羽毛球

 

2010年7月13日(星期二)

 

踏入7月, 蕭c奶定了從這個月開始

要做運動keep fit

因為希望帶動到少爺一齊做運動

所以蕭c奶就book了每星期都有一天

打羽毛球啊...

 

朋友仔'小恩子' 知道後

想和她的honey一齊跟我們打

嘩...頂好啊...

一來有伴, 二來可以分擔吓book場費嘛

 

其實我好想一星期打兩次

不過真係好難book啊

成日都full

 

嗯....真係好呀, 可以做運動啊...

一定要努力keep住打

要堅持, 加油...

 

豉汁蒜蓉蒸鎗魚(內附食譜)

 

2010年7月12日(星期一)

 

續上一篇, 節瓜茶樹菇炆排骨(內附食譜)

 

今晚好豐富, 除了炆節瓜外

還買來了一條新鮮鎗魚

因為鄰居曾太在街市買魚

所以這條魚只收蕭c奶20元啊....

仲要係大大條, 又生猛

曾太好好, 成日都賣好平比我...

豉汁蒜蓉蒸鎗魚

 

材料:  鎗魚一條, 豆豉及蒜蓉 適量

辣椒 適量，

（可除腥味，但唔食得辣的可以不加。）

 

調味料:  豆豉及蒜蓉加入少許糖及生抽, 撈勻及壓爛

(切忌生抽只需要少量, 因為太多生抽, 蒸出來後

會蒸出太多生抽水, 就會不好味)

 

做法:

(1) 魚臨食前才洗淨, 這樣蒸出來的魚才有鮮味

洗淨後, 抺乾, 把調味料均衡鋪在魚上面,

大火蒸8至10分鐘, 即可.

 

 

節瓜茶樹菇炆排骨(內附食譜)

 

2010年7月12日(星期一)

 

 

天氣真係好熱啊...

原本又係因為天氣熱, 再加上好攰, 唔想煮飯嫁

不過...諗起出去食, 又唔知食咩

算啦...辛苦啲, 都係自己煮啦

 

突然好想食節瓜

呢味餸我都係第一次炆嫁咋...

又幾好味啊...嘻嘻, 又自己讚自己了

今晚打過電話比媽咪

問媽咪今晚煮咩餸???

呵呵呵....我哋倆母女真係心靈相通啊

都係煮節瓜炆排骨喎

真係橋了...

 

節瓜茶樹菇炆排骨

 

材料:  節瓜 2條, 排骨  15至20蚊, 冬菇  6隻

茶樹菇    適量,   竹笙  適量,  蒜蓉, 薑 數片

 

調味料:  蠔油, 生抽, 老抽, 水

 

準備工夫: 

排骨用薑汁, 紹酒, 生抽, 生粉, 糖醃一會, 備用

節瓜去皮, 切件備用

冬菇浸軟後, 加入少許生抽及糖醃一會, 備用

竹笙浸軟, 切去頭尾, 備用

 

做法:

(1) 起鑊加入油, 先爆香排骨一會, 盛起備用

(2) 起鑊加入油, 爆香薑片及蒜蓉, 加入冬菇及茶樹菇爆香,

再加入節瓜炒一會

(3) 加入調味料加蓋片刻, 待汁料滾後, 加入排骨及竹笙

一同炆煮, 煮至節瓜及排骨轉腍後, 加入蔥段炒一會, 即成.

 

** 茶樹菇及竹笙可以不加，以上材料可以自行搭配啊。

 

同場加映

豉汁蒜蓉蒸鎗魚

我的第一個口金包·手作仔

 

俄羅斯BB口金包

 

2010年7月3日（星期六）

 

有睇開蕭C奶的BLOG的朋友仔

都知道蕭C奶

想找一點與趣來培養一下

自己的脾氣及耐性

千擇萬擇，終於找到了學‘針子’

 

這天是蕭C奶人生中用針線用得最耐的一次了

其實同學們都在這天能夠完成這個口金包

而蕭C奶嘛。。。當然實在手腳太慢了

差一點點的要在回家才能完成啊

還有。。我的第一個作品

實在太粗劣啦。。嘻嘻

希望日後有所進步啦。

 

幸得導師JI JA 及 CANDY的悉心指導

以及好友‘經理’及身邊的同學仔

不嫌我麻煩及笨手

幫忙我這位一點點針子都不懂的笨女子

在此謝謝各位啊。。。

 

 

從這個親手做的第一個口金包

的而且確可以訓練我的耐性及脾氣

因為每一針都要很用心及耐性才能完成

希望我能夠有所改善吧！

 

我的第一個口金包

當然要送給我至愛的媽媽

我想媽媽收到應該會很驚訝吧

因為媽媽一向都知道我這位女兒一點的針線基礎也沒有啊

由細到大，媽媽都對我愛護有加

任何關於針線的，都是由媽媽幫我做的

這次我親手成功用針線而做出的製成品

這個非常有意義，當我一邊鏠製時

心想。。成功後，第一個作品，

一定是送給我的媽媽。

感謝她一直以來的愛護！

 

裝修進度@浴室都攪掂了...

