【深夜食堂煮婦同樂會第25話】蛋包飯

蕭c奶簡直係努力咁追功課呀..

只係真係無咩時間去寫blog咋.

琴晚即刻又追蛋包飯功課

話時話這個蛋包飯最難的係.....個蛋皮

原本個蛋皮係要有少少牛奶及忌廉

咁煎出來的蛋皮會香啲又滑

但係呢兩樣只用少少咋喎...

用剩的又浪費, 咁蕭c奶就懶囉...

仲有通常都用罐頭蕃茄

又我覺得反正炒咗飯, 都無所謂啦

哈哈...又買少一樣...

慳得就慳...wakaka..

哎...不過最後慳慳埋埋

居然係比個橙椒買貴咗

話說琴日, 我順便會經過cc super,
 
諗住買埋啲材料

大家都知cc super啲嘢幾貴嫁啦

搵嚟搵去都無中國椒...激死..

最後買咗一隻由荷蘭出品的橙燈籠椒

一隻係買........$.19.7

一隻呀....平時一包三色椒都係5至6蚊咋...

真係超貴呀..

好彩, 佢真係好鬼甜, 好鬼靚, 好鬼爽囉..

一分錢一分貨..

呢餐啲配料好貴

日本洋蔥, 法國雞髀肉...一啲都唔平..

這個蛋包飯.........原本很平凡.....現在..一點都不平凡啊...







【深夜食堂煮婦同樂會第25話】蛋包飯


第一次正式做蛋包飯, 但係整得唔夠靚呀.

我想要半圓型那款囉...

同埋下次都係唔慳, 用番牛奶及忌廉做個蛋皮先

今次我自行係蛋汁中 加入了蔥花

其實我這個蛋包飯, 似pancake多啲喎....





先看看材料:

飯    適量
雞肉    適量
洋漗    半個
燈籠椒    半個
蒜頭    2粒
香葉    2片
茄汁    適量
雞蛋    2隻





做法:

1.   先將雞肉切丁粒, 用少許日本醬油, 胡叔粉, 味霖, 料理酒醃一會.

2.   燈籠椒及洋蔥切粒, 蒜頭做成蒜茸, 備用.




3.  燒熱鍋, 加入少許油, 先爆香蒜茸, 加入雞肉粒炒至變成及八成熟.

4.  跟手加入洋蔥炒至軟身, 再加入燈籠椒炒一會, 加入香片再炒.

5.  加入茄汁炒勻所有配料, 再加入白飯炒至所以材料顏色均勻.

6.  加入黑胡椒拌勻 取走香片, 盛起, 備用.

7.  燒另一鍋, 加入少許油,  放入蛋汁, 做成蛋皮.

8.  將蛋皮盛在碟上, 放入巳炒好的茄汁飯在蛋皮上, 包好兩邊, 反轉,
 
  即成蛋包飯啊...








嘻.....切開咗都幾好味.........









後記:

炒好的飯, 基本上唔做個蛋包都得嫁

仲會做少樣嘢添...kaka...(蕭c奶又嚟了....)

個飯加咗茄汁咁炒好好味, 加上有埋燈籠椒, 食時好甜

跟本咩鹽都唔需要加, 下次最好加埋蕃茄粒及青椒添...

咁個顏色又會sharp啲, 又豐富啲呢...

呢個炒飯好味呀, 又開胃, 我諗summer時吃會好醒胃.








【深夜食堂大家齊來煮】

這星期大家的作品長怎樣呢？



偽主婦





阿咪




OL醉愛廚房




Little-Bird Blog




妹子




Helen的方太小廚




鬼嫁




Mrs. Horse




WongC9




花花世界




肥師奶小學龜




芝士




Jo 姐姐




Mrs. J



噹噹