頂唔順

蕭c奶係一位好少有頭痛的人

近呢兩日, 係個後尾'枕', 條頸對上的頭部

有時會有啲隱隱頭痛

蕭c奶都覺得有啲不對勁嫁了

因為好少會有頭痛, 幾乎係零未試過

其實都知一定要休息及放鬆自己

不過日日都咁多嘢做

工作真係好忙, 仲有好多嘢未做

court file未執, 未攞.

overtime的數未做

chart for judge 仲有一月份未開始做

環保紙未攪

電腦update又未做

唉...工作能力實在太低太差

要好好作出改善及處理

工作未做

到咗私務

日文真係要用好多時間及勤力

五十音真係唔容易

讀, 寫, 認, 真係要用時間去練習

唔想比無謂的籍口自己

一定要比啲壓力及督促自己要用功

搭車, lunch time 總之有啲啲的時間

就要係咁背, 係咁練

自己知自己事, 讀書一向不聰明, 唯有將勤補拙

少爺不同, 有小聰明, 他一看幾眼, 就可以記到,認到

蕭c奶沒有這小聰明, 所以只好勤力!

裝修 --- 能夠擁有和少爺的安樂窩

一定要好好想想新居的設計

每日都係咁花啲時間上網搵資料

參考室內設計的書本

晚晚都同少爺傾吓新居的事項

又係要花時間, 腦汁.

就係咁, 日日個腦都未休息過

日用腦, 夜用腦

所以身體出現警告了

喉嚨痛, 生痱滋, 頭痛, 肩頸, 膞頭酸痛

無精神, 眼乾, 眼痛, 晚晚發夢, 夜睡不寧, 口乾等等

身體係唔會扼到自己的

所以有見及此

今日蕭c奶今早打番公司

請urgent leave

真係要好好係屋企休息

起碼一日唔駛理公司嘢

都放鬆咗一半

朋友仔, 放心啦, 蕭c奶會好好咁盡量

放鬆自己, 放鬆心情,

盡量休息!