 

2010年7月3日(星期六)

 

睇完廚房之後..

就到浴室了

浴室門入口位改細咗

而且仲整咗隱形門

所謂隠形門即係係外面望落去

無門框的, 如果有埋主題呀

就正呀....有門都唔知呀...

不過..我哋梗係唔會花咁多錢啦...

 

對門係少爺最想做得好的

未成形時, 見到真係好擔心

因為好驚做唔到

但係而家做咗出嚟....

我哋都好滿意呀...

只要自己加啲心思

應該會好靚的

推門而進....嘩....蕭c奶見到個鏡櫃及地櫃

覺得好靚啊...因為都係果句啦

初時又係好擔心, 又驚自己的設計同做咗出嚟

係兩回事

but而家...好滿意啊...

簡簡單單...蕭c奶覺得好ok呀...

一邊係做鏡櫃, 一邊做磨紗玻璃櫃

鏡櫃唔到做頂, 係因為要顧及到打開鏡櫃時

鏡櫃門會因為浴室燈而打唔開

所以要預位置

鏡櫃的空間, 我同少爺初步會用作擺放裝飾品啊...

浴室門.....入面麻麻地靚嫁咋..

不過...浴室啫...仲要係入面...是但啦....

都係果句啦....一分錢一分貨呀...哈哈.

鏡櫃兩邊都可以打開

咁高身, 我可以將我的所有護膚品及化妝品

放哂入嚟了....我啲護膚品及化妝品

終於有個好地方, 可以統一咁放埋一齊了

至於磨紗玻璃櫃, 比起鏡櫃深多2吋啫

呢邊打算放啲日用品....

 

洗手盆隔離仲有咁多的位

又可以埋到少少嘢了....都幾實用喎

呢個斜角位....係我設計嫁...因為咁樣可以令到

企缸位及地櫃視覺上及實際上無咁迫..

少爺都讚我設計得好...哈哈..

咁我自己都好滿意啊

 

浴室的地櫃, 蕭c奶依然用上木色系列

浴室地櫃的這款顏色都好靚

做了出來, 梗加靚啊....

比起廚房的再淺色一點

廚房的始終比較多油煙

所以用上深一度的木色比較適宜

嗯...好滿意好滿意

新居又埋向一大步了...

 

裝修進度@廚櫃巳裝好了...

 

2010年7月3日(星期六)

 

今日又嚟新居走一趟了

嘩....隔咗幾日啫...

個廚房啲櫃裝好了喎...

而...連煮食爐背後的不锈鋼板都安好了喎

上面的廚房吊櫃都裝咗了....

都幾靚仔喎...嘻嘻

至於煮食爐下面的櫃桶都裝埋了

裝完望落去都幾好呀...

我好滿意呀

做咗假天花

有兩個燈, 都算幾光猛

 

其實手工就唔係好靚嫁了

不過一分錢一分貨

佢又收得唔係好貴

我同少爺都覺得滿意的

亦都對自己所擇的顏色好滿意啊...

手信@工幹

 

2010年6月份, 少爺出走了兩次

因為少爺最近的project都係台灣

所以就要同同事一齊去台灣的公司了

我當然唔少得要迫令少爺買手信過我啦....哈哈

(但其實佢唔買都無所謂嫁,

我專登要佢買之嘛...我要佢記住我之嘛...)

 

一啲浪漫都無嫁...少爺...

第一次去, 就買咗兩盒麵線返嚟

雖然就唔似人哋咁, 應該買啲咩手鍊呀

頸鍊呀, 介指呀, 裝飾品呀...

但都算佢啦, 知我鐘意粉麵

咁都算你啦....

 

到咗第二次出走

今次有啲進步喎, 有啲驚喜喎....

原來少爺好想食啲涼拌菜

佢去書局時, 見到呢本幾正咁

加上佢又知我好鐘意買啲烹飪書

所以就買下來, 送給我作為手信啊..

 

唔知我會幾時有心機嘗試做啲涼拌菜過少爺嘆吓呢???

 

希望少爺keep住每次出trip

都記得買嘢過我啦....

我係一隻貪心豬啊...