日式照燒雞扒配燕麥飯(內附食譜)

 

2010年5月20日(星期四)

今晚少爺要返學

得番蕭c奶同媽咪及侄仔吃晚飯啊...

琴晚問侄仔, 聽晚想食咩呀???

侄仔未答, 蕭c奶就跟手答佢,

不如整個照燒雞扒你嘆好無呀.

侄仔回答: 好呀!

就係咁今晚煮咗呢個

日式照燒雞扒配燕麥飯

你哋係咪睇到點解蕭c奶煎的雞扒咁濃的????

仲好講喎....話說煎緊雞扒時

我出一出去同侄仔講兩句之嘛

媽咪明知我係到煎緊, 佢都唔幫吓我睇住喎

攪到我一入去....嘩....陳c奶你有無攪錯呀,

見到塊雞扒咁都唔幫我反轉, 攪到而家濃鬼哂

個樣唔靚仔了....一間要出鏡嫁嘛.....

咪就係咁.....濃咗囉....

侄仔一向都唔多食雞皮, 所以走皮.

日式照燒雞扒食譜：

材料：雞扒3塊

醃料：豉油約3-4湯匙、薑汁約4湯匙、味醂約4湯匙、糖約2-3茶匙、

            日本麻油約1湯匙

做法：

1. 雞扒洗淨，吸乾水份，加入醃料醃好(醃得越耐越好啦！最好早一晚醃定.)

2. 醃好後，將雞扒煎至熟(不要倒下醃料的汁液)

3. 煎好後，將醃料的汁液倒入雞扒中，煮至略為收汁便可上碟~

 

**煎雞扒時，應該會有油份煎出，可將多餘油份倒去續煎**

如果有朋友食唔慣啲咩紅米, 糙米等等

可以考慮吓食燕麥飯, 加咗入去白米到煮,

唔多覺嫁, 好似白米咁嫁咋.

燕麥飯好有益, 又方便, 我都係食桂格的牌子

洗好咗啲白米, 之後直接加入一至兩湯匙的燕麥飯,

啲燕麥飯係唔駛洗嫁. 跟住量清楚個水位, 然後煲飯, 完成.