好友的痛

剛剛收到好朋友的mail

原來她懷孕了九個星期

但最近發現胚胎有停止發育跡象

要再作檢查

如情況持續就必需做手術

 

自己嘗過流產的事

這種傷痛

要當事人才會深深的明白

我明白到她倆夫婦的心情

我會黙黙的祝福她倆的

也希望bb只是當下不聽話

 

我希望好友及bb可以平安大吉

自己嘗過的痛

不希望發生在好友身上

希望奇蹟出現!

做咩多咗血嫁.....

上個星期五左右

開始無咩多血嫁啦

琴晚坐坐吓, 突然feel到啲血係咁流出嚟

即刻入洗手間睇睇

oh.....勁多呀....

仲要突然有一嚿係子宮到流出嚟

嚇死我呀

死啦死啦...我仲開心咗幾日

見少咗咁多血, 個心仲諗住應該可以好快好添

唉...講比少爺知,

佢好緊張又擔心

佢話: 哎呀, 梗係琴晚食咗啲椒鹽豬扒啦,

入面有啲辣椒, 可能活血呀......

少爺仲想即刻打比陳醫生

不過我話, 睇定啲先啦, 睇埋聽日先啦

 

而家瞓醒咗, 都ok的

不過都真係比之前明顯多咗啲

唉...好鬼麻煩呀...女人....

我幾時先會停血呀....

好煩呀...

白汁忌廉菇菇海鮮燴意粉(內附食譜)

白汁忌廉菇菇海鮮燴意粉

材枓:

帶子, 蝦仁,  菇菇, 蜆肉 (隨個人喜歡多少份量)

蒜粒 (適量), 洋葱粒( 2個)

鹽及胡椒粉(少許)

白汁磨菇忌廉湯 (2罐)

水 (少許)

 

白汁忌廉菇菇海鮮燴意粉

 

做法:

1. 將意大利粉用滾水加少許鹽煮5-8分鐘(或已淋身),

用凍水過冷河後,備用...

2. 將鑊燒紅, 倒入油, 加入蒜粒及洋葱粒爆香...

3. 再倒入帶子,及蜆肉炒至七成熟, 加入蝦仁及菇茹, 炒勻...

4. 再倒入白汁磨菇忌廉及意大利粉, 兜勻,

加少許鹽及胡椒粉調味...

5. 上碟及在意粉上洒上黑胡椒及Parsley flakes, 完成~~~

因為侄仔要求今晚食西餐

侄仔話要食意粉喎....

呵呵..梗係啦, 嫲嫲唔識煮西餐嫁

晚晚都食中餐, 梗係悶啦...

今晚連媽咪都食到要再添呀....

今次懶呀, 無自己調較白汁, 用咗罐頭湯取替,

夠方便夠快亦都...夠平呀.

媽媽i love u

 

今日係媽咪的牛一

媽咪, 祝您:

生日快樂,

身體安康,

平安大吉,

遠離煩惱,

安享晚年!

 

今日同媽咪行咗成日元朗

周圍行, 睇吓嘢,

飲吓下午茶咁囉

然後就等侄仔及少爺返嚟

一齊去咗元朗的大排檔到食dinner

簡簡單單咁就過咗一個

生日了,

媽咪我知你要的係咁樣的

一個簡單的生日

對嗎?

 

最緊要你開心就得了.

媽咪, 我愛你!

年年有今日,

歲歲有今朝!

