2010年是我的幸運年嗎？

2010年是我的幸運年嗎？

身邊的朋友，同事均說蕭C奶

由2009年尾行運到2010年頭都仲咁好運。

因為抽頭獎，仲要幫同事抽到好多份

跟住第一年入申請抽公屋

仲要係抽市區及新興建的

咁都比蕭C奶抽到

再加上以為媽咪有事

最後係無事，平安。

即時身邊的各方好友，都話要同我夾埋買

六合彩喎。。。。

因為大家都覺得蕭C奶好好運。。

 

是好運還是有心人得到好報呢？

蕭C奶確信自己一直都不是一位好運氣的人，

蕭C奶相信自己為人一向好，有善心，必得到好報，

凡事靠自己，上天必會看到，聽到，總好過靠運氣吧！

 

不過咁，老實講，蕭C奶唔望發達，

中六合彩中幾千萬咁多，咪攪！

蕭C奶只求日後平安，順利就足夠了。

所以朋友們，要祝賀的，

請祝蕭C奶： 平安，快樂。

唔好祝我發大達呀，小小財可以接受，大財就免了。OK。

 

人太過貪心或者想擁有更多的

蕭C奶總認為日後可能會失去更多

就算真係比我中六合彩，我只求中到二十萬就足夠

十萬用作新居裝修，購置傢俱，

五萬可以還給阿姨一半的錢，（媽咪的手術費）

最後剩餘的五萬，有少部份是用作捐給有需要的人/機構

然後再剩餘的流動資金，作有不時之需所用。

咁就完美了。。。嘻嘻

（係到發夢，講到好似真咁。。嘻）

 

媽咪及嗲哋都教做人要 ‘知足常樂’

而家越大越理會到呢個意思

蕭C奶亦都深信 ‘知足必定常樂’更可以得到平安！

若然今年真係蕭C奶的好運年

蕭C奶一定要好好把握機會去實現所有的事

亦都會好好珍惜所得到的一世人都未擁有過的運氣