深夜食堂主婦同樂會第9話之酒蒸蛤蜊(內附食譜)

深夜食堂之酒蒸蛤蜊



嘻...這次太好了, 上個月就剛好做過深夜食堂的煮法

所以這個星期的題目, 一早就可以完成. 

咁呢個星期就可以輕輕鬆鬆咁交功課了...呵....


2012年7月21日(星期六)

少爺星期六跟同事去了東涌摸蜆啊...

拿左最大嗰隻同嗰兩蚊銀做對比，差幾遠!!





當日少爺跟同事的成果，大家都好努力!!!




本我都好想去, 但係一早就包咗堂去學整熊貓方包

所以大家各自各精采啊...嘻嘻


因為學熊貓方包都學到晚上七時

又約了兩位好友完堂後一起吃飯啊....

所以少爺就話破例一次

今晚一定要留肚吃宵夜啊...


其實少爺一直都好想煮清酒煮蜆

因為佢睇完深夜食堂後, 話好EASY喎...

講咗無數次, 今晚少爺可以一嘗大廚的滋味了...



酒蒸蛤蜊/清酒煮蜆中......




酒蒸蛤蜊/清酒煮蜆...食譜

材料:  花甲/蜆/蛤蜊

  蒜茸及辣椒, 切碎, 辣椒用了一只, 要去核啊...

  清酒

 牛油

  日本醬油  
 
 蔥花

做法:  

1.  花甲/蜆/蛤蜊, 先放水中吐沙,大約一小時左右, 盛起備用.

2.  起鍋加熱, 加入很少很少的油, 爆香蒜茸及辣椒碎.

3.  然後加入花甲/蜆, 炒呀炒...

4.   加入清酒, 然後蓋上蓋煮焗至花甲開口

5.  開口後, 加入牛油, 炒呀炒, 拌勻後, 加入少許日本醬油, 拌勻,

   隨手加入蔥花, 炒勻, 完成!!


就是這麼的簡單啊.....







自己摸的蜆, 真的很鮮甜,
食譜中加入了牛油,
增加了吃時的味道,
再加上有少許辣及清酒,
十分美味啊...





看看其他成員的作品啊..:

偽主婦


為食二人組組圓




噹噹




玻璃朱城




OL醉愛廚房




Helen 的方家小廚




Sally Ho 莎莉豪




KaKa@Serendipity





Jo 姐姐




Mrs. Horse




Sugarmama 





芝士




鬼嫁




流小妹




黃金太太的廚房事




阿咪
 

椰菜田雞煲-自創菜式

椰菜田雞煲-自創菜式





嘻...好多朋友仔都知道蕭c奶好鐘意食 '田雞'

真係好好食嫁...

最開心係...連少爺都好like, 實在太太太好了....

田雞的菜式, 我都好多配搭嫁

今次就用棷菜啦...

材料:

田雞   4至5隻
棷菜   一個
蔥段
蒜茸


做法:

(1)  田雞在魚檔劏好後, 回家用鹽刷洗田雞, 之後斬件,
  用豉油, 糖, 麻油, 酒, 胡椒粉, 黑胡椒醃半小時, 備用.




(2)  棷菜洗淨, 切件, 備用.

(3)  先要爆田雞, 所以開一個鍋, 加熱後, 放入油, 先將田雞爆香, 炒至7成熟, 盛起, 備用.





(4) 再開鍋, 加熱, 爆香蒜茸,  炒棷菜至6 成熟時, 加入少許鹽炒一會,
  然後加入巳炒至7 成的田雞.

(5)  炒呀炒, 蓋上蓋焗一會, 加入蔥段再焗至田雞全熟, 即成.

因為今次我用咗lock & lock的鍋, 所以成煲上, 好正呀....








其實有時候同一食材, 真係可以變出無數的菜式

只要你肯動動腦筋, 花點心思, 又敢於嘗試的話

你會發現, 烹飪真係有好多樂趣嫁....

深夜食堂主婦同樂會第1話之馬鈴薯燉肉(內附食譜)

2012年8月2日(星期四)



是曰晚餐： 深夜食堂之馬鈴薯燉肉 ~~

豐富到暈呀! (為18cm LC 鍋剪彩^^)





一直都好想追番之前同樂會的頭幾款菜式
一於今日就煮這個馬鈴薯燉肉
食譜做法, 參考了鬼嫁小姐的
跟著做, 十分EASY, 只是要花小小時間
把材料切及洗啫...

這個菜式, 簡直用來宴客, 超正.
如果冬天, 有GAS 爐, 還可以自行煮好湯底
成煲放上GAS 爐, 一邊自行放牛肉片
嘩...爽呀...就像打邊邊一樣FEEL啊...

材料 :

火鍋用肥牛薄片  半磅

甘荀     2條  (切件)

薯仔     1大個  (切件)

洋蔥  1個 (切件)

蒟蒻絲 / 蒟蒻磚    1包  (如用磚請切件)
蔥花   適量

調味：

鰹魚汁 少許

水   適量

日本豉油(醤油)　　2 湯匙

味醂　　2 湯匙

料理酒（清酒）  2 湯匙

砂糖     1 湯日匙

做法：

(1) 鍋加入水及鰹魚汁, 煲滾

(2) 鰹魚水煲滾後, 加入薯仔及甘荀 ， 滾起加蓋轉小火煲8分鐘

(3) 8分鐘後, 加入洋蔥, 拌勻, 煮5分鐘左右

(4) 開蓋加入醤油、味醂、料理酒、砂糖和蒟蒻絲拌勻,
滾起加蓋轉小火煲12分鐘
 
(5) 開蓋加入牛肉片, 一片一片鋪在面上, 以防痴在一起啊..

