一早就諗定整以下呢款蛋糕了,今次想比啲驚喜倆位生日之星,所以我只係講咗比阿冰一個知我整咩蛋糕.
呢款蛋糕我都係第一次整,而且仲要係即場整的,唔可以早一日整定的,都好怕唔成功呀,所以我於生日派對前,巳經靜靜地試整咗一個...果然成功咗..好開心呀!
今次整的蛋糕就係: 火焰雪山鮮雜果蛋糕
大家可以慢慢欣賞我哋的製作過程:
2008年6月29日 星期日
榮池之生日派對遊戲篇
當我們女仔在準備食物時,男的就爽了,因為佢吔只係係到玩同等食.
食完嘢之後,阿威好high喎,佢一早就買定咗個西瓜,佢話今次一定要玩刨西瓜活動喎!
開始前,大家先來影張合照, 友誼第一,比賽第二.
嘩! 刨西瓜比賽開始了, 大家都好用心喎,刨呀刨呀....咦, Jordy你仲掛住笑,落後了,仲笑!
阿榮老公加油呀,老婆支持你呀!
哈哈, 阿榮老公攞咗第一.....阿威同jordy就掛住笑囉.
再來一張完成比賽的合照先!
你睇啲觀眾睇得幾開心,興奮, 個個都想捕捉到攪笑的一刻.
榮池之生日派對分工合作篇
七月之星又到了, 今次阿榮老公及阿池的生日決定在蕭家舉行. 今次好熱鬧呀, 因為有好多人,差不多都嚟齊啦, 阿芬同阿荃就因為去咗泰國旅行所以無佢哋份了.
阿冰早一個月通知我係我哋蕭家到舉行,今次就諗到以下的餐單:
生日派對之餐單
- 鮮雜果沙律
- 三文魚，翡翠螺及北寄貝刺身
- 蒜蓉麫包粒
- 橄欖油醃意大利蔬菜
- 焗法式鴛鴦蠔
- 焗法式香草羊架
- 瑞士雞翼
- 黑椒及蜜糖鴨胸
- 自家製韮菜水餃
- 蘑菇青口鮮茄墨魚汁麫
- 生日蛋糕
好彩有阿恩,冰冰及生日之一的阿池幫手呀,如果唔係點整得哂呀!
2008年6月10日 星期二
2008年5月30日 星期五
日本之旅-名古屋-立山黑部
由於很久沒有與媽咪去旅行,所以我2007年的目標,就是儲一年錢,要2008年帶媽咪去旅行. 所以上年年頭同咗媽咪講08年請你去日本旅行, 儲足一年多的旅費,終於可以出發了. 當報名時我仲知道有5月18日出發的團,因為呢日係我媽咪的生日啊! 順便可以替媽咪在日本慶祝生日. 太好了.
由我同媽咪都比較喜歡看風景,不太喜歡購物,所以我就專擇一些風景團了. 而好友'愛肥'姐呢,就推介我去一個地方叫做'立山黑部', 她告訴我,此地方於不同時間去,都會有不同的風景看. 四月至六是看雪景,七至九月是看花的,而十至十一月則看紅葉.
聽後很感興趣,因為很難想像五月份還有雪,所以我和媽咪為了這個地方,就要專成帶羽絨了.
我們參加了東瀛遊旅行社,行程如下:
日本五箇山合掌村<世界文化遺產、『最美麗的第七天』拍攝勝地>、高山陣屋、
金澤兼六園<日本三大名園>、東尋坊海岸靚景、立山黑部阿爾卑斯<世界大自然奇觀寶庫>、越前竹人形之里、露天溫泉、香林坊購物區、名古屋城、名古屋地下城
相片如下:
金澤兼六園
東尋坊海岸靚景
立山黑部
溫泉酒店 - 和式客房
五箇山合拿村
'最美麗的第七天拍攝勝地'
名古屋城
2008年5月17日 星期六
蕃茄薯仔馬蹄煲排骨湯
很喜歡這款湯水,貪其有湯水之餘,還可以當湯渣做餸呢? 一舉兩得.