羅漢果的食療功效

羅漢果的食療功效 羅漢果是中國一種獨特的果實。人們通常把它烘乾保存，把它作為入藥用途。它的食用、藥用價值已有很悠長的歷史。 羅漢果味甘、性涼，益肝健脾，有清熱解暑、化痰止咳、涼血舒骨、清肺潤腸和生津止渴等功效；可治喉痛﹑聲沙﹑氣管炎、哮喘、咳嗽、胃熱、便秘、急性扁桃體炎等症。除此之外，羅漢果的根搗碎還可用治療刀傷、腫瘡癤等外科用藥；它是一種極好的清香、甘甜飲料，可提神生津，常年飲用，能駐顏美容。羅漢果更可作為調味品，用於燉品、清湯、或製成糕點、糖果、餅乾，其味清甜醇香。 羅漢果含有豐富的羅漢果甜度及多種人體必須的微量元素，熱含量極低﹝低卡路里﹞，對人體頗有益處。羅漢果提取之精華，其甜度相對值等於蔗糖的三百倍。 羅漢果中含有幾種抗氧化淨化物質﹐化解體內新陳代謝而產生的游離基﹐防止游離基氧化細胞組織令身體機能失調致病。因而 羅漢果能減慢由氧化而老化的情況﹐防止老化所致的病症﹐包括血管運作失常﹐動脈硬化而導致的心臟病﹑中風和老人痴呆等病變。對於隨年齡增長而出現的老人斑﹑白髮﹑白內障等現象亦有幫助。此外﹐羅漢果更具有降血糖的作用，為糖尿病、高血壓、高血脂和肥胖症患者之首選的天然甜味劑及最佳的保健品。 [ 游離基是什麼﹖ ]   羅漢果除可與其他中藥組方入藥外，更可單獨或配伍其他中藥組方作為食用或者藥用的用途： 一. 羅漢果茶： 羅漢果一個洗淨壓碎﹐用二公升水中火煲二十分鐘。關火後置十分鐘。熱飲或過濾後冷藏凍飲均可。本方有清肺止咳、潤腸通便，對煙酒過度而引致聲音嘶啞、咽乾口渴尤為有效。 二. 羅漢果豬肺湯： 二. 羅漢果豬肺湯：羅漢果一個，洗淨壓碎，加入豬肺適量燉服。對滋補肺陰及治療肺結核、氣管炎有一定的療效。 三. 羅漢果治百日咳： 羅漢果一個，洗淨壓碎，柿餅五錢、魚腥草八錢、百部八錢煎飲服。 四. 羅漢果益母草湯： 羅漢果一個，洗淨壓碎，益母草五錢煎水服用。本方用於婦女咳嗽、月經不調。 五. 減肥健身湯： 羅漢果一個，山楂片五錢。把羅漢果洗淨壓碎，與山楂用250克水﹝約兩飯碗水﹞煎煮，去渣留湯，如適量加入蜂蜜味道更佳。 羅漢果好壞的分辨﹕ 拿起羅漢果在耳邊輕搖﹐響的便是不好。將果由離檯面二寸輕力放下﹐如它像乒乓球般的彈起﹐即是佳品。         羅漢果水的新聞 http://hk.myblog.yahoo.com/jobechan0911/article?mid=12422&prev=12418&next=12399

點樣可以唔駛怕sales姐姐的方法

呢一間Planet Yoga, 蕭c奶都曾經試玩過一堂

蕭c奶一向熱愛運動的

本身係玩開跳健康舞的

因為兩三年前, 正值興玩yoga

蕭c奶就同朋友仔四圍去啲yoga中心到試玩

對於要join的任何公司

蕭c奶一定要每一間作環境, 收費, 服務, 水準各方面先來個比較

要諗清諗楚先會join的

而呢一間Planet Yoga, 我去完一次試玩

我就知道佢唔掂, 兼且係唔係一間好的yoga中心

先指聲明, 我蕭c奶唔係一個馬後炮的人呀.

 

點解第一次幫襯玩試玩就知呢間嘢唔得?

第一: 環境方面

 唔知呢, 係好個人的, 我覺得比較局促, 兼且燈光麻麻,

總之我就唔係幾like啦, 就等如你去買樓,你一入到去,

覺得間屋梗係有啲唔舒服,

咁你都唔會想係到住, 想買囉.

