一流...^^
玉子燒, 好耐之前有睇開鬼嫁的blog, 所以一早都知個做法係點 (偷師...嘻...)
後來終於係12蚊店見到有得買個pan, 平平哋咪買嚟玩吓囉...
不過...我個人認為這個平平地的, 太淺了, 所以做玉子燒時, 未能得心應手囉...
(賴得就賴...kaka)
我
第一次做玉子燒，話難唔難，但話易也不易啊!
我做的卷得不夠靚, 好肉酸囉....><
我做得不夠好，要再接再勵先得，下次一定要成功！
其實心思思好想買番個靚啲的玉子燒pan,
我心仍住仍住我做得唔靚, 係因為個pan囉...
做這個玉子燒, 其實都幾好玩,
而且玉子燒都可以有好多變化
你可以隨意加入各式各樣的材料
例如: 蔥花, 紫菜, 火腿粒, 蟹籽等等
就會做出很多不同的味道嫁
【深夜食堂大家齊來煮】
這星期大家的作品長怎樣呢？ 來看看吧！
鬼嫁
Helen的方太小廚
阿咪
Little Jessie 生活日誌
肥師小學龜
the-bird blog
OL醉愛廚房
春卷 Harumaki Gyuniku
噹噹
WongC9
Mrs. Horse
Kennis' Kitchen
Sally Ho 莎莉豪
:+:+:涼粉子:+:+:
Jo 姐姐
芝士
rose-mag 李太豬扒妹生活日記
cat meow
2012年10月7日(星期日)
假日晚餐： 南瓜排骨煲仔飯：)
第一次用LC鍋做煲仔飯，差小小，多了点水，飯不夠乾身
啊，
南瓜排骨就好好味，有了這次經驗，下次再試做先！
而家先有時間寫番敗物post
原來要買到好嘢, 真係要付出時間
好幸運有你哋呢班煮婦們的幫手
我先可以買到特別色
而且今次我的目標係買細鍋
happy呀..
仲要有埋花花鍋添..
真係全靠你們, 我才能擁有它們啊...
隔多幾天, lc有粉紅焗盤, 但係甘橋我的爸爸入了e院,
我就跟本無可能買到,
真係好彩煮婦們的幫手, 幫我買咗一個, 超感動超感激大家!!