暑熱的夏天最為適合飲用.
材料:
番茄 6個
薯仔 3個
紅蘿蔔 1個
馬蹄 15粒
排骨 1斤
做法:
(1) 排骨洗淨,汆水,備用.
(2) 番茄去皮,切半,備用.
(3) 薯仔,紅蘿蔔與馬蹄去皮洗淨,薯仔與紅蘿蔔切大塊,備用.
(4) 湯鍋注入清水,放入番茄,薯仔,紅蘿蔔和馬蹄內,以大火煲至滾, 再加入排骨
煲滾, 然後轉中火,煲約2小時,用鹽調味,即成.
2008年4月25日 星期五
升職面試
終於都完咗升職面試,超緊張啊! 今次真係好緊張,當知道自己有份去面試時,當然好開心啦,因為我知唔係人人都有得見,而且可以有機會喎,都好難得,所以今次我比上一次作好更好的準備,由知道的一刻,我就開始搵資料,睇新聞,借電腦書,希望可以作好準備,好好應付面試這一關.
今次為咗呢次面,連續兩個星期閉關,每晚都上網睇新聞,搵資料,學電腦....其實好鬼悶嫁...但係無辦法啦!唉!其實我面試最鬼驚係問時事個part,因為我係一個唔多關心時事的人,好少睇,每次啲新聞,我都只係睇啲好表面的,detail就好少睇,而家到咗要面試了,知死啦,鬼叫自己成日咁少睇囉,而家就臨急抱佛腳,其實時事呢家嘢,係要平時多留意多關心先得的,邊有我呢啲而家先嚟留意,先嚟關心呀!所以我諗到一個辦法,就係......叫阿榮幫我睇多啲,然後我就問佢,佢講啲答案同個人意見,我就記住佢講低的嘢,然後如果咁好彩,到時問到我就將阿榮講的講出嚟...哈哈哈...咁都比我諗到.不過,個日問的時事,係我哋一啲都無睇過,都無諗過.....所以話呢....都係要靠自己的,好彩我都答到吓.(死好命!)
今次面試真係好緊張,上次第一次見,我都無咁緊張,點解會咁呢?就係因為今次面試身邊太多同事同朋友幫咗我好多,而且佢哋都好緊張我,鼓勵我,支持我,所以無形中比咗啲壓力我,佢哋對我太好了,所以本來我無咁緊張,但係自己知道啲同事同朋友都咁好,佢哋點好呀!就係有位同事,佢叫做Esther就之前去咗上個叫做'ACO面試的堂',要收錢嫁,都成差不多四百元,但係我無去參加,Esther參加咗,但錢又出咗,上完之後佢又唔合資格去面試,但係佢好好呀,雖然佢無得見,但係佢無自私,反而知我有得面試,佢都影印咗份note比我,比我溫,佢份嘢真係好齊全的,睇咗真係知到好多嘢,識咗好多.
而另外,係Personnel到做的Elsa,佢又係好好呀,佢好叻嫁,除咗佢本身識好多嘢之外,佢仲識好多人,當佢知我有得考,佢又幫我收料,不時打來提我,要多睇吓邊啲新聞,要多留意邊啲電腦資料等等,又鼓勵我,真係好多謝Elsa.
跟住,有日我去咗地院到做counter啦,平時有位係海關到做的張生,佢問我有無得去面試呀,我話有呀,4月21日見,呢位張生又係知好多嘢嫁喎,又係識好鬼多人,咁佢當時就講咗少少比我聽,叫我留意啲咩,多啲睇咩咁啦,咁我話多謝佢呀,比咗咁多料我,然後我以為無下文,點知過多兩日,我又番去地院到做counter時,玲姐就話:係呀,個日呀,張生臨放工時趕過嚟,佢影印咗份note比你,叫我一定要比你呀!咁我睇吓啦....噢,我一睇太好了,因為佢呢份係有啲Esther個份係無嫁,所以好多謝張生.