 

第二: 收費

其實隔咗咁耐就唔係好記得當時佢sell我同朋友幾多錢,

以我記起, 應該都唔係話好貴的, 不過好似係要你買好多先會平

 

第三:  服務

我仲記得, 我覺得係我哋未join, 而佢梗係想冧我哋join時

個面口好好嫁, 但係當我哋表明唔會join了, 佢哋個面口就即刻變哂

而且想問任何問題, 佢哋都巳經知你唔join, 當我哋係透明

咁即係呢間Planet Yoga唔係想要客, 係想要錢囉,

所以佢果次咁的態度, 一睇就知呢間唔係好公司

蕭c奶買嘢, join嘢, 食嘢, 有6成至7成都好睇服務態度,

服務係蕭c奶心目中係一項非常重要的

若然間嘢幾大幾有名都好, 啲嘢有幾靚, 幾好食, 都好

但係服務態度差的話, 蕭c奶絕對唔會再比機會果間店鋪

係蕭c奶心目中, 服務係好重要的, 就如一個人, 有學識, 但係唔識尊重人的話,

咁咪即係讀屎片啦. 反而有啲人, 唔係讀好多書, 但係識得尊重人,

咁先為至上等人啊.

 

第四: 導師的水準

因為當年試咗好幾間, 所以有比較,

我覺得Planet Yoga的師資, 唔係佢講得咁好

而且佢哋的導師, 唔會識得就吓啲新學員

而且有啲動作, 有啲學員係真係做唔到,

但Planet Yoga的導師一定要佢做到, 要係隔梗嚟

其實係唔啱嫁, 等如係都做唔到一字馬, 你硬係要學員做,

點做呀, 個位學員係會好傷嫁, 其實做yoga的, 係要慢慢一步一步咁做

長時間做多咗, 就自然會有進步, 而唔係隔硬去做囉

所以試玩時, 見到咁, 蕭c奶巳經好唔鐘意了

 

第五:  儲物室及浴室

印象中唔係幾舒服, 環境一般, 都係果句, 好似睇屋咁,

總之一入去唔舒服就係唔舒服囉...

 

蕭c奶某程度上有時都幾精明的

因為蕭c奶從來做每一件事

都會經過心思熟慮, 仲要搜集資料,

最好就係要親身試

不過咁, 因為各朋友都知蕭c奶從來都唔會怕

比啲sales姐姐sell嘢的

我唔會咁容易就上當的

張咭及啲錢係我度, 我係唔比你碌就唔比你碌嫁啦

話鬼知你煩我幾多個小時

況且我唔會容許佢哋可以困我幾個小時囉

總之自己一心知道一定唔會join

sales姐姐一坐低, 我就會好斬釘截鐵咁同佢講

我唔會join嫁, 你唔駛嘥時間心機同我講了

頭先試用咗, 試玩咗幾多錢, 我而家找埋數,

我趕時間要走, 唔該.

咁樣...佢哋就知我唔係一個咁易受騙的人嫁了.

呢招好駛得嫁....大家學吓啦..

 

其實可以同大家分享, 點樣可以唔駛怕呢啲sales姐姐:

(1)  試玩完之後, 咪要比試玩價的, 千其唔好用visa, eps找數,

       要用現金. 除非你好似蕭c奶咁定. ok.

(2) 係入去呢啲鋪頭前, 將你銀包的所有visa咭, eps咭通通放係你手袋的暗格,

      當你找數時, 你要好大動作咁, 比佢哋睇到你係無咭係銀包的.

(3)  仲有...你會一早知道試玩價係要幾多錢嫁嘛, 例如: 係450元, 咁你就只係

       放500蚊至600蚊係銀包, 同埋記得唔好放咁多現金係自己身上. ok.

(4)  當以上的動作, 你都做哂, 無咭無現金, 咁個sales姐姐一定捉你入間所謂的

       vip房同你慢慢傾, 佢一定會問你, 你覺得頭先試玩試用, 好唔好呀.

       通常我蕭c奶都會答: 都ok的, 又唔係話好好,

       我都係想試多幾間作個比較先.

