忟憎

忟憎

好恨自己咁容易忟憎

小小事都發一餐

真係忟薑嚟嫁。。。啍！

因為新居的裝修問題

有時同少爺商量

大家各自有各自的諗法

有時小不勉就會有‘咬’叫

講唔夠兩句，就會。。。各自發忟憎，哈！

我發覺原來裝修比籌備婚禮煩數十萬倍呀

淨係諗個款式都諗咗幾個星期

改完又改, 諗完又諗,

睇書睇到都煩, 上網查資料又係查到傻,

朋友以為: 你間屋咁細, 都無咩攪啦?

其實我蕭C奶一聽到呢句,就火都嚟呀!

講真大屋有大屋的諗法,

細屋都有細屋的諗法嫁.

大屋都仲好諗啲,因為老實講, 地方大,

現有的傢俱隨處都可以買到,搵到

但係就係因為屋細先難攪呀

好多嘢,都未必有啱的尺寸買到

全部都要訂做, 咁訂做, 係咪要諗吓點做呀,

幾多個櫃桶, 幾多隔數, 咩色, 咩款, 度清楚尺寸等等

係咪要諗呀!

有時我都唔想答你哋咁多, 因為我一答,

大家都會有好多意見, 你一句, 佢一句!

我同少爺都想唔駛煩, 唔駛諗,

但係現實無辦法呢!

咁當然, 我哋倆個一齊努力裝修新居

的而且確係好開心的, 不過就真係好辛苦

自從攞咗鎖匙之後, 未煮過飯, 因為好多時出咗街

個個星期都去睇/搵裝修的事

又要約師父打價, 係勁勁勁多嘢攪呀...

呢一刻, 我淨係想如果少爺可以好似我咁有咁多假期

咁就太好了, 因為平日可以一齊放假去睇

咁夜晚就可以休息及一齊傾吓裝修的事

唔駛GROUP埋星期五, 六, 日做,

日日都無得休息

尤其係少爺囉...唉...辛苦你了, 少爺.