２０１３情人節的祝褔

今天是情人節，　係到祝大家甜甜蜜蜜，　幸福快樂！

年廿九團年飯@得龍盆菜

話說奶奶今日突然好想吃盆菜

奶奶一句話想食, 做新抱仔的梗係要識做啦

但係....都有壓力嫁

因為奶奶有時都好有要求囉...

一於上網搵吓資料

剛好認識了BLOG友OL, 她的老公KC係一位評食家

(唔知係咪咁叫嫁..不過佢老公真係成日都食好嘢,

又上電視, 成日被食店邀請去試食喎....)

所以我又問吓OL有咩好介紹???

咁OL就話, 可以試吓有50年經營的'得龍大飯店的得龍盆菜'

咁我即刻去LOOK LOOK

嗯...都有好多食評話好味

我見個價錢都唔平呀, 過千

咁算啦, 一年一次, 又係自己人食

最重要係....老爺奶奶吃得開心

呢一點, 係用錢買唔到返嚟的

咁就一於試吓啦.








好彩.....當老爺奶奶品嘗時

都覺得得龍的盆菜味道做得好好

咁佢啲味都的確OK的

不過我自己可能比較吃慣淡口

所以都係認為略為濃味左啲

又咸咗啲啲

不過咁....吃得盆菜的, 都應該係要濃味的

所以呢個係我自己的問題

唔關得龍的問題

總括嚟講, 都有八分啦.

因為我都好怕之前吃過的盆菜, 好難吃.




老爺通常係一位比較含蓄的人

見到老爺讚話好味, 做新抱的都開心到屎

嘩....即刻無咗壓力了...

係...我係處女座, 所以都好要完美,

所以每次都真係好驚屋企人唔滿意嫁...嘻..

其實盆菜都幾貴, 所以我決定下年親自試吓做盆菜

奶奶聽到話: 吓...自己整, 咪好煩, 樣樣都少少..

其實樣樣都少少先好呀...

一於下年自家製, 做兩盆先....

一盆男家, 一盆女家...

【深夜食堂煮婦同樂會】 第33話 - 鹽漬鮭魚 (鹽麴三文魚)

【深夜食堂煮婦同樂會】 第33話 - 鹽漬鮭魚 (鹽麴三文魚)



依然係咁努力追吓功課先...

呢個鹽漬鮭魚, 基本上我一早就巳經好想試整

咪又係懶囉...又無心情囉...總之就多多籍口囉....嘻

其實鹽漬鮭魚係用鹽來醃製的

但早兩個多月前, 因為蕭C奶學人自製鹽麴,

咁上網見好多人話鹽麴好好, 比起只用鹽梗好味更香喎

咁我咪又玩吓囉...

其實係兩個多月前了....我都仲未寫製作鹽麴的BLOG...

(都係懶囉...無時間囉...)

出咗呢篇先啦, 咁我稍後就會寫番嫁了...







鹽漬鮭魚 (鹽麴三文魚)


材料:

三文魚     1片

鹽麴 / 粗鹽   適量


做法:

1.  三文魚洗淨, 抹乾, 用廚房抺紙吸乾水份.

2.   用鹽麴 / 粗鹽將三文魚兩面抺均, 再用保鮮紙醃一晚.

3.   取出醃了一晚的三文魚, 用焗爐 180度, 焗至兩面金黃色, 即成. 

   或者用煎PAN煎至兩面金黃色, 即成.


其實這道菜式, 實在很方便又容易呢?

而且經醃製過一晚的三文魚, 肉質變得厚實一點, 

而且味道會比平常的濃郁一點啊...

而我用了鹽麴來醃, 就會有種淡淡酒香味啊...

大家不妨也試試啊...

蘿蔔糕食譜

材料:

粘米粉   600克 (一包)

粟粉   4湯匙

蒜頭   數粒

蔥   適量

鹽   適量, 我是自行調較的 (但大約1-1.5湯匙)

胡椒粉    適量, 我是自行調較的

雞粉   適量,我是自行調較的

冰糖   少許, 也是自行調較的

臘腸, 蝦米, 瑤柱, 臘肉   隨意,  但不要太多, 個人認為太多, 吃時只有餡,而沒有蘿蔔味

白蘿蔔 6斤至7斤  (我做法是一半刨絲, 一半切條, 咁就有蘿蔔口感)

水     24安士  
 
(當中可以是純水, 但是我就會用煮蘿蔔時出的水, 加埋浸瑤柱, 蝦米的水, 唔夠先加純水份)


準備工夫:

1.  先將 蝦米, 瑤柱用水沖一沖, 然後分別用水浸軟, 浸過的水保留.