地院的同事又好好喎,Cathy知道而家要面試的,可能會問到基本法,佢就專登借咗本比較有趣的一本基本法的書比我,等我有心機咁去溫吓,又提我應該要著咩衫去面試等等的問題.而玲姐又影印咗份有關基本法的note比我.
到咗自己office的Senior,其中有位叫做Veronica Ng,雖然佢係一位Senior Court Interpreter,但係我哋都叫佢做'小婉'的,佢好好呀,知道我有得去面試,除咗支持我,叫我以平常心去面試,最估唔到的係,佢....佢比咗一封'利是'比我,祝我面試順利及成功!到咗個日我去面試,我都有將'小婉'比我的利是帶埋去,希望可以保佑我面試順利.
到咗衣服方面,因為今次面試的post,係要管人的,我就覺得要著得斯文啲,正經啲,唔可以著我平時啲咁casual的衫,但係....我無啲好似平時啲OL 的衫裙,所以要去買了,'叻叻'知道後,佢就借咗件衫比我啦,又借咗個袋比我,好啱身呀,而且佢借比我的袋,好斯文呀,佢仲同我講,個袋佢其實用咗幾次,佢話如果我唔介意佢用過,話送咗比我,我點會介意呀,佢個袋好新淨,而且仲係burberry嚟嫁,真係好多謝叻叻,因為每次我有事,佢都好盡力咁幫我同支持我.
到咗有衫同袋了,但係未有裙喎,點好呢,叻叻都陪我睇咗幾間,但都未係我的心水,有次去地院做嘢,咁我就叫'經理'不如今日食快啲,我想出去搵吓有無啱的裙....哈哈,太好運了,'經理'帶我去咗一間平時我哋係唔會入去的商鋪,入到去,比'經理'搵到條係我心目中的裙喎,仲係只需129.9元,而且仲有得試身,一試之下....剛剛好,肥啲又會著唔到,廋啲又會鬆過頭,仲有只係得番一條呢....真係係你的就係你,唔係你的就唔係你的.最後即刻問咗啦...太好了,最難買的都買咗.之後,'經理'要返地院了,咁我都要返高院,係途中,我行到一間商鋪,入咗去仲買埋件針織外套襯.番到公司,我就著一次比啲同事睇吓啦,佢哋都話好斯文好靚呀,不過,好似淨對鞋喎,哈哈....Monica就即刻借佢的鞋比我試,但係佢哋話太唔似我,而且太過太個,都係著我自己對白色尖頭鞋年輕啲同似番我.就係咁....我呢個面試look就攪掂咗了.
今次真係好多謝好多人,如果無佢哋幫助,支持及鼓勵,我又點會咁順利呢?雖然我唔知到時結果係點,但係我巳經做好我應該要做的事,起碼可以同自己有交代,有付出先會有好的收穫,我的收穫未必係會升到職,但係亦因為呢次的升職面職,我學到好多嘢,例如:電腦,文書方面的知識,時事知多咗.最重要的係我更加知道同事及朋友之間的幫助及支持,所以如果到時升唔到,我係無損失反而係有得著的.所以一切以平常心來面對啦!
最後,再次多謝以下的同事及朋友:(排名不分先後)
叻叻,經理,小婉,玲姐,張生,Esther, Cathy, Monica, Elsa及其他一值祝褔我,支持及鼓勵我同事及朋友!
最緊要同最重要的都要多謝我的屋企人,由於要應付面試,係呢兩個星期我都無返去媽咪同奶奶到食飯,而且,阿榮老公本身自己除咗公司好多嘢做之外,又要做freelance,但係阿榮老公仲要花時間教我電腦同幫我留意時事方面的事呢?
各位辛苦哂啦! 多謝大家呀!
訂閱：
文章 (Atom)