(6)  待它滾一會, 用筷子把牛肉片拌勻數秒, 這時牛肉還未熟透, 有粉紅色的.

(7)  快手加入蔥花, 大火滾起，立即熄火加蓋焗2分鐘左右.

(8)  成煲上枱, 打開蓋, 牛肉片剛剛好不會太熟也不會太生.  可以享用!!

小貼士：

牛肉片好快熟，小心不要煮太久, 要自行控制, 執生啊...:P

蒟蒻絲 / 蒟蒻磚 
   
原本想買一件一磚磚的, 哈..平時唔買又大把,
一想要, 我去咗兩間超市, 居然都無貨.  所以最後見佢有這款, 都要買啦...

 

這個就是日本蒟蒻, 在日式超市的凍櫃有售啊...

原本就是想買番用開的這些一磚磚的...

鬼嫁作品





偽主婦ki琪的馬鈴薯燉肉

Helen 的方家小廚

英國的Viviana的馬鈴薯燉肉

噹噹blog的馬鈴薯燉肉

OL醉愛廚房的馬鈴薯燉肉

Jo Lam




Mrs Bear

雙鍋煮意：深夜食堂系列之日式馬鈴薯燉肉及椰菜田雞煲

2012年8月2日(星期四)


深夜食堂系列之日式馬鈴薯燉肉 及 椰菜田雞煲





最近少爺工作忙到頭暈暈, 又比啲"口靚"激親

加上又要日日遲收工

所以作為少爺背後的女人

工作上我幫不了

那我就唯有煮多點好東西給少爺品嘗

等少爺返到屋企

係最RELAX的



最近迷上了深夜食堂的菜式

這個馬鈴薯燉肉, 一直都很想試做, 可惜沒有時間

嘻.....返正有18CM的LC鍋

當然要為它剪彩啦...

所以一早就諗定今晚煮咩LU...


E..．．得一味餸．．．
蕭Ｃ奶點會咁少餸呀．．ＫＡＫＡ
加上我哋倆公婆都要帶飯啊.．

所以.．．見好耐無煮田雞喎．．．
突然好想食
好.．一於買幾隻田雞嚟炒棷菜


馬鈴薯燉肉(食譜)
http://blog.yahoo.com/jobechan/articles/594959





而家開始寫番ＢＬＯＧ，
睇嚟我要攞番部５００Ｄ出嚟影番啲靚相

係呀．．．我會寫番個食譜出嚟嫁．．．
下個會ＰＯＳＴ嫁了.．

 

 

 

 

 

三色翠玉瓜配黑醋汁 及 西班牙腸雜菜蝦碌螺絲粉 (附食譜)

2012年8月1日(星期三)


是日晚餐： 三色翠玉瓜配黑醋汁

  及

西班牙腸雜菜蝦碌螺絲粉





因為呢兩日都開咗ot, 都無去買餸喎,

不過好彩之前買咗幾隻彩椒, 蕃茄, 洋蔥, 有翠玉瓜

雪櫃又有蝦碌, 又有包螺絲粉

加上屋企仲有芝士...嘻嘻....

再加上早前係rachel到買咗pack 西班牙腸

好...蕭c奶最叻就係....^^ 雪櫃見乜用乜....wakaka...

煮飯仔最好玩莫過於自行配搭又得

跟住食譜煮又得

呢啲咪叫做 "創意" 囉....kaka...

蕭c奶及少爺每餐都必定要有蔬菜類啊...

e...今日就整番個沙律菜食吓先...

而西班牙腸即食都得, 但係煎吓佢會香口啲...嘻....

所以先將西班牙腸及翠玉瓜都略為煎一煎

三色椒也擇了幾件來煎一煎

用作做沙律之用...




FOR 4至5人份量

材料:

螺絲粉 一包

蒜茸     切碎

洋蔥 1 個 (切絲)

三色椒   4個 (切件)

蕃茄   2個 (切件)

急凍蝦碌    12隻

西班牙腸 半條 (切件)

芝士碎 適量


做法:

**  用grill pan把西班牙腸略為煎一煎, 這樣西班牙腸 會惹味.

(1)  用一鍋, 加入水, 鹽及少許油, 水滾加入螺絲粉, 灼9分鐘左右. 隔起水粉盛起備用.

(2) 燒熱鍋, 加少許油, 先爆香蒜茸及洋蔥.

(3) 跟住再加入三色椒, 炒呀炒.

(4) 再加入蕃茄, 炒呀炒.

(5) 再再加入螺絲粉及蕃茄醬,  炒呀炒...

(6) 再再再加入蝦碌, 黑胡椒炒勻

(7) 然後再加入芝碎, 炒勻, 試味, 完成.

(8) 盛起螺絲粉後, 然後最後加入西班牙腸 在面的上面.  即可.







三色翠玉瓜配黑醋汁


材料:

三色椒 及  翠玉瓜  (自己喜歡食幾多就整幾多, ok)

黑醋沙律汁:

黑醋 , 乾香草,  橄欖油 , 黑胡椒   (自行調較至喜愛的味道)


做法:

只需要將三色椒及翠玉瓜用grill pan煎一煎, 煎時加入黑胡椒於兩面.

盛起, 加入黑醋沙律汁, 拌勻, 咁就食得嫁了....




係咪好easy呢, 其實真係只要動吓腦筋

咁就可以煮到又簡單又好美味的菜式啊...

各位朋友仔, 努力啊....

蕭c奶都好努力咁學煮煮煮...

亦都好努力咁向其他blog友仔學習烹飪

希望每天都可以煮到不同款式的菜式給少爺