       咁通常個sales姐姐, 一定會再係咁死纏你,

       咁你就用好肯定及堅定的口語答佢,

       我都係要試多幾間, 若然你呢間係最好的, 你都唔怕我唔幫襯你啦....

       呢一刻, 通常果位sales姐姐, 係會有少少面色難睇,

        但係佢又唔可以做到咁出面喎, (我最鐘意睇到佢哋呢一幕, 哈哈)

       你哋唔好比佢的面色嚇怕咗, 驚先得嫁. 你要記住, 你自己係客人, ok.

       如果佢比面色你睇, 咁咪即係呢間嘢, 好極有限啦, 都唔好鬼幫襯啦,

       呢一點可以睇得出佢哋的服務態度及公司的形象.

(5)   通常啲sales姐姐一定會同你講, 而家做緊推廣呀, 有好平好抵的優惠呀

       佢出呢招咪係想冧你哋join囉, 會同你講, 嗱, 原本一次係要500蚊的,

       而家你join咗呢個plan, 平均只係300蚊咋, 平咗成200蚊嫁, 好抵嫁

        平時無咁的promotion嫁, 淨係比你哋啲新客仔嫁......

       蕭c奶就會答佢: 係呀, 不過我都係要考慮, 要試多幾間, 講真,

       我唔信你哋遲吓無promotion囉, 若果我試咗幾間, 都覺得你哋係最好的,

      到時就算你無promotion, 我都join啦. 最緊要服務好啫. 收費方面,

      貴啲我都無問題喎.

       呢一招, 係要比佢哋知, 你唔係貪平, 係要講果服務及產品質素,

       要扮到自己係唔care個費用的, 最care係服務及質素.

       你一咁講, 佢哋就唔會再咁亂出聲嫁了.

(6)  呢一點, 係蕭c奶的絕招

      你一試呢啲嘢, 最好事前問清楚, 要用幾多時間, 夾定時間

      做咩....嘻嘻...蕭c奶會叫少爺係咁上下時間打電話嚟搵我,

      對話係點:  啊...老公呀, 係呀, 剛剛試完了, 嗯...ok啦,  哦....你係樓下等我,

      我好快比埋錢, 換埋衫, 我知了, 趕住番奶奶到呀嘛.....ok...你等我啦.

      跟住收線.   咁個sales姐姐通常佢都扮哂好似聽唔到你的對話, 不過,

      你唔駛理佢真聽到定假聽唔到.  你最多有禮貌咁聽多佢講幾分鐘.

      你就要同佢講, 唔好意思呀, 我趕時間, 老公係樓下等緊我, 我要走了.

      講的時候, 係要一邊講一邊扮到好急咁, 同時間一路起身一路執嘢咁行喎

      如果未比錢, 就同佢講, 唔好意思, 可唔可以快啲比錢呀, 老公係樓下等緊,

      趕住要去第二度呀.....

      如果無老公, 無男朋友, 就一定要搵朋友幫手, 

     但一定要搵個準時的朋友呀.    大家不妨搵我啦...ok.

(7)   重有呀, 若果你遇到個發難渣的sales, 你仲梗加唔駛驚呀

        大番佢, 冋佢講, 話咩你哋啲服務態度咁差的, 仲想我幫襯你哋.

        仲有, 有啲招式, 當你用visa咭 或 現金比錢都好,

         又唔知點解好耐都未找到嫁喎. 其實佢哋係到玩拖時間,

        利用找數時間, 爭取再係到sell你, 你見唔多對路, 再咁耐,

        你要比個好急同埋有啲惡啲或者重少少的語氣同個sales姐姐講

         唔該你吹吓找數果度, 咁耐的, 我要走了.

        其實點解蕭c奶教大家話, 唔好用visa咭, 要用現金啦.  最好係用現金

         仲要唔駛佢哋找錢, 所以最好帶定散紙呀.  用咭只會比佢hold住,

         唔比你走得咁易呀. ok.

