其實自己心裡一直都有一家事
未能處理好，自己個心都好唔舒服
BUT。。。。都係得個等字。
自己事未處理，擺埋一邊。
最近前後分別都有兩位好重要的
好好好好知己朋友
分別為佢哋自己的屋企人
唔開心， 煩惱，徬徨。。。
因為佢哋的屋企人就等於自己的朋友一樣
眼見兩位好友不開心
自己的心都好唔舒服，好唔開心
有時真係覺得好感恩
自己懂得感恩，懂得珍惜，懂得尊重別人
因為我及這兩位好友的麻煩屋企事
都是來只家中的成員所致
就係因為佢哋都不懂感恩， 不懂珍惜， 不懂尊重別人
不懂為人著想
以致傷害了我們
可知這種傷害是多麼的痛，多麼的煩擾
朋友有難， 不開心
莫過於大家彼此支持，扶持，鼓勵吧
為了自己，打氣
更加要為兩位好友， 打打氣
我會為妳們祝福
希望事情可以盡快得以解決吧。
各位, 蕭c奶比較懶, 而且無咁多時間
所以唔想擇相啊,
若有興趣的話, 請到fb到慢慢欣賞啦...
呢兩輯係用咗canon 500D影的,
不過影得唔係好靚, 因為比前兩行遮到
有時真係好難影, 到咗sammi更加難影
因為未見sammi巳經全場起哂身了.....
http://www.facebook.com/album.php?aid=154070&id=604042716&l=532881f0b4
http://www.facebook.com/album.php?aid=154749&id=604042716&l=6440a9128e
至於呢輯係由少爺操刀, 用咗cannon G11
可以zoom得近過我部500d嫁. 都影得唔錯 (以少爺的技術), 哈哈.
少爺影sammi嗰part靚好多啊....抵讚! ^-^
http://www.facebook.com/album.php?aid=154754&id=604042716&l=ad0400fdb7
多謝各位收看.
2010年3月14日(星期日)
白色情人節
祝各位甜甜蜜蜜, 幸福快樂!
上星期巳約了表妹
表妹會帶我們到琛圳的建材街
嘩...真係行到我哋三個對腳斷咗咁
行咗一日都未行哂呀
又真係幾平的, 不過就真係要花時間
睇同夾價錢啊...
表妹問我哋想食咩
好想食日本嘢, 表妹就帶我哋到金光華附近的
一間 '上一廻轉壽司'
一入去, 由價錢, 環境, 服務員的制服, 杯杯碟碟
都好似香港的元氣呀...嘻嘻
不過佢優勝的係食物種類多好幾十款啊
如果多人嚟食就正了
鰻魚壽司
三文魚刺身-
30元, 呢個都好新鮮, 但係唔夠厚身. 唔係好抵食.
三文魚子壽司
帶子壽司---
好鮮甜, 不過又係唔夠厚身, 但都抵嫁.
真係好好味, 白色的係芝士,
呢一碟唔記得叫咩名,
又係表妹介紹,
平時的我, 對呢啲卷壽司麻麻
但係呢個好好味呀
入面炸得好鬆脆, 又唔熱氣喎
甜甜哋的, 好似係炸蟹卷
算啦, 唔記得了, 總之好食
牡丹蝦刺身
好大隻...
成半隻碟咁長....好鮮甜, yummy yummy.
如果唔係食咗兩條腸仔,
我哋一定會食多啲呀....
呢一間, 我下次都會再嚟,
因為我本身係香港都好鐘意元氣嫁了
呢間仲要比元氣多好多呀..
2010年3月4日(星期四)
早前約好了兩位同事
放工後一齊dinner, 傾吓
西門兄一早就話要帶我同同事仔
去試一間拉麵店
和歌山
平均每碗都要80元
嘩...好貴喎, 一碗成80蚊
味深的鰹魚鮮雞湯底
和歌山拉麵講究美味的祕密就是獨門的鰹魚鮮雞湯底.
和歌山湯底的基礎是採用昂貴的日本鰹魚, 經過全日慢火熬製成
香醇鮮味的鰹魚湯, 再加入原隻鮮雞與豬大骨融合燉製, 直至骨膠完全
融化到湯中, 湯底呈現清透美麗的金黃色澤. 除了能萃取出對人體極
有益的豐富骨膠原及骨髓外, 更大大提高了湯底的厚實口感.
