梅子蒸排骨
這個餸蕭c奶最喜愛的
因為愛它酸酸哋夠開胃
也是蕭c奶的其中一個拿手菜
就算是蕭c奶的哥哥也甘拜其下
因為蕭c奶的哥哥是一位廚師啊....
終於都有一樣餸係叻過我阿哥了...嘻嘻
哥哥有次叫我整, 我整咗出嚟,
佢一試味, 都話點解咁好味, 點解佢整唔到呢個味道喎???
呵呵...無解...每個人總有他的拿手正餸吧...
當然..那刻..蕭c奶勁飄飄然啦..
無計...咁多年嚟, 未試過叻過我呢個廚師哥哥嫁..
就連佢個仔, 即係我侄仔, 都話呢味餸係姑姐先整得好食囉..
講咗半篇認叻的嘢, 轉番入正題
其實一直都唔想post個食譜
不過有幾位blog友及朋友, 都有問
咁我蕭c奶又唔忍心咁自私啦...
好...既然有朋友咁識欣賞我呢味餸
就公諸同好啦...
材料:
排骨 25至30元
蔥 切粒, 變蔥花, 分成兩份
麵豉 2包仔 (通常2蚊一包仔)
酸梅 3至4粒 (壓爛)
調味料:
油 少許
糖 少許
豉油 少許
紹酒 少許
做法:
將以上調味料加入一半的蔥花, 麵豉 ,酸梅攪勻
直接將以下的調味醬, 加入排骨撈勻
蒸十五分鐘左右, 臨最後一份鐘左右, 再加入剩餘的蔥花,蒸到夠鐘
即成....
** 其實每個人的口味都各不同, 我覺得自己呢個梅子蒸排骨,
好好味, 個酸度, 咸度都好啱我口味, 所以自認好正囉..
但唔知啱唔啱大家嫁...ok. 但都係到好開心可以分享比你哋,
希望你哋都覺得好味啦....如果你地覺得一般,
咁即係話你哋仲未夠班囉...wakaka...
豉汁蒸排骨
材料：
腩排$25
薑蓉 1 茶匙
蒜蓉 2 湯匙
豆豉 2 湯匙
油、糖、老抽、生粉(可用可不用)各 1 茶匙
生抽、蔥花各 1 湯匙
鹽少許、紹酒 少許
材料: (2人份量)
碎牛肉-- -2磅 (用適量鹽及黑胡椒粉醃好, 搓成肉丸)
意粉--- 2 人份量
鹽---適量
黑胡椒粗粒---適量
洋葱---半個(切粒)
蕃茄---1個(切粒)
Tomatoes & Basil Sauce---1 樽
Parsley Flakes---適量
1. 煲一煲水, 水滾後放入意大利粉及加鹽攪勻, 熄火蓋蓋焗(約8分鐘)至意大利粉熟透, 撈起, 上碟備用
2. 燒紅個Pan, 加入橄欖油, 加入肉丸煎一煎, 煎好後加少少水(約1/2杯)蓋蓋焗止收水, 而此時肉丸中心應該都熟透, 熄火及鋪上意大利粉上備用
3. 燒紅個Pan, 加入橄欖油, 炒香洋葱粒, 加入蕃茄粒炒一炒; 再加入Tomatoes & Basil Sauce, 兜勻, 熄火
終於都病了..
今天沒有返工, 在家好好休息
今早十二點, 我還在床上休息時
突然聽到開門聲....
oh...原來是親愛的媽媽到來
為的是知道寶貝女病了
遠遠的送來了她的'愛心粥'.
oh...媽媽永遠都是這麼好的...
能夠吃著媽媽的'愛心粥',
感動, 幸福, 開心...
媽媽, 你是最好的. 我愛你!
預計4月中和少爺到日本東京旅遊.
昨天因為放了假, 去了一整天海洋公園, 所以全日都不知日本地震一事. 直到昨天不斷收到朋友的電話, 我感動了, 因為她們都很關心我去日本的事, 有的不記得我是3月定4月去日本, 對不起, 讓你們擔心了, 謝謝關心, 感激萬分!
我和少爺的日本之旅, 訂了4月中才出發, 地點是東京+箱根, 距離出發還有一個月左右, 我想要看看日後的最新報導, 我想現在agent都不能告訢我甚麼啊...但請放心, 若果不安全的, 我和少爺會另作安排啊...
在此祝福日本平安大吉!
我會每日都留意日本的情況
朋友carey比我還慘啊...因為她是今個月23日出發到東京啊...她現在還不知會繼續, 還是取消啊...我也要得看她的情況呢...
而我會星期一打去agent到問問, 現在的情況如何, 我還會問問若果日後可以改期, 改地點等等的問題. 最重要還是人生安全.
