白汁忌廉菇菇海鮮燴意粉
材枓:
帶子, 蝦仁, 菇菇, 蜆肉 (隨個人喜歡多少份量)
蒜粒 (適量), 洋葱粒( 2個)
鹽及胡椒粉(少許)
白汁磨菇忌廉湯 (2罐)
水 (少許)
白汁忌廉菇菇海鮮燴意粉
做法:
1. 將意大利粉用滾水加少許鹽煮5-8分鐘(或已淋身),
用凍水過冷河後,備用...
2. 將鑊燒紅, 倒入油, 加入蒜粒及洋葱粒爆香...
3. 再倒入帶子,及蜆肉炒至七成熟, 加入蝦仁及菇茹, 炒勻...
4. 再倒入白汁磨菇忌廉及意大利粉, 兜勻,
加少許鹽及胡椒粉調味...
5. 上碟及在意粉上洒上黑胡椒及Parsley flakes, 完成~~~
因為侄仔要求今晚食西餐
侄仔話要食意粉喎....
呵呵..梗係啦, 嫲嫲唔識煮西餐嫁
晚晚都食中餐, 梗係悶啦...
今晚連媽咪都食到要再添呀....
今次懶呀, 無自己調較白汁, 用咗罐頭湯取替,
夠方便夠快亦都...夠平呀.
首先，祝伯有生日快樂，身體健康。其次，謝謝你的回覆，我會留意。上次知道你有點不開心，本已寫好網誌給你，可惜整極都比不到你，只有放棄。其實，我早前都有不開心，幸好我男友是位明事理的人，問題已解決。而你呢!當然都會啦，因為你有位好老公，他會精神和行動上支持你。雖然我們總會遇上不如意的事情，但我們總會遇上好的事，就好像天氣一樣，最明顯的例子是你們有新屋入伙，好羨慕，一間屋從頭到尾是你們自己設計，好值得欣賞，亦期待看到制成品。
回覆刪除嘩嘩嘩!!好勁呀!!望到就想食....我都要跟住整先得!! 你呢度係幾多人份量呀!!!
回覆刪除[版主回覆05/21/2010 08:49:00]我呢到係一包意粉及4人份量.
如果你只想做2人, 意粉只用半包都有多, 要視乎你哋大唔大食了...kakaka... 啲配料又係自己隨意. 如果2人用一罐中size的罐頭湯就夠了. ok.
原來咁預....唔知點解次次煮意粉都好似預錯份量咁....
回覆刪除我地唔特別大食,不過我會煮多少少,第二日返工可以帶飯嘛~
[版主回覆05/21/2010 22:58:00]我哋都係呀...次次煮親都會煮四人份量, 因為我哋大食之餘, 仲要兩公婆都要帶lunch啊....^^