由鰹魚的鮮美, 雞的清香, 到豬大骨的濃厚口感, 每一口的鰹魚鮮雞湯
都呈現出清香濃郁惹味的豐富層次, 這就是
[鰹魚鮮雞湯]的深奧滋味.
櫻花蝦拉麵
材料有:
拉麵, 鰹魚鮮雞湯, 櫻花蝦, 叉燒,
溫泉蛋, 紫菜, 味村筍, 水菜
根據同事所講, 件叉燒好好食, 我試食咗少少櫻花蝦,
一般啦, 其實好似啲蝦乾仔咁囉, 無咩特別
西門兄都係食櫻花蝦拉麵, 不過改了要豬骨湯底
我試飲咗一匙, 好好味, 好香濃, 我個人認為
豬骨湯好味過鰹魚鮮雞湯啊...
一本豬軟骨拉麵
材料有:
拉麵, 鰹魚鮮雞湯, 豬軟骨,
溫泉蛋, 海帶, 味村筍, 銀芽
豬軟骨確實煮得夠淋身, 這裡出名鰹魚雞湯,
湯的確好清甜, 帶有點點清雞湯味,
雖然蕭c奶一向食慣淡口, but我都想講....
食拉麵我始終都係鐘意湯底濃一點啊...
海老天婦羅
值得一讚的是, 這款海老天婦羅
炸得相當好味, 鬆脆, 蝦夠新鮮,
這個比鰹魚鮮雞湯更為出色及驚喜啊....
個人認為只此一次, 因為價錢貴
又唔係話真係好好好食喎
所以試一次就夠了
見識吓就夠lu...
和歌山
|
| 中環港景街1號國際金融中心商場3樓3020舖 |
2010年3月10日(星期三)
今日臨時請咗半日假
因為好想放假
有太多私務要做
平日放工, 巳經無咩時間
一於自己攞假做啦
趕完私務, 望吓個鐘都成五點了
嘩....要趕搭車返屋煮飯
難得放到假, 想煮飯食
因為出街食得多, 又貴又唔知食咩
仲要無自己煮咁好食
食完就要同少爺返日文堂了..
因為返到去都成六點半
去到街市都唔知買咩好
諗諗吓.....諗起屋企有咩咩咩
好...一於就煮佢哋啦...
沖繩咖喱
上次去沖繩買的咖喱都未食
一於貪方便, 煲落飯, 整番熱啲咖喱, 倒入去啲飯到, 咁就食得了
呢款 '58' 係苦瓜咖喱
入面有少少苦瓜及肉, 味道唔錯呀,
而家食慣咗苦瓜, 仲嫌佢唔夠苦味呀
呢款 '98' 係黑糖咖喱
好特別咁喎, 黑忟忟的, 買一個嚟試吓囉
倒出嚟的時候, 好水汪汪咁嫁
唔似平時啲咖喱咁杰身
望個樣, 好唔靚仔, 以為唔好食
點知食落去又幾好咁喎
不過我覺得真係杰啲仲好味
咖喱辣辣哋中, 帶出左黑糖啲甜味
又幾得意, 特別!
之前買咗兩毎棷菜, 仲有一個未煮,
啱哂了, 見個雪櫃仲有幾條腸仔
就加埋入去炒, 咁咪又一款簡單的小菜仔囉
有時大家不妨動動腦袋, 咁就可以有好多花款嫁了
蕭c奶的餸, 方便, 簡單, 易煮, 便宜, 仲要.....好味!
嘩...等到頸都長, 一知道佢哋4個會開演唱會
就好想睇, 因為實在好難得
一直都等緊BIG 4的演唱會票
直到前日,終於都收到了
嘩...勁正呀, 係第三行
不過咁, 其實第二行同第三行都巳經差好遠
唔好睇少一行之差呀
影相同埋現場觀賞都差啲嫁
因為坐第二行的有一位女仔都同蕭C奶一樣
都係用CANNON 500D
但係因為佢可以係第一行的兩個人中間到攝嚟影
完全無遮擋
至於我坐第三行, 其實我巳經比第二行及第一行的人遮哂
所以我係影唔到好靚的相啊....>-<
反而部G11可以影到好近^-^
仲正過500D啊....
但點都好, 我都唔算影好多相
因為如果掛住影相
其實會分咗心
咁就欣賞唔到個演唱會嫁了
稍後整理好啲相後
就POST出嚟比大家睇吓啦.
