左髀 ● 入廚樂: 10月 2012

2012年10月28日星期日

【深夜食堂煮婦同樂會第21話】馬鈴薯沙拉

2012年10月28日(星期日)

【深夜食堂煮婦同樂會第21話】馬鈴薯沙拉

蕭c奶一直都好鐘意食沙拉的

最近都好少整沙拉

平時我唔係太過好鐘意食薯仔的

少少都ok, 但唔會食好多囉

今次的題目, 聽講話係日本到,

好多日本煮婦們都會識做這個沙拉

可以話係無可能唔識做的

既然出咗這個題目, 蕭c奶唔多like 薯仔都要做啦...

呵呵...出奇地...原來這個做法又好好味喎...

材料:

日本薯仔一袋 (有五小個)
甘筍適量 (一半切絲, 一半切粒)
小黃瓜兩小條
bb沙律醬

做法:

(1) 先將小黃瓜切件, 加入鹽, 迫出水份,

然後用冰水沖走剩下的鹽, 及倒去水份, 而且要壓乾水份.

(2) 甘筍切絲切粒後, 拖一拖水, 真的是拖一拖, 盛起, 壓乾水份.

(3) 鍋加入水, 滾後, 加入薯仔, 滾至熟, 然後剝皮.

(4) 用壓薯工具把薯仔壓成泥狀, 加入小黃瓜及甘筍絲拌勻,

此時加入黑胡椒及沙律醬拌勻, 試味.

(5) 拌勻後, 試好味, 放入雪櫃雪最少一小時後, 即可享用.

這個沙拉又好味, 又容易做.

用來作西餐拌碟或者做party food都好方便呀.

這個沙拉又是有很多不同的變化

可以自行加入不同種類的配料

例如: 吞拿魚啦, 火腿啦, 雞蛋啦, 洋蔥啦.....等等...

又是一道清雪櫃的菜式...wakaka...

大閘蟹宴

2012年10月28日(星期日)

幾年都無食大閘蟹了

今年終於忍唔到口了

因為個個都係fb到係咁post啲大閘蟹相囉..

雖然我同少爺都減食及戒口中

不過見有少少成績, 呢排又工作忙

反正幾年都無食,

一於就獎勵我哋自己啦...

一早約好了少爺家姐一齊品嚐大閘蟹

本來一直少爺都幫襯開銅鑼灣的華記買大閘蟹

但早前剛好看見偽主婦今年跟朋友幫襯九龍城永富

所以我向少爺提意不如今年試吓第二間啦

今日專登中午時入九龍城食番餐泰菜lunch

之後去到侯王道買大閘蟹了

呢條街都有好幾間喎...

最後我哋幫襯咗兩間

因為想試吓邊間好食囉...

最後幫襯咗永富及新三陽

因為少爺家姐一早指定要試食深夜食堂的調味醬炒麵,

所以就預咗這個一起吃

剛好又到交課時間.....所以今日就準備咗馬鈴薯沙拉

三個人真仲要每人兩隻蟹

夠食了.....而且我還準了...........甜品添...

第二轉了....這是永富的大閘蟹...

這是新三陽的, 膏味甘香, 也比較實在!!

這是永富的大閘蟹, 看似跟新三陽差不多, 但食落就有分別了.

永富的膏味偏淡, 不夠甘香.

集合我們三人的吃飯感, 都認為這次新三陽優勝一點

因為膏味甘香, 好味很多啊...

下次好想試吓野生的大閘蟹,

唔知係咪好正嫁呢...^^

吃完大閘蟹, 當然是享用一杯薑菜啦.....

完美的晚餐.....

因為難得今天到九龍城買蟹蟹

咁不如就去tony wong到買兩件cake,

三個人食....yeah...

兩件都是新口味,

一款是古古力, 一款是酸味味的...

慕絲都好軟滑, 不過可能各人口味不同

我仍然最愛cova或者zoe

今晚真係好滿足呀

oh...今餐咁高膽醇, 嚟緊一星期都要食得清淡一點

還要加多一點運動

這樣才可以抵銷今餐啊...

2012年10月21日星期日

【深夜食堂煮婦同樂會第19話】俄式酸奶牛肉Beef Strognaoff

2012年10月21日(星期日)

【深夜食堂煮婦同樂會第19話】俄式酸奶牛肉

上回講到今天得蕭c奶一個人在家

做了調味醬炒麵作為我的一人前下午茶

少爺話如無意外, 今日會趕到回來吃晚飯

所以上一期的功課就留到今晚煮啦..

又可以追番功課喎...yeah...

在網上打了俄式酸奶牛肉, 發現有一位blog友入面解釋,

Beef Stroganoff 是在1861年首次被寫成食譜,

當時沒有磨菇及洋蔥

演變至1912年, 添了洋蔥和蕃茄糊,

到了1938年, 可以使用牛肉條, 並且視喜好添加蕃茄糊或芥未醬,

現今流傳的版本添加磨菇並且和麵條或米飯一起食用則是1950年代確立下來的.

材料:

牛肉    少許 (切成條狀或塊狀, 以黑胡椒碎略醃)
洋蔥    半個 (切大塊)
紅椒    1個把切大塊)
菌類    幾個(切件)
蕃茄糊    2大匙
芥未醬    1大匙
牛高湯    100ml (可以用雞高湯替代)
伏特加    150ml (或威士忌)
sour cream 200ml
parsley 適量
鹽和黑胡椒   適量
牛油    適量

做法:

(1) 燒熱鍋, 加入牛油, 炒香洋蔥至軟身.

(2) 加入紅椒炒軟, 再加入蘑菇炒軟, 加入蕃茄糊及芥未醬

(3) 加入牛高湯, 煮滾後轉小火, 稍微燉煮

(4) 另一鍋, 加入牛油溶至起泡, 加入牛肉變色,

(5) 加入伏特加, 轉大火一點, 讓酒精精發

(6) 同時, 加入sour cream在洋蔥紅椒蘑菇內

(7) 跟手再加入牛肉連湯汁, 加入調味, 再煮1-2分鐘

(8) 加入parsley , 完成.

又是一道配飯配意粉一流的正餸啊...