(8)  係收費方面, 千其唔好貪平而join咁多年, 或者因為蕭c奶係法庭到

       見唔少呢類的案件, 我自己覺得一年至年半, 都ok. 再長的年期,

       就要同佢講數.  仲有, 唔好咁蠢比成幾萬蚊, 傻嫁咩. 做生意的,

       邊有講明唔會結業嫁. 係咪.

(9)   最後一點, 就係若果真係又想試, 又唔想比啲sales姐姐煩,

        最好就係搵啲好似蕭c奶咁的朋友一齊去, 咁就萬無一失啦.

 

以上就係蕭c奶個人的tips. 我唔敢講話好好,

不過我自己就覺得好有幫助, 加上蕭c奶係一個比較理智的人

好彩自己比較無咁易比人冧的人啫....哈哈

(不過如果係靚仔的, 可能好難講嫁......)

點都好啦, 希望可以幫到大家啦.

 

羅漢果水的新聞

之前蕭c奶介紹過羅漢果水

今日見到blog友的這樣一篇報導

copy了過來

其實每樣嘢都係要適量

若果發現飲咗有不妥, 就要停了

又或者真係問清楚你的中醫師

而我...係睇過另一個版本

都好長的, 係話可以幫助到有糖尿病的人

所以我自己就一心係煲比我奶奶及老爺的

如果令到大家唔舒服,

在此向大家say sorry呀, 我都唔知嫁.

 

 

 

最近好多人都會煲來飲，我諗大家要聽下不同的意見啊！

appledaily.com

羅漢果煲水

2010年05月14日

一位老友突然打電話嚟，批評某人推介日日飲羅漢果煲水。左丁山聽到摸不着頭腦，因為根本不知誰人推介羅漢果煲水，而且羅漢果煲水有清熱作用，自己就曾經飲過十幾劑清熱羅漢果沖劑，消除咗熱咳與喉痛，做乜要鬧？

老友大喝一聲：「你有冇中藥常識，淨飲羅漢果煲水，與羅漢果沖劑係唔同 o架。我就有一位女性朋友相信某人之言，日日飲，卒之在中環昏倒街頭，送院救治，我幾乎嚇死咗。羅漢果性質寒涼，唔係個個人可以長期飲用，女士尤其小心，常吃就要請教中醫，千祈唔好迷信名人名氣，人講你又信。」

俾佢一鬧，搵番盒「清熱羅漢果沖劑」（潤喉止咳配方）睇清楚，原來係按照中國 衞生部藥品標準，中藥成方配劑製成，內含羅漢果、枇杷葉、白前、桔梗、百部、桑白皮等中藥，並非獨沽一味羅漢果。中藥講究藥物互補，以得中和，以免產生副作用，羅漢果不是不好，但單單飲羅漢果煲水，會產生甚麼效果，確實要請教中醫師至得。譬如好多人話飲苦瓜乾煲水，可清血糖，防止糖尿，一位男士飲咗好耐，感覺良好，介紹畀一位女士飲，女士飲咗五日，就話頭暈企唔穩，唔敢再飲，以此類推，某人飲羅漢果煲水話好掂嘅話，你飲就未必掂！難怪老友打電話嚟警告，收線時仲講多一句：「拜託你寫清楚，以免再有人偏飲羅漢果煲水，因而出事。」

呢位老友相信中醫已久，曾用名醫配方，搵著名藥材行配藥，再製成膏丸，送贈親友，作補養之用，故此佢痛言齋飲羅漢果煲水之副作用，並非無的放矢。此外，據已故名醫江一葦醫師之《食療保健集》所講：「羅漢果多食令人脹悶，因含糖重，可致中滿」也，羅漢果嘅含糖量有幾多？據講羅漢果嘅甜度係蔗糖嘅 300倍，直情可以做代糖，作糖尿病輔導藥之用。不過咁，有甚麼疾病要吃羅漢果藥之前，最好都係問吓中醫師，先至穩陣。