剛結完婚,搬咗去天水圍到住,啲好朋友又話想嚟新屋到坐兼且話我好耐無攪大食會了,咁就攪啦....
（1）法式蕃茄沙律伴野莓油醋汁
（2）周打蠔湯
（3）煙肉迷迭香雞柳伴黑醋汁
（4）焗香辣雞翼
（5）韓式豬肋骨
（6）茄汁焗肉蟹
（7）牛奶芝士焗大蝦
（8）鮮蜆意大利粉
（9）沙甸魚菜粒炒飯
（10）3款甜品
2007年8月10日 星期五
蘋果雪梨煲生魚湯
我很喜歡用一些生津止渴的生果來做湯水的材料, 貪其有滋潤的作用. 這次為大家介紹的湯水當中有生魚.....很多朋友都很怕煲魚湯,因為會有腥味. 現在等我這位靚太教大家煲一款又好飲又唔腥的魚湯啦!
其實秘訣是多放薑煎魚,煲湯時亦要放果皮. 生魚重一斤半左右最為理想,煲湯時先把魚煎至金黃,有助辟腥之外,魚肉亦不易煎爛,可令湯水可口.
材料:
蘋果及雪梨 每個1至2個(試乎大小)
生魚 1條
生薑 5片
果皮 2片
油 2湯匙
水 適量
做法:
(1) 蘋果及雪梨刨皮,去芯切塊.
(2) 生魚清洗乾淨,用廚房紙巾印去水份.
(3)於鑊中燒2湯匙油,放入薑片爆香.輕輕把魚放入,煎至兩面金黃色.
(4) 果皮浸軟.
(5) 先把水注入鍋中,加入所有材料, 開大火煮滾,後轉慢火煲2小時,便成.
** 把煎香的生魚先放入煲湯袋內再煲,可防止魚骨散於湯中, 咁就安全得多啦!
2007年8月9日 星期四
2007年8月8日 星期三
終於得到解脫,太好了
較早前我曾寫過一篇叫做'太在乎'的blog,當中講述我心中太在乎一位朋友,但是,前幾天,我發現了,其實當自己仍然很在乎她,心中仍然有這位朋友的位置時,我才發現原來她根本不在乎自己,而且她根本沒有當我是朋友,其實應該係佢根本連當我係普通朋友都無.但奇怪的是
,當我知道後,我問我自己,點解我無唔開心的
?點解我無嬲的
?點解我無覺得有之前個種'酸溜溜'的感覺呢?終於我明白到原來當你有日找到答案時,可以得到解脫的時候,呢種感覺,實在太舒服了,突然間成個輕鬆哂
,鬆咗一口氣.因為我終於睇清楚呢個人,睇清呢個人的問題,根本佢就唔值得我在乎佢,根本唔值得我個心成日諗住佢,既然我巳經知道及明白,唔通我仲會咁傻,我就當佢係朋友,但佢呢?當我係傻女呢? 都好,個心唔舒服咗咁多年,今日終於得到解脫了,好多謝上天對我咁好,比咗呢個機會我,可以睇到個答案,可以令我早啲解脫. 所以話呢好人真係有好報的. 而家的心情好好,以後我唔駛每次見到佢的時候,個心都好唔舒服,好酸,好唔開心咁了. 朋友,我相信只要自己真心對朋友,朋友一定會感受到的. 我覺得自己好幸運,因為我可以認識到好幾位真心的好好朋友,我一定會好好珍惜他們.希望我們可以做到永遠的朋友,真的可以做到'友誼永固'
.
最近忙咩呢?
嘩!最近十分忙碌,使我沒有時間寫blog呢?由於最近放工後,差不多每天都有其他活動,每天除了要工作外,放工後,有時會去羽毛球,有時又去學整麵包,又要陪老公去看牙醫,又約了朋友去學化妝,逛街等等.........一下子太多活動,令我沒有時間好好休息呢? 
最近忙到連我奶奶都唔得閒見同食飯,真不好呢?但幸運的是,我的老爺同奶奶都是開通的人,當然沒有怪我啦,反而他們還很關心我呢!我去學麵包嗰日,我老公咪返去食飯囉!講到學整麵包,唔錯呀,第一堂學咗芝士包及芝麻包,我從來都未整過麵包的,以為搓麵包好難的,但學咗一堂,到咗實習時,又不是想像中這麼難整的,而且整咗出來之後,好好味呀!!!!!好新鮮,好香,好鬆軟呢? 明天將會學第二堂,總共有三堂的.好好玩呢?
上星期六,去咗學化妝,都唔錯呀,因為我而家學識幫自己修輪廓,可以化得廋少少,而且還有其他的化妝技巧呢,玩吓都唔錯嫁!
