心情不太好
蕭c奶要暫定一吓
多謝各位blog友及朋友仔的關心
2010年3月25日 星期四
簡單的生活對於我來說簡直是遙不可及......
再次受到家庭問題的煩擾
今早哭了一場
很夠沒有哭了
心又再次痛起來
哭過痛過又如何?
又再返回現實.
只想過平淡簡單的生活
原來越簡單的事
就越不簡單
為何????
又再次想: 我何時才有平靜的生活過呢?
簡單的生活
對於我來說
簡直是遙不可及......
2010年3月21日 星期日
有好書店@銅鑼灣
在此先祝有好書店
生日蒸蒸日上
生意興隆
這間 ' 有好書店'
真係沒改錯名
有好書介紹, 亦都有好的書店介紹
也的而確是好友所開的
朋友叫做 'mag chan'
我叫她'米米' / '美美'
(下圖的左邊短髮look的咪就係米米囉....嘻嘻)
蕭c奶同少爺都是書蟲
很喜歡看書
很高興能夠認識這位好友
好友米米和兩位朋友仔
開了自己的樓上書店
身為朋友的當然要為好友書店宣傳啦
有好書店環境清靜
舒適又整齊
地方又大
地點位於: 銅鑼灣
若坐電車, 可以坐跑馬地,
過了鵝頸橋, 電車轉左的第一個站下車
下車後, 只要你枱頭一望
就會見到大大個招牌嫁了
'有好書店' 在此
這裡有各式各樣的書籍
而且相比起那幾間的大型連鎖書店
如: 三x, 商x, 大x等等
‘好友書店’的售價均比他們便宜呢
若果blog友們要購買書本
可以到此書店啊
大部份的書籍均由好友米米親自挑選
還設有休閒區呢
我最愛’有好書店‘的休閒區
怕口乾, 不用怕, 好友書店
有多種飲料供客人購買啊....
若有朋友/blog 友要購買任何書籍
可以直接找蕭c奶代購
或直接打電話到有好書店
訂購吧....
(可以話係少奶/左髀介紹, 可能會有額外discount都未定嫁)
有好書店
地址: 香港銅鑼灣波斯富街87號1樓
電話: 2882 6213
Miss Mag Chan
2010年3月20日 星期六
2010年3月16日 星期二
共勉之
其實自己心裡一直都有一家事
未能處理好，自己個心都好唔舒服
BUT。。。。都係得個等字。
自己事未處理，擺埋一邊。
最近前後分別都有兩位好重要的
好好好好知己朋友
分別為佢哋自己的屋企人
唔開心， 煩惱，徬徨。。。
因為佢哋的屋企人就等於自己的朋友一樣
眼見兩位好友不開心
自己的心都好唔舒服，好唔開心
有時真係覺得好感恩
自己懂得感恩，懂得珍惜，懂得尊重別人
因為我及這兩位好友的麻煩屋企事
都是來只家中的成員所致
就係因為佢哋都不懂感恩， 不懂珍惜， 不懂尊重別人
不懂為人著想
以致傷害了我們
可知這種傷害是多麼的痛，多麼的煩擾
朋友有難， 不開心
莫過於大家彼此支持，扶持，鼓勵吧
為了自己，打氣
更加要為兩位好友， 打打氣
我會為妳們祝福
希望事情可以盡快得以解決吧。
2010年3月15日 星期一
BIG 4 - photos
各位, 蕭c奶比較懶, 而且無咁多時間
所以唔想擇相啊,
若有興趣的話, 請到fb到慢慢欣賞啦...
呢兩輯係用咗canon 500D影的,
不過影得唔係好靚, 因為比前兩行遮到
有時真係好難影, 到咗sammi更加難影
因為未見sammi巳經全場起哂身了.....
http://www.facebook.com/album.php?aid=154070&id=604042716&l=532881f0b4
http://www.facebook.com/album.php?aid=154749&id=604042716&l=6440a9128e
至於呢輯係由少爺操刀, 用咗cannon G11
可以zoom得近過我部500d嫁. 都影得唔錯 (以少爺的技術), 哈哈.
少爺影sammi嗰part靚好多啊....抵讚! ^-^
http://www.facebook.com/album.php?aid=154754&id=604042716&l=ad0400fdb7
多謝各位收看.
上一廻轉壽司@琛圳
2010年3月14日(星期日)
白色情人節
祝各位甜甜蜜蜜, 幸福快樂!