2.   蝦米浸軟, 切粒, 備用.   瑤柱拆絲, 備用.

3.  蒜頭切超幼細粒.

4.  臘腸切粒, 備用.    臘肉用出一出水, 去肥及容易切. 
  我就會切去肥的部份, 把肉的部份切粒, 備用.

5.  白蘿蔔, 刨絲, 切條, 刨出的蘿蔔水留起啊...

6. 蔥要切蔥花, 備用.


做法:

1.  起鑊, 加少許油, 爆香蒜粒, 加入蝦米, 臘腸, 臘肉, 瑤柱爆香至出油,

加入少許酒及豉油炒香. 盛起, 備用.

我會留番少許來作糕面裝飾, 這個動作可做可不做的.

2.  原鑊, 不用清洗, 加入蘿蔔炒至軟身, 變透明, 這時加入調味料,
 
即係鹽, 雞粉, 冰糖, 胡椒粉調味,   自行調較到喜歡的味道啊....

3.  調味好後, 加入巳爆香的饀料炒勻.  關火, 備用.

4.  將粘米粉, 粟粉加入24安士的水開成糊狀, 
 
(可以加入少許麻油, 胡椒粉, 生抽, 鹽, 但我沒有加的, 我比較愛淡口,
而且也覺得不要太過咸呢)

** 記著, 24安士的水, 除了是純水外, 我係巳包含了浸蝦米的水及瑤柱的水, 以及刨蘿蔔出來的水而混合而成的啊...

5.  將巳混合好的粉槳加入步驟3內撈勻. 

**  記著, 一定要撈勻啊...如果覺得太水, 可以加少許少許粟粉, 但要少許咋...

6.  糕盤塗油, 把混合好的蘿蔔粉槳倒入糕盤內, 每次倒入時要輕輕壓實,
  咁樣底糕就唔會咁易鬆散.

7.  臨蒸前, 每底糕面可以加入巳炒過的饀料做裝飾,   大火隔水蒸50分鐘.  

中途要不時加水啊...

8.  蒸好後, 灑上蔥花, 完成.   一定要底糕放涼哂, 才可放入雪櫃啊...



咁第二日就可以切件去煎, 或煮用XO醬來炒, 又或者蒸完加好少好少豉油來吃啊....

心心蒸糕BELL

上星期第一次自己試做蘿蔔糕

之前係lc開倉時, 買咗一set心心

都未用過....

嘻嘻....一於用嚟蒸糕兼可以試食第一次的出品呢...










如果唔好食, 都好睇喎....kaka






都好多蘿蔔絲嫁, 因為我全部都刨咗絲, 不過今次第一次落糖落多咗, 比較甜咗少少.  

有咗經驗, 我下次會識得份量了...





雖然不是粉紅系列, 但係這set粉黃粉綠, 也很漂亮呢....^^

蒸糕BELL

今年終於學識咗做蘿蔔糕

超愛整....哈哈...

原本放三天假, 用來做糕...

可是最終敵不過病魔

感冒了...

昨天病住都做了一些

最後太攰, 四點收爐

昨天就只有做了以下的小小啊...









幸好有這個蒸爐, 可以一次過蒸六個小盒

慳時間, 慳煤氣啊...

快手好多呢...

【深夜食堂煮婦同樂會第35話】稻荷壽司

【深夜食堂煮婦同樂會第35話】稻荷壽司  (腐皮壽司)


話咁快又到三十幾話了
最近經常逃課....

這個實在太容易
今天放了下午假
病病地, 無心機做蒸糕BELL
唯有追吓功課啦
其他成員都好勤力
所以我一定要努力追呀追呀...^^


在日式超市, 可以買到有甜味的豆腐皮
做法只需要煲一煲日本米飯
 飯好後,加入壽司醋, 可以加入少許芝麻拌勻,
然後把飯團釀入豆腐皮內, 完成.








原來腐皮壽司有一個咁好聽的名，点解叫稻荷壽司？？

原來是因為日本的稻荷神社，神社的守護獸是狐狸，

而傳說狐狸愛吃油豆腐，所以用豆腐皮包裹飯來供奉狐狸大神，

所以就出現了這款壽司了!