嚟緊十二號,有朋友來我家大食會,這個星期當然忙準備大食會餐單的事啦!今次有成9樣嘢食同3款甜品囉!而且今次的甜品,我未整過,所以呢排食完飯後,我都先試整吓
,睇吓好唔好食及成唔成功囉!好認真嫁,我好專業嫁,所以呢排忙,係有原因的,但我好鐘意,好樂意做的!哈哈!
好了,今晚寫住啲瑣碎事先.ok.
2007年7月31日 星期二
太在乎
有時候太在乎一個人，其實是好還是壞呢？我想要看看那個人是誰吧！ 可能你會問，怎樣才算是在乎一個人呢？有沒有試過因為他/她的說話，態度，表情，所有關於他/她的，會令你心裡會很不舒服，甚至有種‘酸溜溜’的感覺，我在乎一個人的時候，就會有這樣的感覺。
直到目前為至，有一個人，我仍然很在乎她的所有事，從前我倆都是一對很要好的朋友，有說不完的話題，有共同的喜好，但不知從何時開始，她突然不理會我，不再告訴我她所有的事，漸漸變成了陌生人，大家都好像互不相干似的。那時的我，很不開心，很在意，我很想直接問她，我倆到底發生了甚麼事呢？我們之間是否有甚麼誤會呢？但是。。。。。直覺告訴我，她不想我問，她不會告訴我是甚麼原因。就這樣，當每次我倆見到面時，就像普通的朋友般，只會點頭，打招呼，再深入的話題，都不再有了。每次當我見到她時，心裡總會有種很‘酸’的感覺，其實心裡很難受，這麼多年了，我的心依然都是這樣，我不斷問自己，為甚麼會這樣呢？因為我太在乎這位朋友了。我曾經問過自己，有沒有做過一些傷害她的事呢？有沒有說過一些說話令她傷心呢？我的答案是：沒有。但為何，為何會這樣，我真的不知道，我只有同自己講，既然我倆的緣份到此，就不要再勉強了。唯一可以做的是：把以往我倆的快樂時光，埋藏在我
裡就好了。
雖然我知道我倆不會再像從前，但我不會忘記這位好朋友，她在我心裡永遠都是我的好朋友，謝謝她曾經與我一起成長,一起走過快樂
，悲傷的日子。願她往後生活快樂，一切平安！
2007年7月29日 星期日
父母
今日係星期日,好充實呢? 同老公睇完戲,我哋仲係樓下打咗一陣羽毛球呢?出咗一身汗,人都精神啲,都醒啲啦! 嘩!頭先睇個套'男兒本色',係港產片中都幾好睇,啲動作戲做得唔錯,有啲位睇到我好緊張呢? 我都幾鐘意睇呢一類的片.
現在很享往呢啲二人世界的生活,真係好sweet的,星期一至五都要返工,到咗weekend梗係想好好咁休息吓啦,訓到十一,二點,然後兩個人食吓嘢,係屋企到睇吓書,傾吓偈,真係好寫意嫁! 好彩我地兩個都唔係好鐘意出街的人,我哋兩個都鐘意留係家的人,有需要咪先去街囉,成日去都唔知去邊好呢? 而家我哋真係會花多啲時間係屋企,想多啲一齊,而且都會多啲時間返去奶奶同我媽咪到囉,因為我哋都認為家人真係好重要的,千萬不要忽略家人,而且要多啲關心佢哋,唔好話結咗婚,搬出去住就好似唔理佢哋,由其係父母,其實佢哋年紀大咗之後,佢哋好似細路仔咁,都係想有人關心同錫佢哋的,我哋多數一星期裡面有一日就返奶奶到,一日就會返阿媽咪到食飯,如果再有時間,有時weekend都會約佢哋飲茶,傾吓見吓囉! 唔錯嫁!
講起父母,我好唔鐘意有啲人,有事的時候就記得父母,但無事的時候.就連一個電話都無,唔關心父母,而且有啲仲會嫌棄佢哋,嫌佢哋囉唆,煩,但係其實佢哋有無諗過,當自己做咗人哋的父母時,自己的仔女都係咁對你,你會有咩感受呢? 其實有時佢哋囉唆係好的,你諗吓,有佢哋煩,囉唆即係話佢哋有氣有力,而家嫌佢哋,到咗第日,有事的時候,你想聽都聽唔到了,所以大家都要好好珍惜自己的父母了.
雖然我有時都會覺得媽咪好煩,但其實我都個心都好甜的,而且我覺得我媽咪真係好媽咪,佢好鬼可愛嫁,而且我覺得我媽咪好偉大,我都好想比最好的嘢佢,因為媽咪真係付出咗好多好多.希望我可以做到啦!
係到想同媽咪講句:媽媽, I Love U!
訂閱：
文章 (Atom)