蕭C奶一直都無諗住買樓
亦都好開心可以抽到一個
地點，方向，環境，方便的‘正’公屋
最近因為房協推出‘夾屋’-將軍澳的叠翠軒
一推出，好吸引喎
好似好平，好似環境好美化，又鄰近地鐵站
130萬就可以上車
300萬唔駛就可以有800幾尺
平過隔離的新都城50至100萬喎
係人云亦云之下
蕭C奶及少爺都覺得好正
好想買呀！
後來經過多日的深層考慮
跟雙方的屋企人商量
倆公婆又一齊商量之下
都係決定唔買夾屋了
因為好多朋友都話好多問題
加上我哋間公屋真係太正了
唔係舊公屋， 係剛興建的新公屋
加上交千二蚊，咩都唔駛煩
可以輕鬆啲
而且真係無諗住而家買樓
而且諗諗吓，如果要買中層或以上
都要180萬喎，兩房兩廳
如果想要三房兩廳，全部都過200萬
你話好平咩， 諗深一層都唔係話好平
夾屋仲要一定最少住五年，然後補地價
先可以租讓
咁你可能會講， 居屋都係要補地價
無錯都一樣
只要係諗住自住， 其實又真係無所謂
最主要係個地點： 將軍澳
我同少爺本身覺得將軍澳的配套及環境都做得唔錯
不過唔知點解， 就對呢個地方無咩興趣
如果用藍田及將軍澳比較
我同少爺個人認為藍田吸引好多
真係好方便， 咩都有， 我哋就覺得好過將軍澳
不過咁， 只係純為個人意見咋
都好老土一句， 住到邊， 自然就會適應。
因為我自己諗深一層
若果我真係攞180萬至200萬買一層樓
講真。。人生有幾多個180萬呀？？
我蕭C奶就好坦白的
老實講 ， 自己唔係有錢人， 亦都無咩學識，
唔係搵好多人工的人。
係我人生入面，可能我只會擁有一層樓啫
咁我就係到諗，與其要攞咁大數目
點解唔買一層自己鐘意的地點的樓呢！
加上有朋友識入面的建築師
原來叠翠軒除咗漏水問題， 仲有好多問題
所以朋友仔一知我想抽
即刻SAY NO
咁又係喎， 180萬，仲要係有咁多問題的樓
要放番出去又咁難, 咁煩,
係咪值得買呢？？？
最後分析都係覺得唔多值了。
再再諗清楚
點解啲人話好平，好抵買
因為有啲人又無資格抽公屋
又可能無首期係手， 加上而家樓市又咁高
啲人就買唔起私樓
咁而家抽居屋或者夾屋
除咗樓價平啲，首期又唔駛比三成咁多
咁啲人就可以上到樓
我自己分析，自己有好多朋友恨都恨唔到
我同少爺可以抽到公屋
因為平， 靚 ，正
雖然係細啲， 但不至於細得好誇張
又係好老土咁講
出面的私人樓, 有啲話係400幾尺
買成200幾萬, 實質個實用面積
咪又係得200幾尺, 但係要成200萬喎
而且我同少爺諗深啲
真係好鐘意而家抽到的公屋
因為各方面都好平均啊
真係除咗細， 但係我都好多謝朋友的支持
細的地方， 都可以裝修得好骨緻
而且咁平宜的租金
咁我哋可以慳番啲錢
寧願可以享受多啲啲
唔駛話買嘢, 去玩要慳住慳住
所以話呢....買樓呢家嘢
都係遲吓先算啦
儲多啲錢, 到時真係覺得OK, 咪買囉,
再唔係諗過唔想咁辛苦揹層私樓
又想住大啲, 咪轉二手居屋市場囉
咁長遠的嘢, 都唔好諗咁多
遲吓先算啦.
雖然有時一見到人有自己的屋
都好羨慕, 妤羨慕咁大, 好羨慕有自己的家
但係背後我都知係要付出
有得必有失!
少爺就曾經問我: 你想有自己的大屋? 定係想享受人生?
我心裡掙扎, 便答: 希望有自己的一間小屋及可以享受人生,
兩者都希望擁有啊.
但若兩者要選其一,
我不需要豪宅, 一個小屋都可以了. 總之唔係瞓街就得了.
然後我希望可以同少爺每年都出外旅行, 享受餘下的人生.
唔想有壓力, 有太重的負擔.