上星期巳約了表妹
表妹會帶我們到琛圳的建材街
嘩...真係行到我哋三個對腳斷咗咁
行咗一日都未行哂呀
又真係幾平的, 不過就真係要花時間
睇同夾價錢啊...
表妹問我哋想食咩
好想食日本嘢, 表妹就帶我哋到金光華附近的
一間 '上一廻轉壽司'
一入去, 由價錢, 環境, 服務員的制服, 杯杯碟碟
都好似香港的元氣呀...嘻嘻
不過佢優勝的係食物種類多好幾十款啊
如果多人嚟食就正了
鰻魚壽司
三文魚刺身-
30元, 呢個都好新鮮, 但係唔夠厚身. 唔係好抵食.
魚腩盛 - 30元, 好抵食, 抵食過碟三文魚刺身
呢一碟, 為我獨享.....哈哈...
呢一碟, 為我獨享.....哈哈...
有 - 劍魚腩, 鱆紅魚腩及三文魚腩
三文魚子壽司
帶子壽司---
好鮮甜, 不過又係唔夠厚身, 但都抵嫁.
表妹推介 --- 黃金蝦卷
真係好好味, 白色的係芝士,
入面個蝦卷炸得好脆, 好新鮮.
呢一碟唔記得叫咩名,
又係表妹介紹,
平時的我, 對呢啲卷壽司麻麻
但係呢個好好味呀
入面炸得好鬆脆, 又唔熱氣喎
甜甜哋的, 好似係炸蟹卷
算啦, 唔記得了, 總之好食
牡丹蝦刺身
好大隻...
成半隻碟咁長....好鮮甜, yummy yummy.
燒青花魚
如果唔係食咗兩條腸仔,
我哋一定會食多啲呀....
呢一間, 我下次都會再嚟,
因為我本身係香港都好鐘意元氣嫁了
呢間仲要比元氣多好多呀..
2010年3月13日 星期六
和歌山@IFC
2010年3月4日(星期四)
早前約好了兩位同事
放工後一齊dinner, 傾吓
西門兄一早就話要帶我同同事仔
去試一間拉麵店
和歌山
平均每碗都要80元
嘩...好貴喎, 一碗成80蚊
味深的鰹魚鮮雞湯底
和歌山拉麵講究美味的祕密就是獨門的鰹魚鮮雞湯底.
和歌山湯底的基礎是採用昂貴的日本鰹魚, 經過全日慢火熬製成
香醇鮮味的鰹魚湯, 再加入原隻鮮雞與豬大骨融合燉製, 直至骨膠完全
融化到湯中, 湯底呈現清透美麗的金黃色澤. 除了能萃取出對人體極
有益的豐富骨膠原及骨髓外, 更大大提高了湯底的厚實口感.
由鰹魚的鮮美, 雞的清香, 到豬大骨的濃厚口感, 每一口的鰹魚鮮雞湯
都呈現出清香濃郁惹味的豐富層次, 這就是
[鰹魚鮮雞湯]的深奧滋味.
櫻花蝦拉麵
材料有:
拉麵, 鰹魚鮮雞湯, 櫻花蝦, 叉燒,
溫泉蛋, 紫菜, 味村筍, 水菜
根據同事所講, 件叉燒好好食, 我試食咗少少櫻花蝦,
一般啦, 其實好似啲蝦乾仔咁囉, 無咩特別
西門兄都係食櫻花蝦拉麵, 不過改了要豬骨湯底
我試飲咗一匙, 好好味, 好香濃, 我個人認為
豬骨湯好味過鰹魚鮮雞湯啊...
一本豬軟骨拉麵
材料有:
拉麵, 鰹魚鮮雞湯, 豬軟骨,
溫泉蛋, 海帶, 味村筍, 銀芽
豬軟骨確實煮得夠淋身, 這裡出名鰹魚雞湯,
湯的確好清甜, 帶有點點清雞湯味,
雖然蕭c奶一向食慣淡口, but我都想講....
食拉麵我始終都係鐘意湯底濃一點啊...
海老天婦羅
值得一讚的是, 這款海老天婦羅
炸得相當好味, 鬆脆, 蝦夠新鮮,
這個比鰹魚鮮雞湯更為出色及驚喜啊....
個人認為只此一次, 因為價錢貴
又唔係話真係好好好食喎
所以試一次就夠了
見識吓就夠lu...
和歌山
|
| 中環港景街1號國際金融中心商場3樓3020舖 |
電話 : 2295 1221
訂閱：
文章 (Atom)